ကတီၢ်ခဲအံၤကညီဖိ
လီၢ်တူၢ်လီၤကၢ်အိၣ်တမိၠ
တၢ်ကူၣ်သ့တအိၣ်အဃိ
ဘၣ်နးဘၣ်ဖှီ၀ဲထီဘိ
တၢ်ကူၣ်သ့မ့ၢ်အိၣ်ဒီးပှၤ
ပှၤအါဂၤကပါ်ဒိၣ်ပှၤ
တၢ်ကူၣ်သ့မ့ၢ်တၢ်အရ့ဒိၣ်
ကျဲးစၢးဃုလၢတၢ်သးအိၣ်
ဖဲပဃုကူၣ်သ့ခါ
ပဘၣ်အိၣ်ဒီးတၢ်တူၢ်ဆါ
တၢ်တူၢ်ဆါအလုၢ်အပှၤ့
မုၢ်တနံၤပကထံၣ်က့ၤ
တုၤပန့ၢ်ကူၣ်သ့ပီညါ
ပှၤကလုာ်ဂီၢ်ပမူဒါ
လၢပပှၤကလုာ်အကျါ
တသ့ကူၣ်သ့အိ ၣ်ဒံးအါ
ခီဖျိတၢ်ဆီၣ်တံၢ်မၤနၢၤ
တအိၣ်ဘၣ်ကၠိလၢဂၢၢ်ကျၢၤ
ကၠိဂၢၢ်ကျၢၤတသူၣ်လီၤသး
ကအိးထီၣ်ကျဲကီဒိၣ်မး
တနီၤထီၣ်ကၠိဃုကူၣ်သ့
ဘၣ်ကွဲးလဲာ်ဃိးဘ့ၣ်ဘီၣ်က့
ကကွဲးဘၣ်လံာ်လဲၢ်အဂီၢ်
စ့တအိၣ်ကပှၤ့လံာ်ဂီၢ်
ကညီိဖိတၢ်အိၣ်မူအံၤ
ဘၣ်ကွၢ်ဆၢၣ်မဲာ်တၢ်အါမံၤ
တၢ်ကွၢ်ဆၢၣ်မဲာ်သ့ၣ်တဖၣ်
ခဲလၢာ်ခီဖျိတ့ၢ်၀ဲဒၣ်
ယပှၤကလုာ်တနီၤကျါ
သ့ထီၣ်၀ဲကူၣ်သ့ပီညါ
ကွဲးတ့ၢ်တၢ်စံၣ်စိၤတဲစိၤ
လၢလီၢ်ခံကဟဲတစိၤ
လၢလီၢ်ခံကသ့ကဖး
လၢညါတစိၤတၢ်မၤသး
ကူၣ်သ့ပီညါပမ့ၢ်သ့
ပှၤမၤလီၤမၢ်ပှၤတသ့
တၢ်စံၣ်စိၤကွဲးဟဲအသး
ပကလီၤမၢ်ကီဒိၣ်မး
လဲၤတစိၤဂ့ၤတစိၤဂ့ၤ
လီၤမၢ်တသ့လ့ၤတက့ၤ
တၢ်ကူၣ်သ့မ့အိၣ်ဒီးပှၤ
ကကဲဘျုးဆူပှၤအါဂၤ
ပမ့ၢ်သ့တ့ၢ်လံကူၣ်သ့
တမ့ၢ်ထူပှၤဟုၣ်တသ
တၢ်ကူၣ်သ့အကျဲတဖၣ်
တဆှၢပှၤတၢ်ဟးဂီၤဘၣ်
တၢ်ကူၣ်သ့ဒီးတၢ်သ့ၣ်ညါ
မ့ၢ်၀ဲဒၣ်ပဂံၢ်ပဘါ
လၢ-အဲၣ်တၢ်ဂ့ၤ
Mae La
Middle 6
Thai Baht Converter
Post a Comment
ပှၤတဂၤလၢ်လၢ် မ့ၢ်အဲၣ်ဒိးဟ့ၣ်၀ဲ ခီမဲၣ်မ့ၢ်ဂ့ၤ ကွဲးပဲာ်ထံနီၤဖးတၢ်တမံၤမံၤလၢ တၢ်ဂ့ၢ်တခါအံၤအဖီခိၣ် မ့ၢ်ဂ့ၤ ဟ့ၣ်ခီမဲၣ် ဒီး ပဲာ်ထံနီၤဖးသ့လီၤ. လၢနဂီၢ် ခီမဲၣ်လီၢ် လီၤဟိအိၣ်ထီဘိဒီးတူၢ်လိာ်နတၢ် ပဲာ်ထံနီၤဖးဒီး တၢ်ဟ့ၣ်ကူၣ်တဖၣ်လီၤ.