က လီၤ မၢ် ဘၣ် ဖုး

ဆၢ က တီၢ် အံၤ မ့ၢ် ပှၤ က ညီ က လုာ် အ ထံ ထီၣ် ထံ လီၤ အ ထံ ၀ီၢ် ၀ံး လၢ အ လီၤ ပျံၤ က စီ ဒီး အ ဆၢ က တီၢ် လီၤ. ပှၤ အါ ဂၤ ထံၣ် ပှၤ အါ ဂၤ ဆိ က မိၣ် , ပှၤ အါ ဂၤ အ ထး ခိၣ် ထီၣ် ဖျဲး ၀ဲ လၢ ၱ ဆူ ထံ သၢ ဘ့ၣ် ကီၢ် သၢ ဘ့ၣ် န့ၣ် က လီၤ မၢ် , က လီၤ မၢ် က လီၤ မၢ် လၢ တၢ် ဆဲး တၢ် လၤ , က လီၤ မၢ် လၢ လုၢ် လၢ် ထူ သ နူ, က လီၤ မၢ် လၢ ကျိာ် လီၤ ပျံၤ , လီၤ သး တ ကဲး ဒိၣ် မး - န ထံၣ် ဒ် န့ၣ် သ ပှၢ် က တၢၢ် ဧါ ´အီ -ပ က ကွၢ် က ဒါ က့ၤ ထံ ကီၢ် လၢ ပ ဒိၣ် ထီၣ် တ ဘ့ၣ် အံၤ အ ပူၤ ပ က လီၤ မၢ် အ ကျဲ အိၣ် ဧါ ´တ လၢ် က ၢ် က လီၤ မ ၢ် ပ မ့ၢ် တ က လီၢ် ပ သး ပ မ့ၢ် တ ထၢၣ် ထံ လီၤ ပ သး , ပ မ့ၢ် တ ဂဲၤ လိာ် သ ပှၢ် ပှၢ် ဘၣ် န့ၣ် က လီၤ မၢ် သ ပှၢ် တၢၢ် လီၤ.

ဖိ မုၣ် ဖိ ခွါ ပှၤ သး စၢ် , ပှၤ သ့ လံာ် သ့ လဲၢ် တ ဖၣ် ဧၢ ဆိ က မိၣ် စၢၤ တ ဘီ - ပ ပှၤ က လုာ် အံမ အ ရူၢ် အ သဲး လီၤ က ဒု ဒိၣ် မး လံ , လၢ တၢ် ဆဲ း တၢ် လၤ လုၢ် လၢ် ထူ သ နူ မ့ၢ် ဂ့ၤ , လၢ တၢ် စံး တၢ် က တိၤ ကျိာ် မ့ၢ် ဂ့ၤ ,လၢ လံာ် လၢ လဲၢ် လၢ တၢ် စိၤ တၢ် ပီၢ် မ့ၢ် ဂ့ၤ လီၤ က ဒု ဒိၣ် မး ပ ြကၢး မၤ ဆှံ ထီၣ် , ပ ြကၢ း မၤ က ပီၤ ထီၣ် က့ၤ အီၤအ လီၢ် အိၣ် အါ မး လီၤ.

ပှၤ လၢ ဒိၣ် ထီၣ် ဘၣ် လၢ ပှၤ က ညီ ဂီၢ် မုၢ် အ တ ၀ၢ ပူၤ တ ဖၣ် ဒၣ် လဲၤ ပး ကဲ ၀ဲ ပှၤ က ညီ ကျိာ် မ့ၢ် တၢ် အ ကါ ဒိၣ် လီၤ န့ၣ် အိၣ် အ မျး က ယၤ စှၤ ဒံး ဒိၣ် မး ပ က ဆိ မိၣ် ထံ သ ကိး က့ၤ ကျိာ် ဒီး ပ က စၢ် လီၤ. ပ မ့ၢ် တ ပး ကဲ , ပ မ့ၢ် တ မၤ ဂ့ၤ ထီၣ် အီၤ ဘၣ် န့ၣ် မ တၤ က လုာ် က မၤ ဂ့ၤ ထီၣ် န့ၣ် ပှၤ လဲၣ် ´

န့ ဆၢၣ် တၢ် ဘၣ် တ့ တ မံၤ လၢ် လၢ် အိၣ် ဒီး အ ဒုၣ် အ ဒါ လၢ က အီၣ် တူာ် အီၣ် က လီၤ က မၤ ဟး ဂီၤ က မၤ လီၤ မူၤ လီၤ မၢ် အီၤ လီၤ. ပ မ့ၢ် တ ကၢၤ လီၤ က့ၤ ပ သး ဘၣ် န့ၣ် ပ လီၤ မၢ် ညီ က ဒၣ် ဖိ လီၤ. မိၢ် ပၢ် ဖံ ဖု တဲ စိၤ တဲ ဒိ ပှၤ လၢ က ၀ၢ် အ ဂ့ၢ် , က ၀ၢ် အ လိ , က ၀ၢ် အ တၢ် လီၢ် တၢ် ကျဲ ဘၣ် ဆၣ် က ၀ၢ် အ က့ၢ် အ ဂီၤ မၤ အ သး ဒ် လဲၣ် ပ တ ထံၣ် အီၤ လၢၤ ဘၣ် ့ ဒ် န့ၣ် အ သိး ပ ၀ဲ ပှမ က ညီ (KAREN) အံၤ ပ မ့ၢ် တ ပး ကဲ ကၢၤ က့ၤ ပ ကျိာ် ပ တၢ် ဆဲး တၢ် လၤ ပ လုၢ် လၢ် ထူ သနူ ဘၣ် န့ၣ် ဘီ ဧိၤ နး ဧိၤ , ကျိချံ မ့ၢ် ပိၢ် မ့ၢ် အိၣ် လၢ ပ စု ပူၤ ဆံး အါ လဲၣ် ဘၣ် ဆၣ် ပ လီၤ မၢ် သ့ ညီ က ဒၣ် လီၤ.

ယ ဘၣ် ယိၣ် တၢ် ဒိၣ် မး တ နံၤ ဖဲ ယ သိၣ် လိ တၢ် အ ဆၢ က တီၢ် ယ မၢ ပှၤ ကိၠ ဖိ တ ဖၣ် ကွဲး တၢ် တဲ မုာ် နၢ် လၢ အ လီၤ သး စဲ တုၤ ပှၤ ဖး တၢ် တ ဖၣ် ခီၣ် မှံ ဘၣ် က့ၤ အ ၀ဲ သ့ၣ် အ တၢ် ကွဲး အ ရီး အ က လုာ် က လုာ် လီၤ့ ပှၤ ကိၠ ဖိ ဟဲ ထီၣ် တ ဂၤ ၀ံၤ တ ဂၤ အိၣ် ကီၢ် သၢ ဂၤ လွံၢ် ဂၤ ကွၢ် ယ မဲာ် နံၤ မိၣ် မှံ မိၣ် မံှ ယ သံ ကွၢ် အီၤ သု တၢ် တ ၀ံၤ ဒံးဧါ ´အ ပိာ် ခွါ အ ကျါ တ ဂၤ တဲ ယၤ ၱ သ ရၣ် မုၣ် ဧၢ မ့ၢ် ဘၣ် ကွဲး တၢ် ဃဲၤ မုာ် နၢ် လၢ ပ ယီၤ ကျိာ် ဒု ယ ကွဲး ဘၣ် ဒါ ခီ မ့မ့ၢ် လၢ ပ ှၤ က ညီ ကျိာ် အံၤ ယ ကွဲး တ (အါယး )ဘၣ် /ယ ခိၣ် သၣ် ဃၢ ထီၣ် , ယ သး သ ဖှိ ထီၣ် လၢ တၢ် သး ဘၣ် ဒိ တ စိ ၢ် ဖိ ပိာ်မုၣ် ဖိ အ ကျါ တ ဂၤ တဲ ၀ဲ ၱယ ကျဲး စၢး (ယ့-ေရး လက်ကုန်, ယ ယ့ ) တ ဘၣ် လၢာ် ဘၣ် /၀ံၤ တၢ် လံ - ပျၤ က ညီ အ သွံၣ် ဆှံဆှံ ဒိၣ် ထီၣ် ဘၣ် လၢ ပှၤ က ညီ အ ကျါ လၢ ပ ယီၤ ပ ဒိၣ် တၢ် ပၢ အ ဖီ လာ် (ယ့) ပှၤ က ညီ ကျိာ် လဲကိၣ် (ယ့) ၀ဲ တ အါယး လၢာ် ဘၣ် ့ ယ သါ က မၤ က့ၤ ဒ် လဲၣ် ´ယ ဘၣ် မ ၤက့ၤ ဒ်လဲၣ် ´ပှၤ တ ဖၣ် အံၤ တုၤ ခံ နံၣ် ၀ံၤ က ဘၣ် က့ ၤသိၣ် လိ က့ၤ အ ပှၤ က ညီ က လုာ် ဖိ သၣ် တ ဖၣ် လၢ အ ဒူ အ သ ၀ီ လီၤ့ တၢ် မ့ၢ် မၤ အ သး ဒ် အံၤ သၢ ပျၢၤ - တ လဲၤ ၀ဲ ဆူ ထံ သၢ ဘ့ၣ် ကီၢ် သၢ ဘ့ၣ် ဘၣ် ဆၣ် လီၤ မၢ် တ သ့ ဧါ´

ယ ပှၤ က ညီ က လုာ် ယ ဖိ မုၣ် ဖိ ခွါ သး စၢ် လၢ အ ဒိး န့ၣ် တၢ် ကူၣ် ဘၣ် ကူၣ် သ့ , အ သ့ လံာ် သ့ လဲၢ် တ ဖၣ် ဧၢ ဆိ က မိၣ် ဆၢ တ ဘီ , ဂဲၤ လိာ် စၢၤ တ ဘီ. လၢ ကျ ဲကိး က ပၤဒဲး ဒ် သိး ပ ပှၤ က လုာ် သု တ လီၤ မၢ် တ ဂ့ၤ အ ဂီၢ် စီၣ် မဲာ် စီၣ် နါ ဒီး ပ ာ်သူၣ် ပာ် သး သ ကိး တ ဘီ - ပျၤ တ စိၤ လဲၤ , ပှၤ တ စိၤဟဲ. ပ ၀ဲ သး ပှၢ် တ ဖၣ် ပ လဲၤ တ့ၢ် လံ သု ၀ဲ ပှၤ သး စၢ် လၢ အ က ဟဲ တ ဖၣ် လၢ တၢ် သူၣ် ထီၣ် ဒီး မၤ ဂ့ၤ ထီၣ် မၤ ကျၢၤ ထီၣ် က့ၤ ပ ပှၤ က လုာ် အ ဘူၣ် အ တီၢ် ဖံ ဖံ မုၢ် လၢ် လၢ သု က ဆိ က မိၣ် ဒီး ပဲာ် ထံ နီၤ ဖး သ ကိး လီၤ. မ့ တ မ့ၢ် ဒ် က ၀ၢ် လီၤ မၢ် တ့ၢ် လံ အ သိး ပ ပျၤ က ညီ က လုာ် က လီၤ မၢ် ဘၣ် ဖုး

လၢ ဖံ ဆီ ဃၢ်

ခ့ၣ် ထံၣ်ထံၣ် စံၣ် ကိၠ