ဟဲက့ၤကံၢ်စုပှိၢ်ဒီးစှီၤ

လၢ တံနိ(သ၀ီတါ)
ဖီလါခူးဖးလၢပှၢ်ကျါ, မ့ၢ်ကညီဖိကံၢ်စုလါ
တၢ်စူၤလါခူးမ့ၢ်တုၤဃီၤ, ဟဲက့ၤကံၢ်စုပှိၢ်ဒီးစှီၤ

လၢပျၢၤဖံဖုမၤယုၤ၀ဲ, သုတလီၤမၢ်ပၢၤဃာ်နဲ
ကလုာ်ဂၤဆဲးလၤပီညါ, လုၢ်ဘၢကွံာ်နၤလၢာ်လံဧါ

တၢ်ကတိၤထူရူၢ်ဆဲးလၤ, သုတကျီၣ်ကျဲဒီးပှၤဂၤ
မ့ၢ်တပၢၤဃာ်ကျၢၤနဲဒၣ်, ကလီၤမၢ်နီၤ“ခွံတလၣ်”

မှံၤပှၢ်ဟ့ၣ်ပလီၢ်အါစု, နီဘျီကလီၤလံာ်န့ၢ်သု
ပိာ်ထွဲနီၢ်ဘျီခံတဂ့ၤ, ြပုကလၤဟဲက့ၤဟဲက့ၤ

တၢ်လီၢ်မတကဲၣ်သံလါ, ပလီၢ်သးလံၤမုၣ်လံၤခွါ
သွၣ်ခိၣ်လိထံးအိၣ်တဂ့ၤ, ြပုကလၤဟဲက့ၤဟဲက့ၤ

ဖံဖုလၢပျၢၤမၢ်လိာ်ပာ်, မ့ၢ်လီၤဃံၤ၀ံၢ်ထီၣ်လိာ်သး
ဒီပုၢ်၀ဲၢ်သးမ့ၢ်ချၢၣ်ချဲ, ကွၢ်တပူၤကီတပူၤခဲ

မှံၤပှၢ်လၢပျၢၤထံၣ်စိဃာ်, ဟ့ၣ်ပလီၢ်သိၣ်ပာ်တဲပာ်
“ဒ့ၣ်ကအီၣ်လိာ်ဒ့ၣ်အသး, ညၣ်ကအီၣ်လိာ်ညၣ်အသး”
တၢ်ကတိၤမၤတ့ၢ်သးလံ, ပှိၢ်ဒီးစှီၤဆိမိၣ်မ့ၢ်ထံ
http://www.thekaren.org/poem/13-08-2011wristtying.html