မုၢ်မဆါတနံၤအံၤ ကညီဖီၣ်ဒီးပယီၤဖီၣ်တဖၣ်

မုၢ်မဆါ တနံၤအံၤ ကညီဖီၣ်လၢ တၢ်ဒုးကဲထီၣ်အီၤအိၣ်၀ဲအါမးလီၤ. မ့ၢ်ကညီမနုၤမနုၤဒု တ နၢ်ပၢၢ်လၢၤဘၣ် အဃိ ယသူူ၀ဲ ဖီၣ်သ့ၣ်တဖၣ်အံၤ ခဲလၢာ်လီၤ. တနီၤကွဲးကဘၣ်လၢ ခ့ၣ်အဲၣ်ယူၣ် ဒီး တနီၤကွဲးကဘၣ်လၢ ကညီထံထၣ်စွ့“ကညီ စီမုၢ်“ကညီစီစံၣ်အဲၣ်ဖ်စံၣ်အၣ်ရ်“ ကညီ နယူခရဲ တဖၣ်လီၤ. အဃိ ဖဲအံၤ ကယဲၢ်မ့ၢ်ကညီ အဖီၣ်န့ၣ်တီၣ်ထီၣ်န့ၢ်နၤဘူးလၢ ကလုာ်၀ဲဃၣ်ဃၣ်လီၤ. ဘၣ်ဆၣ်တၢ်လၢ ယအဲၣ်ဒိးတဲတခီ ဖီၣ်လၢ ပကွဲးအီၤဒီး ပဖးအီၤလၢ အကလုၢ်မ့ၢ်သီၣ်ထီၣ်ဒီးဖျါလၢ ကညီကျိာ်ဒီး ပဖးကညီကျိာ်မ့ၢ်ဘၣ်န့ၣ်မ့ၢ်၀ဲ ကညီဖီၣ်လီၤ.

ထဲ ခ့ၣ်အဲၣ်ယူၣ် ဖီၣ်တခါဧိၤ“ထဲနယူခရဲ တခါဧိၤ“ စီမုၢ်“ စီစံၣ်အဲၣ်ဖ်စံၣ်အၣ်ရ်“ မးမ့ၢ်ကညီဖီၣ်န့ၣ် တမ့ၢ်ဘၣ် ဟဲကဲထီၣ်အသးဒ်အံၤလီၤ. ဘၣ်ဃးဒီး ဖီၣ်တခါအံၤ လီၤဂာ်ဒ်သိးဒီး တၢ်ပှံၤခိၣ် လီၤ. တနီၤပှံၤမုာ်လၢ ချံနံၣ်ဒီး တဲလၢ ချံနံၣ်န့ၣ်ဂ့ၤလီၤ. တနီၤပှံၤမုာ်လၢ​ ရံကၠူၣ်ဒီးတဲလၢ ရံကၠူၣ်ဂ့ၤလီၤ. အဃိ ပှၤဂၤမ့ၢ်တဲနၤ တဘၣ်သးဒ့ဒီတဂ့ၤ ဖီၣ်ဖဲလဲၣ်တခါလၢ​ နကွဲးမ့ၢ်ဘၣ်ဒီ်း ပဖးမ့ၢ်သ့လၢ ကညီကျိာ်န့ၣ်မ့ၢ်၀ဲ ကညီဖီၣ်လီၤ.

အဂၤတမံၤ မုၢ်မဆါတနံၤအံၤ တၢ်ဆၢကတီၢ်လဲၤထီၣ်လဲၤထီဒီး ကညီဖိကဘၣ်လဲၤ ထီၣ်လဲၤ ထီ၀ဲစ့ၢ်ကီးလီၤ. လၢနဂီၢ် ဖီၣ်လၢ နကွဲးအီၤမ့ၢ်ညီလၢနဂီၢ်ဒီး မၤညီထီၣ်တၢ်လၢ နတၢ် အိၣ်မူအပူၤန့ၣ် ကွဲးစၢ်ခီ တဘၣ်ပျံၤတၢ်နီမံၤတဂ့ၤ မုၢ်မဆါတနံၤအံၤ တၢ်ညီဒီးတၢ်ကီန့ၣ် ပှၤလူၤအါဒၣ်တက့ၢ်လၢ​ တၢ်ညီလီၤ အဃိ ပ၀ဲကညီဖိတဖၣ် မ့ၢ်ပကမၤဒ်လၢ အပူၤကွံာ်လီဧါ. ဆၢကတီၢ်လဲၤထီၣ်လဲၤထီဒီး ကညီဖိမ့ၢ်တလဲၤထီၣ်လဲၤ ထီန့ၣ် ပှၤကလုာ်ဂၤကဆိကမိၣ် ၀ဲဒ်လဲၣ်.

ယအဲၣ်ဒိးထံၣ်လၢ ဆၢကတီၢ်လဲၤထီၣ်လဲၤထီအသိး ကညီဖိတဖၣ် ကလဲၤထီၣ်လဲၤ ထီစ့ၢ်ကီးလီၤ. စံးတၢ်န့ၣ် ပလုၢ်ပလၢ်ဒီး ပတၢ်ဟဲလီၤစၢၤလီၤသွဲၣ်တြကၢးပသးပ့ၤနီၣ်အီၤ ဘၣ်. ြကၢးလၢ ပဟံးဃာ်အီၤ ကစီဒီလီၤ. ဒီးယနာ်သပှၢ်ကတၢၢ်လၢ ကညီဖိကိးဂၤန့ၣ် အဲၣ်အပှၤကလုာ်ဒီး ဟံးဃာ်၀ဲ ကျိာ်လံာ်လဲၢ် တၢ်ဆဲးတၢ်လၤဒီး လုၢ်လၢ်ထူသနူတဖၣ်လီၤ. ကညီဖိလၢတအဲၣ်အပှၤကလုာ်ဘၣ်န့ၣ် တအိၣ်ဘၣ် ခီဖျိတနီၤတၢ်တူၢ်ဘၣ်အိၣ်အဃိ ကဲထီၣ်အသးသ့၀ဲလီၤ. ဘၣ်ဆၣ်ယဆိကမိၣ်လၢ​ တမ့ၢ်ကသးပ့ၤနီၣ်၀ဲလၢ ယမ့ၢ်ကညီဘၣ်. လၢတၢ်န့ၣ်အဃိ ဖီၣ်လၢ ယတီၣ်ထီၣ်အီၤလၢ​ အဖီလာ်တဖၣ်အံၤ ယသူခဲလၢာ်လီၤ ဒီး ယကွဲးအီၤဘၣ်တခါတဆဲးတခါတဆဲးလီၤ. ဘၣ်ဆၣ် တၢ်လၢ အမၤညီထီၣ်ယၤဒီး ယသူအီၤတၢ်ဂ့ၢ်ကီမ့ၢ်တ အိၣ်တဖၣ် အါတက့ၢ်ယသူ အီၤလီၤ.

ခဲအံၤ တီၣ်ထီၣ်န့ၢ်နၤ ကညီ ဖီၣ် ဃုာ်ဒီး ပယီၤ ဖီၣ် တဖၣ်လီၤ. လၢ ဖီၣ်သ့ၣ်တဖၣ်အံၤ အကျါ ဖီၣ်လၢ အပၣ်ဃုာ်တခီမ့ၢ်ဝဲ ကညီပှိၢ်“ ကညီစှီၤ“ ကညီဇွဲကဘ့ၣ်“ စီ စံၣ်အဲၣ်ဖ်စံၣ်အၣ်ရ် တ ဖၣ်လီၤ. ပယီၤဖီၣ်တခီ ပၣ်ဃုာ်၀ဲ ဇီၣ်ကၠံၣ်“ ရွှ့ၣ်ဖီၣ်“ အ့ယၢၣ် ယူနံးကိး ဖီၣ် ဒီးမုၢ်ဆ့ၣ်မုၢ်ဂီၤ ပယီၤဖီၣ်တဖၣ် ပၣ်ဃုာ်ခဲလၢာ်လီၤ.

Download Karen and Burmese Font