တၢ်​မၤ​လါ​ခူး​ကံၢ်​စု​မူး​စိၤ​လၢ​ညါ​ဒီး​စိၤ​ခဲ​အံၤ​အ​တၢ်​ဆီ​လဲ​လီ​ၤ​ဆီလိာ်​သး

တံ​န​ိ(သ​ဝီ​တါ)

လါ​ခူး​ကံၢ်​စု​မ့ၢ်​က​ညီ​ဖိ​လု​လၢ်​တ​ခါ​ဒီး​မ့ၢ်​ဝဲ​ဖံ​ဖု​ဖးဒိၣ်​လၢ​ပျၢၤ​တ​ဖၣ်​အ​တၢ်​မၤ​ယု​က့ၤ​အ​ဖိ​အ​လံၤ,တၢ်​လီၤ​စ​ၢၤ​
အ​တၢ်​ဟ့ၣ်​သါ​တ​ခါ​လီၤ.တၢ်ကတိၤ’’ထူရူၢ်လုၢ်လၢ်’’စးံတၢ်န့ၣ်အခီပညီမ့ၢ်၀ဲ-တၢ်​လၢ​အ​ဘၣ်​ထွဲ​ဒီး​ပှၤ​တ​က​
လုာ်​အ​တၢ်​စုၢ်​တၢ်​နာ်,လုၢ်​လၢ်​ထူ​သ​ နူ,တၢ်​စဲၤ​တၢ်​ဒွဲ​လၢ​အ​ဟဲ​လီၤ​စၢၤ​လၢ​ဖံ​ဖး​ဒိၣ်​တ​ဖၣ်​အ​အိၣ်​ဒီး​မ့ၢ်​ ဖံ​ဖုလၢ​ပျၢၤ​တ​ဖၣ်​အ​တၢ်​စံၣ်​ဃဲၤ​တဲ​ဃဲၤ​မၤ​ယုၤ​က့ၤ​အ​ဖိ​အ​လံၤ​တၢ်​မၤ​တ​ ဖၣ်​န့ၣ်​လီၤ.က​ညီ​ဖိ​အ​တၢ်ံၢ်​စု​န့ၣ်​မ့ၢ်​က​ညီ​ထူ​ရူၢ်​လုၢ်​လၢ(မိ​ရိုး​ ဖ​လာ)တ​ခါ​လၢ​အ​ဟဲ​လီၤ​စၢၤ​ဝဲ​လၢ​မိၢ်​လုၢ်​ပၢ်​လၢ်​အ​တၢ်​မၤ​န့ၣ်​လီၤ.

တၢ်​ကံၢ်​စု​အ​ဆိ​က​တၢၢ်​တ​ဘျီ​လၢ​ဖံ​ဖု​တ​ဖၣ်​အ​ကျါ​ဟဲ​ကဲ​ထီၣ်​သ​ဒီး​အ​ဝဲ ​သ့ၣ်ဒ်​လဲၣ်​ပ​မ့ၢ်​ဃိ​ထံ​ဃု​သ့ၣ်​ညါ​က​ဒါ​က့ၤ​အီၤ​ဒီး​ပ​က​ထံၣ်​ဘၣ်​အ​ ဂ့ၢ်ဒ်​အ​ဖီ​လာ်​အ​သိး​လီၤ.ဖံ​ဖု​လၢ​ပျၢၤ​တ​ဖၣ်အ​တၢ်​စံၣ်​ဃၤ​တဲ​စိၤ​ကၤ​ဖိ​ လံၤ​ခီ​ဖျိ​လၢ​ထါ​န့ၣ်​စးံ​ဝဲ,အ​ဝဲ​သ့ၣ်​အ​ထးံ​အ​ခံ​အိၣ်​လၢ​ဃိၣ်​လၢၢ်​မုၢ် ​ထးံ(ဘ့ၤ​ဘံၤ​လိ​နံ​ယၢ)တ​ခီ​အ​ဝဲ​သ့ၣ်​သုး​က​စီၤ​ထီၣ်​အ​သး​တ​ဆီ​ဘၣ်​တ​ဆီ​ ဆူ​မုၢ်​ထီၣ်​ခီ​တ​ပၤ​ဒီး​ဆီ​လီၤ​အ​တၢ်​အိၣ်​တၢ်​ဆိး​အ​လီၢ်​အ​ကျဲ​အ​ဆိ​က​ တၢၢ်​ကီး​ဘံၣ်(ချ​ခ​န-2197-2017)ဆၢ​က​တီၢ်​တ​ဖၣ်​အ​ခါ​တၢ်​စးံ​ဝဲ​မ့ၢ်​လၢ​ တၢ်​လီၢ်​ဖဲ​န့ၣ်​ဟီၣ်​ခိၣ်​အ​တီ​ဆူၣ်​ဒီး​တၢ်​ဝံ​တၢ်​က​လၤ​တ​ဖၣ်​ပျိာ်​လဲ​ ထီၣ်​အ​သး​ဆူ​ပှၤ​ကူ​ပှၤ​က​ညီ​ဒီး​ကွဲ​န့ၢ်​လွဲန့ၢ်​မၤ​က​မၣ်​န့ၢ်​ပှၤ​မဲာ် ​အ​ဃိ​တၢ်​ဘၣ်​သံ​ဘၣ်​ပှၢ်​ဝဲ​လ​ၢ​ကီး​ဘံၣ်​မဲး​မုၢ်​ခိၣ်​ပျီ​ဖး​လဲၢ်​တ​ ဖၣ်​အ​ပူၤ​တၢ်​ဂ့ၢ်​ကီ​အိၣ်​ထီၣ်​ဝဲ​လီၤ.

လၢ​တၢ်​န့ၣ်​အ​ဃိဒ်​သိး​နီၤ​ဖး​ဝဲ​တၢ်​အ​ ဆၢ​လၢ​ပှၤ​က​ညီ​ဒီး​တၢ်​ဝံ​တၢ်​က​လၤ​လၢ​အ​ဟဲ​ပျိာ်​လဲ​ပာ်​မၤ​ထီၣ်​အ​သးဒ်​ ပှၤ​ကီ​တ​ဖၣ်​အ​ဘၢၣ်​စၢၤ​က​သ့​အ​ဂီၢ်​မၤ​ဝဲ​တၢ်​ပ​နီၣ်​လၢ​တၢ်​ကံၢ်​နီၣ်​ ဃာ်​စု​ဒ့​ကိာ်​လၢ​လုၣ်​ဝါ​အ​တၢ်​ပ​နီၣ်​န့ၣ်​လီၤ.ပှၤ​လၢ​အ​စု​ဒ့​ကိာ်​လိၤ​ အိၣ်​ဒီး​လုၣ်​ဝါ​အ​တၢ်​ပ​နီၣ်​တ​ဖၣ်​န့ၣ်​သ့ၣ်​ညါ​ဝဲ​လၢ​အ​မ့ၢ်​ပှၤ​က​ညီ​ နီၢ်​နီၢ်​ဒီး​မ့​မ့ၢ်​ပှၤ​လၢ​အ​စု​ဒ့​ကိာ်​လိၤ​တ​အိၣ်​ဒီး​လုၣ်​ဝါ​တၢ်​ပ​ နီၣ်​ဘၣ်​န့ၣ်​မ့ၢ်​ဝဲ​တၢ်​က​လၤဟ​ဲပျိာ်​လဲ​ပာ်​မၤ​အ​သး​လၢ​ပှၤ​က​ညီ​တ​ဖၣ်​ အ​ကျါ​န့ၣ်​လီၤ.အ​ဝဲ​န့ၣ်​မ့ၢ်​တၢ်​ကံၢ်​စု​အ​ဆိ​က​တၢၢ်​တ​ဘျီ​အ​တၢ်​ဂ့ၢ်​ ကဲ​ထီၣ်​အ​သး​န့ၣ်​လီၤ.တၢ်​ကံၢ်​စု​ဝဲ​န့ၣ်​တ​ဘၣ်​ဃး​ဒီး​တၢ်​ကွဲ​ဝံ​ကွဲ​က​ လၤ​တၢ်​လုၢ်​တၢ်​ပာ်​နီ​တ​မံၤ​ဘၣ်.မ့ၢ်​တၢ်​ကံၢ်​စု​မၤ​နီၣ်​မၤ​ဃါ​အ​တၢ်​ပ​ နီၣ်​န့ၣ်​လီၤ.


​ဖံ​ဖု​လၢ​ပျၢၤ​တ​ဖၣ်​အ​တၢ်ူၢ်​တၢ်​နာ်​အ​တၢ်​ဘူၣ်​ထီၣ်ဘါ​ထီၣ်​ဘါ​ထီၣ်​အ​ လုၢ်​အ​လုၢ်​န့ၣ်​တ​မ့ၢ်ဒ်​သိး​မုၢ်​မ​ဆါ​တ​နံၤ​အံၤ​ပှၤ​ကီၢ်​မုၢ်​နုာ်​ဖိ​ ဘါ​ဝဲ​ပှၤ​ရံာ်​ဖိ​တၢ်​ဘူၣ်​တၢ်​ဘါ,သါ​ယွၤ​အိၣ်​ဒၣ်​တ​၈ၤ​ဃီ​အ​ခီၣ်​ထံး​အ​က ​တၢၢ်​တ​အိၣ်​ဘၣ်.ပှၤ​က​ညီ​ထံၣ်​က့ၤ​ယွၤ​တ​သ့​ဘၣ်​န့ၣ်​မ့ၢ်​လၢ​အ​ဝဲ​သ့ၣ်​ နာ်​က​မၣ်’’ပ​ယိၤ’’အ​ဃိ​ယွၤ​ပာ်​တ​ဒၢ​ကွံာ်​အ​သး​လၢ​ပှၤက​ညီ​န့ၣ်​လီၤ.လၢ​ တၢ်​န့ၣ်​အ​ဃိ​တၢ်​ကီ​တၢ်​ခဲ​တၢ်​နး​တၢ်​ဖှီၣ်​တၢ်​ဆူး​တၢ်​ဆါအိၣ်​ထီၣ်​ဝဲ​ လီၤ.ပှၤ​က​ညီဒ်​သိး​က​ပူၤ​ဖျဲး​ထီၣ်​ကွံာ်​လၢ​တၢ်​က​မၣ်​အံၤ​အ​ဂီၢ်​က​ဘ​ဘၣ် ​လုၢ်​ထီၣ်​ပာ်​ထီၣ်​က့ၤ​တၢ်​လၢ​ယွၤ​လၢ​အ​တၢ်​က​မၣ်​က​ဘၣ်​တၢ်​ပျၢ်​ကွံာ်​အ ​ဂီၢ်​န့ၣ်​လီၤ.တ​ချုး​လၢ​အ​ဝဲ​သ့ၣ်​ဟး​ထီၣ်​ဒးံ​ခၢ​ဃိၣ်​လၢၢ်​မုၢ်​ထံး​ဖဲ​ ချ​ခ​န​ ​၂၂၃၄(ပူၤ​ကွံာ်​နံၣ်​လွံၢ်​က​ထိ​ဘျဲၣ်)အ​ခါ​န့ၣ်​အ​ဝဲ​သ့ၣ်​အ​တၢ်ဘူၣ်​ထီၣ် ​ဘါ​ထီၣ်​အ​က့ၢ်​အ​ဂီၤ​န့ၣ်​က​မ့ၢ်​တၢ်​လုၢ်​ထီၣ်​ယွၤ​လၢ​သိ,မဲးတဲး​လဲး​ဒီး ​ဂီၤ​ဖးံ​လၢ​အ​မ့ၢ်​ဝဲ​တၢ်​၈ၢ်​လီၤ​တၢ်​သွံၣ်​အ​တၢ်​လုၢ်​မ့ၣ်​အူ​အ​လု​အ​ လၢ်​နၣ်​လီၤ.

အ​ဂ့ၢ်ဒ်​အံၤ​တၢ်​သွံၣ်​မ့ၢ်’’သး​သ​ မူ’’ဘၣ်​ဃူ​ထီၣ်ယွၤ​လၢ​တၢ်​ပျၢ်​တၢ်​က​မၣ်​အ​ဂီၢ်​လီၤ.ဖံ​ဖု​လၢ​ပျၢၤ​အ​တၢ်​ ကံၢ်​စု​ခံ​ဘျီ​တ​ဘျီ​လၢ​အ​ပၣ်​ဃုၣ်​ဒီး​တၢ်​ကွဲ​ဝံ​ကွဲ​က​လၤ​န့ၣ်​ဘၣ်​တ​ ဘၣ်​က​စး​ထီၣ်​အ​သး​ဖဲ​အ​ဝဲ​သ့ၣ်​ဟဲ​လီၤ​အိၣ်​ဆိး​ဖဲ​ကီၢ်​သံ​ဘီ​သံ​မုၢ်​ ဒီး​ကီၢ်​လီၢ်​ပၢၤ(ခဲ​အံၤ​ကီၢ်​တံဘဲး​ဒီး​ယူၣ်​နၣ်)ဖဲ​ချ​ခ​န​ ​၂၀၁၃-၁၁၂၈နံၣ်​တ​ဖၣ်​အ​ဘၢၣ်​စၢၤ​ဆၢ​က​တီၢ်​တ​ဖၣ်​အ​ခါ​န့ၣ်​သ့ၣ်​သ့ၣ်​ လီၤ.ဆၢ​က​တီၢ်​ဖဲ​န့ၣ်​အ​ခါ​ဖျါ​လၢ​အ​ဝဲ​သ့ၣ်​အ​တၢ်​ဘူၣ်​တၢ်​ဘါ​အ​တၢ်​လုၢ် ​ထီၣ်​ပာ်​ထီၣ်​အ​က့ၢ်​အ​ဂီၤ​န့ၣ​်ကျီၣ်​ကျဲ​ဆီ​တ​လဲ​က့ၤ​အ​သး​က​ယီ​ကယီဆူ​ ပှၤ​ကီၢ်​ဖိ​ဖဲ​န့ၣ်​တ​ဖၣ်​အ​တၢ်​လုၢ်​တၢ်​ပာ်​အ​လုၢ်​အ​လုၢ်​အသိး​န့ၣ်​ လီၤ.

ပှၤ​ကီၢ်​ဖိ​ဖဲ​န့ၣ်​တ​ဖၣ်​အ​တၢ်​လုၢ်​ တၢ်ပာ်န့ၣ်​မ့ၢ်​ဝဲ​တၢ်​စံၢ်​သံ(တ​မ့ၢ်​တၢ်​၈ၢ်​လီၤ​တၢ်​သွၣ်​တၢ်​လုၢ်​မ့ၣ် ​အူ​ဘၣ်)ဒီး​လၢ​တၢ်​လုၢ်​သိ​ဖိ,မဲးတလဲး​အ​လီၢ်​အ​ဝဲ​သ့ၣ်​လုၢ်​တၢ်​လၢ​ထိး​ လၢ​ဆီ​န့ၣ်​လီၤ.တၢ်​စးံ​ဝဲ​လၢ​ပ​ပှၤ​က​လုာ်​အ​ကျါ​က​ညီ​မုၣ်​ပှၢ်​အိၣ်​လၢ​သ ​ဝီ​ပူၤ​တ​၈ၤ​စး​ထီၣ်​အီၣ်​ယုၤ​က့ၤ​အ​ဖိ​ဆိး​က့​လၢ​ထိး​လၢ​ဆီ​စံၢ်​သံ​ဝဲ​အ​ ကိာ်ဒ်​ပှၤ​ကီၢ်​ဖိ​ဖ​ြန့ၣ်​တ​ဖၣ်​မၤ​ဝဲ​အ​သိး​တၢ်​တ​မံၤ​လၢအဝ​သ့ၣ်​တ​မၤ​ညီ ​နုၢ်​ဝဲ​လၢ​ညါ​ခါ​ဘၣ်​န့ၣ်​လီၤ.တၢ်​လုၢ်​တၢ်​ပာ်​တ​က​လုာ်​အံၤ​တၢ်​ကိး​အီၤ ​လၢ​အီၣ်​ဘှး​ ​ဒီး​မ့ၢ်​တၢ်​အီၣ်​ဃဲၤ​အ​လုၢ်​အ​လၢ်​လၢ​အ​ပၣ်​ဃုာ်​ဒီး​တၢ်​ကံၢ်​စုကွဲ​က​ လၤ​နၣ်​လီၤ.အ​ဝဲ​အံၤ​က​မ့ၢ်​ဝဲ​ဖံ​ဖု​တၢ်​ကံၢ်​စု​ခံ​ဘျီ​တ​ဘျီ​အ​လု​အ​လၢ်​ လၢ​အ​ပၣ်​ဃုာ်​ဒီး​တၢ်​ကွဲ​ဝံ​ကွဲ​က​လီ​န့ၣ်​လီၤ.မ့​မ့ၢ်ဒ်​န့ၣ်​ဒီး​တၢ်​ ကံၢ်​စု​တ​ဘျီ​အံၤ​အ​ခီ​ပ​ညီ​က​ဆီ​တ​လဲ​က့ၤ​အ​သး​ဆူ​တၢ်​ဘူၣ်​ထီၣ်​ဘါ​ထီၣ်​ တၢ်​စူၢ်​တၢ်​နာ်​အ​တၢ်​မၤ​တၢ်​ပ​နီၣ်​တ​ခါ​အ​သိး​လံ​န့ၣ်​လီၤ.
​
တၢ်​အီၣ်​ဘှး​အီၣ်​ဃဲၤ​အိၣ်​ဝဲ​ခံ​က​လုာ် ​ ​တၢ​တ​က​လုာ်​မ့ၢ်​မ့ၢ်​ဝဲ​ပှၤ​ဟံၣ်​ဖိ​ဃီ​ဖိ​တ​ဒူၣ်​အိၣ်​တ​ဆူၣ်​အိၣ်​တ​ ချ့​အ​ဃိ​မၤ​တၢ်​အီၣ်​ဘှး,ခ​ံတက​လုာ်​မ့ၢ်​ဝ​ဲပှၤ​ဒီ​ဒူၣ်​ဒီ​ထၢ​အီၣ်​ဘှး​ပ ​ကိး​လၢ’’အီၣ်​တၢ်​စိး​ခံ​စိး​နါ’’န့ၣ်​လီၤ.တၢ်​အီၣ်​တၢ်​စိး​ခံ​စိး​နါ​ န့ၣ်​လၢ​တၢ်​ဆူး​တၢ်​ဆါ​အ​ဆၢ​က​တီၢ်​ခါ​မ့ၢ်​ဂ့ၤ,ဖဲ​အ​သး​အိၣ်​ဝဲ​တ​ဘျီ​ဘျီ ​န့ၣ်​မၤ​ဝဲ​သ့​လီၤ.လါ​ခူ​ကံၢ်​စု​မ့ၢ်​တၢ်​ဘၣ်​ထွဲ​ဒီး​တၢ်​အီၣ်​တၢိး​ခံ​ စိး​နါ​တၢ်​ကံၢ်​စု​အ​မူး​တ​ခါ​လီၤ.ါ​ခူး​မ့ၢ်​လါ​တ​လါ​လၢ​ဒီ​တ​နံၣ်​ကျၢၤ​ တၢ်​စူၤ​အါ​က​တၢၢ်​အ​လါ​န့ၣ်​လီၤ.မူ​ခိၣ်​က​လၤ​သီၣ်​ဂီၤ​သ​အး​သ​ပှီၢ်​တၢ်​ ဘၣ်​စီၣ်​တၢ်​ဘၣ်​သ့​တၢ်​ဂိၢ်​တၢ်​ချံၣ်​အ​ဃိ​မ့ၢ်​ပှၤ​ဆိး​က့​အါ​က​တၢၢ်​အ​ လါ​န့ၣ်​လီၤ.လၢ​တၢ်​န့ၣ်​အ​ဃိ​ဖံ​ဖု​တ​ဖၣ်ဒ်​အ​ဝဲ​သ့်​အ​တၢ်​စူၢ်​တၢ်​နာ်​ အိၣ်​ဝဲ​အ​သိး​ဒ​အ​သိး​ဖိ​လံၤ​ဒူ​ဖိ​သ​ဝီ​ဖိ​တ​ဖၣ်​ပူၤ​ဖျဲး​ဒီး​တၢ်​ဆူး​ တၢ်​ဆါ​တၢ်​ဆိး​က့​မံ​နီၤ​အ​ဂီၢ်ကိး​ဖှိၣ်​က့ၤဲ​ဖိ​လီၤ​ဒူ​ဖိ​သ​ဝီ​ဖိ​တ​ဖၣ် ​ခဲ​လၢာ်​ဒီး​ရဲၣ်​ကျဲၤ​မၤ​န့ၢ်​ဝဲ​ဒီ​ဒူ​ဒီ​သ​ဝီ​တၢ်​စု​ကွဲ​က​လၤ​အ​မူး​ န့ၣ်​လီၤ.တၢ်​မၤ​အီၤ​လၢ​လါ​ခူး​ပူၤ​ဆၢ​က​တီၢ်​အ​ဃိ​ပ​ကိး​အီၤ​လၢ​လါ​ခူး​ ကံၢ်​စု​အ​မူး​န့ၣ်​လီၤ.တၢ်​မၤ​လါ​ခူး​ကံၢ်​စု​မူး​အ​တၢ်​လီၤ​ဆီ​ဒီး​တၢ်​ လုၢ်​တၢ်​ပာ်​အ​တၢ်​ကွဲ​ဝံ​ကွဲ​က​လၤ​အ​လုၢ်​အ​လၢ်​အ​၈ၤၤ​တ​ဖၣ်​တ​ခီ​မ့ၢ်​ ဝဲဒ်​အံၤ.တၢ်​မ့ၢ်​က​မၤ​လါ​ခူး​ကံၢ်​စု​မူး​န့ၣ်​က​ဘၣ်​ပာ်​ဃုာ်​ဝဲ​ဒီး​တၢ် ​ပီး​တၢ်​လီ​ခွံ​က​လုာ်​လၢ​အ​မ့ၢ်​ဝဲ​ ​ ​တ​ဘံၣ်​ထီ​ခီၣ်ု​ယ လၢ​အ​ပူၤ​န့ၣ်​တၢ်​က​ဘၣ်​ပာ်​လီၤ​ဝဲ​မ့ၤ​တီၤ​ ​မ့ၤ​တၢၤ​ဒူၣ်​ ​ဖီ​ဂံၢ်​ ​က​ထံ​ပိာ်​ ​တ​ကွံ​သၣ်​ ​ထံ​တ​လီ​ခီ​ ​လုၣ်​ဝါ​ဒီးနီၣ်​ဒိ​ကွာ​်​န့ၣ်​လီၤ.တၢ်​ပီး​တၢ်​လီ​တ​ဖၣ်​အံၤ​တ​ခါ​ဒၣ်​ဝဲ​ စုာ်​စုာ်​န့ၣ်​အိၣ်​ဒီှ​အ​ခီ​ပ​ညီ​ဒၣ်​ဝဲဒ်​သိး​ဖိ​လံၤ​တ​ဖၣ်​က​ဟးံ​န့ၢ်​ ဝဲ​တၢ်​ပီး​တၢ်​လီ​တ​ဖၣ်​အံၤ​အ​ခီ​ပ​ညီ​အ​ဒိ​အ​တဲာ်ဒီး​က​အိၣ်​မူ​မၤ​ပိာ်​ ထွဲ​ဝဲ​အ​ဂီၢ်​န့ၣ်​လီၤ.ဟးံ​န့ၢ်​ဝဲ​တၢ်ပီးတၢ်​လီ​တ​ဖၣ်​အ​ခီ​အ​ညီဒ်​အံၤ

​တ​ဘံၣ်​ထီ​ခီၣ်-ဒ်​တ​ဘံၣ်​ထီ​ခီၣ်​အ​ခီၣ်​ထီ​အ​သိး​ပ​က​ဘၣ်​ပာ်​သး​ထီ​ထီ​အိၣ်​ဒီှ​တၢ်​သူၣ်​စူၤ​သး​နွဲၤ​အိၣ်​ဒီး​တၢ်​ထံၣ်​
လၢ​အ​ထီ.

ဖီ​ဂံၢ်-မ့ၢ်​ဖီ​တ​က​လုာ်​လၢ​နၢ​မူ​ဂ့ၤ​ မး​မ့ၢ်​လီၤ​ညွးံ​ဃ့​ထီ​ဘၣ်​ဆၣ်​နၢ​မူ​တ့ၢ်​ဒးံ​ဝဲ​တ​ဘျုး​လါ​န့ၣ်​လီၤ.ပ​ တၢ်​အိၣ်​မူ​လီၤ​၈ာ်ဒ်​ဖီ​ဂံၢ်​အ​သိး​ဖဲ​ပ​အိၣ်​မူ​ဒးံ​အ​ခါ​ပ​တၢ်​အိၣ်​မူ​ အ​က​စီၣ်​က​ဘၣ်​နၢ​မူ​ဝဲ​တ​ကး​ဒးံ​ဘၣ်​တုၤ​မ့ၢ်​ပ​သံ​တ​စု​ပ​မၤ​ြကၢး​အိၣ်​ တ့ၢ်​နၢ​မူဒ်​ဖီ​ဂံၢ်​အ​သိး​န့ၣ်​လီၤ.

​က​ထံ​ပီာ်-အ​ရီၢ်​ဆၢ​တ​က​မဲာ်​စုာ်​စုာ်​အိၣ်​ဒီး​အ​သး​သ​မူ​န​မ့ၢ်​ကျီ​ တဲာ်​အီၤ​တ​ကူာ်​တ​ကူာ်​ဒီး​ကွံာ်​တ့ၢ်​က့ၤ​အီၤ​ဘၣ်​ဆၣ်​အ​ထူၣ်​ဖိ​ဟဲ​မဲ​ ထီၣ်​က​ဒါ​လၢ​တ​က​မဲာ်​စုာ်​စုာ်​န့ၣ်​လီၤ.ပတၢ်​ပာ်​သ​ပ​တၢ်​စးံ​တၢ်​က​တိၤ​ ြကၢး​ဘၣ်​ဆၢ​ဝဲဒ်​က​ထံ​အ​သိး​ပ​က​ဘၣ်​ပာ်​တ့ၢ်​မၤ​အ​ထီၣ်​ပ​စၢၤဒ်​က​ထံ​ကိးက ​မဲာ်​ဒဲ​ဟဲ​မဲ​ထီၣ်​က​ဒါ​တ​က​မဲာ်​တ​ထူၣ်​စုာ်​စုာ်​အ​သိး​န့ၣ်​လီၤ.
တ​ကွံ​သၣ်-အ​ရီၢ်​ဆၢ​ ​ အ​သၣ်​တ​ဖၣ်​အိၣ်​တ​ဖှိၣ်​တ​ဖှိၣ်​လၢ​တ​သံၣ်​ဃီ​တ​ဖူ​ဃီ​အ​လိၤ​ ​ပ​ ​ဘၣ်​ကွၢ်​လိ​အိၣ်​မူဒ်​ကွၢ်​တ​ကွံ​သၣ်​အိၣ်​ဃူ​အိၣ်​ဖိး​လိာ်​သး​အ​သိး​အ​ ခီ​ပ​ညီ​အ​၈ၤ​တ​မၤ​ပ​တ​ဘၣ်​သး​ကွံ​တၢ်​ဘၣ်.

မ့ၤ​တီၤ-​ ​အ​ခိၣ်​စူ​စူ​လီၤ​ဂာ်​ဒီး​ဃိၣ်,​ ​မ့ၢ်​တၢ်​ဘူၣ်​တၢ်​ဘါ​အ​တၢ်​ပ​နီၣ်,​ ​ဒုး​နဲၣ်​ဖျါ​ထီၣ်​ပ​က​ဘၣ်​အိၣ်​ဒီး​တၢ်​အဲၣ်​ယွၤ​န့ၣ်​လီၤ.

မ့ၤ​တၢၤ​ဒုၣ်-​ ​အ​ခီ​ပ​ညီ​မ့ၢ်​ဝဲ​ပှၤ​တ​ဂၤ​စုာ်​စုာ်​အ​တၢ်​အိၣ်​မူ​လီၤ​ဂာ်​ဒီး​မ့ၤ​ ဖှံၣ်​တ​ဖျၢၣ်​စုာ်​စုာ်,​ ​မ့ၤ​ဖှံၣ်​တ​ဖျၢၣ်​ပ​အီၣ်​အီၤ​သ့​ဝဲ​လီၤ.​ ​တၢ်​ဃူ​တၢ်​ဖိး​မ့ၢ်​တၢ်​ဂံၢ်​တၢ်​ဘါ​အ​တၢ်​ပ​နီၣ်.

ထံ-​ ထံ​မ့ၢ်​တ​အိၣ်​ဘၣ်​ဒီး​ဟီၣ်​ခိၣ်​ချၢ​တၢ်​မူ​တ​သ့​နီ​တ​မံၤ​ဘၣ်,​ ​တၢ်​ခဲ​လၢာ်​ဘၣ်​ဒိ​သ​န့ၤ​အ​သး​လၢ​ထံ​လီၤ,​ ​ထံ​မ့ၢ်​တၢ်​ခုၣ်​တၢ်​က​ဘး​ပ​က​ဘၣ်​အိၣ်​မူ​လီၤ​ဂာ်​ဒီး​ထံ​လီၤ.​ အ​ခီ​ပ​ညီ​အ​ဂၤ​တ​မံၤ​မ့ၢ်​ဝဲ​တၢ်​အိၣ်​မူ​ပူၤ​ပ​က​ဘၣ်​အိၣ်​မ့ၢ်​ထံ​အီၣ်​ မ့ၢ်​ထံ,​ ​ဘၣ်​ဆိ​မိၣ်​တၢ်​ထံ​ထံ​ဆး​ဆး​လီၤ​တံၢ်​လီၤ​ဆဲး​န့ၣ်​လီၤ.

လုၣ်​ဝါ-​ ​အ​လွဲၢ်​ဝါ​မ့ၢ်​တၢ်​တီ​တၢ်​လိၤ​တၢ်​စီ​တၢ်​ဆှံ​ အ​ပ​နီၣ်,​ ​လုၣ်​မ့ၢ်​တၢ်​အ​ပ​နီၣ်​တ​ခါ​လၢ​မ့ၢ်​တၢ်​စၢ​တံၢ်​မၤ​စဲ​ဘူး​က့ၤ​တၢ်​အ​ပ​ နီၣ်​န့ၣ်​လီၤ.

​နီၣ်​ဒိ​ကွာ်-​ ​မ့ၢ်​တၢ်​ပီး​တၢ်​လီ​တ​ခါ​လၢ​အ​မၤ​ဘၣ်​လီၢ်​ဘၣ်​စး​ခွဲး​ခွး​ဘၣ်​ဂီၢ်​က့ၤ​ တၢ်​လၢ​တၢ်​ဘၢၣ်​စၢၤ​အ​တၢ်​ပ​နီၣ်,​ပ​ဘၣ်​မ့ၢ်​ပှၤ​သ့ၣ်​တ​ဖၣ်​လၢ​ကဲ​ခိၣ်​ ကဲ​နၢ်​အိၣ်​မူ​မၤ​ဘၣ်​လီၢ်​ဘၣ်​စး​စၢၤ​န့ၢ်​တၢ်​လၢ​တၢ်​ဘၢၣ်​စၢၤ​န့ၣ်​လီၤ.
ပ​မ့ၢ်​ကွၢ်​က့ၤ​တၢ်​မၤ​လါ​ခူး​ကံၢ်​စု​အ​ဂီၢ်​ ​ဖံ​ဖု​မၢ​ပှၤ​တဲာ်​က​တီၤ​ပာ်​တၢ်​ပီး​တၢ်​လီ​ခွံ​မံၤ​လၢ​အိၣ်​ဒီး​ ​အ​ခီ​ပ​ညီ​တ​ဖၣ်​ ​အံၤ​ပ​နၢ်​ပၢၢ်​အီၤ​သ့​ညီ​က​ဒၣ်​လၢ​မူး​တၢ်​ရဲၣ်​တၢ်​ကျဲၤ​အံၤ​တ​မ့ၢ်​ထဲလၢ ​တၢ်​ကွဲ​က​လၤ​တၢ်​စူၢ်​တၢ်​နာ်​အ​တၢ်​မၤ​တ​ခါဧိၤ​အ​ဂီၢ်​လၢၤ​ဘၣ်.​ အိၣ်​ဒီး​တၢ်​ပ​ညိၣ်​တိာ်​ပာ်​ဖး​ဒိၣ်​လၢ​ ​အ​မ့ၢ်​ဝဲ​ဖိ​လံၤ​တ​ဖၣ်​က​ဘၣ်​အိၣ်​မူ​အိၣ်​ဂဲၤ​လၢ​တၢ်​အိၣ်​
မူ​ပူၤဒ်​လဲၣ်,​ ​တၢ်​သိၣ်​လီၤ​သီ​လီၤ​အ​တၢ်​ရဲၣ်​တၢ်​ကျဲၤ​မူး​လီၤ​ဆီ​တ​ခါ​န့ၣ်​လီၤ.​ ​အ​ဝဲ​အံၤ​မ့ၢ်​စိၤ​လၢ​ပူၤ​ကွံာ်​ဖံ​ဖု​တ​
ဖၣ်​မၤ​ဝဲ​လါ​ခူး​ကံၢ်​စု​တ​နံၣ်​တ​ဘျီ​အ​တၢ်​ရဲၣ်​တၢ်​ကျဲၤ​မူး​ဖဲ​တၢ်​စူၤ​ခါ​လါ​ခူး​ဆၢ​က​တီၢ်​အ​ဂ့ၢ်​န့ၣ်​လီၤ.

​တၢ်​လုၢ်​ဒီး​တၢ်​ကွဲ​က​လၤ​တၢ်​မၤ​ခဲ​လၢာ်​န့ၣ်​ဘၣ်​ထွဲ​ဒီး​တၢ်​ကံၢ်​စု​ ဘၣ်​ဆၣ်,​ ​တၢ်​ကံၢ်​စု​ခဲ​လၢာ်​န့ၣ်​တ​ဘၣ်​ဃး​ဒီး​တၢ်​လုၢ်​တၢ်​ကွဲ​က​လၤ​အ​တၢ်​မၤ​ခဲ ​လၢာ်​ဘၣ်.​ ​၂၁​ ​ယၤ​ဖှိၣ်​နံၣ်​က​ညီ​ဖိ​လံၤ​စၢၤ​သီ​အိၣ်​လၢ​ကီၢ်​ဆၢ,​ ​ကီၢ်​ချၢ​တ​ဖၣ်​မၤ​လၤ​က​ပီၤ​လါ​ခူး​ကံၢ်​စု​မူး​တၢ်​ရဲၣ်​တၢ်​ကျဲၤ​န့ၣ်​အ​ တၢ်​ပာ်​သး​ဆီ​လဲ​လီၤ​ဆီ​လိာ်​အ​သး​ဒီး​ဖံ​ဖု​လၢ​ပျၢၤ​မၤ​ဝဲ​န့ၣ်​အိၣ်​တ​ နီၤ​လံ​လီၤ.​ ​အ​ဝဲ​န့ၣ်​ဒိး​သ​န့ၤ​ထီၣ်​အ​သး​လၢ​စိၤ​ခ့​ခါ​တၢ်​လဲၤ​ထီၣ်​လဲၤ​ထီ​အ​တၢ်​ဆီ ​တ​လဲ​ဒီး​စိၤ​ခ့​ခါ​အ​တၢ်​
အိၣ်​သး​အ​တၢ်​ဃ့​ထီၣ်​အ​ဖီ​ခိၣ်​အ​ဃိ​န့ၣ်​လီၤ.​ ​

မုၢ်​မ​ဆါ​တ​နံၤ​အံၤ​ ​က​ညီ​ဖိ​အိၣ်​လၢ​ကီၢ်​ချၢ​တ​ဖၣ်​မၤ​လၤ​က​ပီၤ​လါ​ခူး​ကံၢ်​စု​မူး​အ​တၢ်​ ရဲၣ်​တၢ်​ကျဲၤ​န့ၣ်​တမ့ၢ်ဒ်​လၢ​ညါ​ ​ခါ​တၢ်​ကွဲ​ဝံ​ကွဲ​က​လၤ​တၢ်​စူၢ်​တၢ်​နၢ်​အ​တၢ်​မၤ​တ​ခါ​အ​သိး​လၢၤ​ဘၣ်.​ ​မ့ၢ်​တၢ်​ဟံး​န့ၣ်​တၢ်​အ​ဒိ​ဖံ​ဖု​လၢ​ပျၢၤ​တ​ဖၣ်​ကိး​ဖှိၣ်​အ​ဖိ​အ​လံၤ​တ​ နံၣ်​တ​ဘျီ​မၤ​န့ၢ်​ဝဲ​လါ​ခူး​ကံၢ်​စု​သိၣ်​ဖိ​သိၣ်​လံၤ​အ​တၢ်​ပ​နီၣ်​တ​ခါ​ ဒီး​တၢ်​န့ၣ်​ပ​ဒုး​ကဲ​ထီၣ်​က့ၤ​အီၤ​လၢ​က​ညီ​ဖိ​ဒီ​တ​က​လုာ်​အိၣ်​လီၤ​မုၢ်​ ြပံ​ြပါ​ဆူ​လီၢ်​ဘူး​လီၢ်​ယံၤ​တ​ဖၣ်​က​မၤ​သ့ၣ်​နီၣ်​ထီၣ်​က့ၤ​ “​ ​တၢ်​စၢ​ဖှိၣ်​လိာ်​က့ၤ​ပ​သး​အ​ဂီၢ်​မူး​တၢ်​ရဲၣ်​တၢ်​ကျဲၤ”​ ​အ​တၢ်​ပ​နီၣ်​န့ၣ်​လီၤ.ပူၤ​ကွံာ်​အ​နံၣ်​သၢ​က​ထိ​ဘျဲၣ်​ခါ​ဖံ​ဖု​တ​ဖၣ်​မၤ​ လါ​
ခူး​ကံၢ်​စု​န့ၣ်​က​မ့ၢ်​လၢသ၀ီ​ဆးံ​ဆးံ​ဟံၣ်​ဖိ​တ​ဖျၢၣ်​အ​ပူၤ​မ့​တ​မ့ၢ်​လၢ​ဘျီၣ်​
အ​ပူၤ​သ့ၣ်​သ့ၣ်​လီၤ.

ဖဲ​န့ၣ်​ခါ​တၢ်​မၤ​လါ​ခူး​ကံၢ်​စု​န့ၣ်​သ ​ဝီ​ဖိ​တ​ဖၣ်​အ​တၢ်​နၢ်​ပၢၢ်​က​မ့ၢ်​ဒၣ်​ထဲ​တၢ်​ကွဲ​ဝံ​ကွဲ​က​လၤ​ဒီး​ဖိ​လံၤ ​ဟံၣ်​ဖိ​ဃီ​ဖိ​တ​ဖၣ်​တၢ်​အိၣ်​ဆူၣ်​အိၣ်​ချ့​က​အိၣ်​အ​ဂီၢ်​န့ၣ်​လီၤ.မ့​ မ့ၢ်​မုၢ်​မ​ဆါ​တ​နံၤ​အံၤ​တၢ်​မၤ​လါ​ခူး​ကံၢ်​စု​န့ၣ်​တ​မ့ၢ်​လၢၤထဲ​သ​ဝီ​တ​ ဖျၢၣ်ဧိၤ​ ​သ​ဝီ​ဖိ​တ​ဒူၣ်ဧိၤ​ဒီး​အ​တၢ်​ဂ့ၢ်​တ​မ့ၢ်​လၢၤ​ထဲ​တၢ်​အိၣ်​ဆူၣ်​အိၣ်​ချ့​အ ​ဂီၢ်​တၢ်​ကွဲ​န့ၢ်​က့ၤ​ဖိ​လံၤ​က​လၤ​အ​တၢ်​တိာ်​တၢ်​ရဲၣ်​တၢ်​ကျဲၤဧိၤ​လၢၤ​ ဘၣ်.

ဘၣ်​တၢ်​မၤ​ဖှိၣ်​အီၤလၢ​ထံ​ကီၢ်​ဒီ​တ​ ဘ့ၣ်​အ​ပ​တီၢ်​တ​ကး​ဒးံဘၣ်,ဘၣ်​တၢ်​မၤ​အီၤ​တုၤ​လၢ​ကီၢ်​ချၢ​ထံ​ကီၢ်​ဒိၣ်​ထီ ​တ​နီၤ​အ​ပူၤ​လံ​လီၤ.ထံ​ဂုၤ​ကီၢ်​၈ၤ​ဃီၣ်​နၢ်​တ​ဖၣ်​တၢ်​ရၢ​က​ရိ​ခ​နၣ်​နၢ်​ တ​ဖၣ်​ဃုာ်​ဒီး​တၢ်​ဘူၣ်​တၢ်​ဘါ​ခိၣ်​နၢ်​တ​ဖၣ်​ဟဲ​ပၣ်​ဃုာ်​ပၣ်​ဂီၢ်​ကံၢ်​ ဃုာ်​အ​စု​တ​ပူၤ​ဃီ​ဒီး​က​ညီ​ဖိ​တ​ဖၣ်​ဒီး​မၤ​လၤ​က​ပီၤ​ပာ်​ပ​နီၣ်​ဝဲ​က​ညီ​ ထူ​ရူၢ်​ခူး​ကံၢ်​စု​အ​မူး​အံၤ​ခၢ​အ​ဝဲ​သ့ၣ်​အ​ကီၢ်​ပူၤ​ဃံ​ဃံ​လၤ​လၤ​လံ​ န့ၣ်​လီၤ.ဖဲ​တၢ်​စး​ထီၣ်​မၤ​က​ညီ​နံၣ်​ထီၣ်​သီ​အီ​တ​လဲ​က​ညၤ​အ​သး​လံ.သ့ၣ်​ ညါ​ဝဲ​လၢ​တၢ်​မၤ​က​ညီ​နံၣ်​ထီၣ်​သီ​န့ၣ်​မ့ၢ်​ပၣ်​ဃုာ်​ဒီး​တၢ်​မၤ​ဖျါ​ထီၣ် ​မိၢ်​လုၢ်​ပၢ်​လၢ်​အ​တၢ်​မၤ​တၢ်​လုၢ်​ထီၣ်​ပာ်​ထီၣ်​ဖံ​ဘံ​ယီၤ​အ​တၢ်​ပ​ နီၣ်​ဘၣ်​ဆၣ်​အ​ဝဲ​န့ၣ်​တ​မ့ၢ်​လၢၤ​ထံ​တၢ်​စူၢ်​တၢ်​နာ်အ​တၢ်​မၤ​အ​တ​ကွီၣ်​ အံၣ်​ကိာ်​ဖိ​တ​ခါ​အ​ပ​တီၢ်ဧိၤ​လၢၤ​ဘၣ်.မ့ၢ်​တၢ်​လၢ​အ​ဘၣ်​ဃး​ဒီး​က​ညီ​ဒီ​တ ​က​လုာ်​ညါ​အ​သူး​သ့ၣ်​လၤ​က​ပီၤ​တၢ်​ပ​နီၣ်​ဃိ​လ​ခံ​န့ၣ်​ပှၤ​ခဲ​လၢာ်​တူၢ်​ ခိာ်​မၤ​က့ၤ​အီၤ​ဃံ​ဃံ​လၤ​လၤ​ဃူ​ဃူ​ဖျး​ဖိး​လၢ​တၢ်​ပာ်​သး​တ​ဖျၢၣ်​ဃီ​အ​ပူၤ ​န့ၣ်​လီၤ.

ဒ်​န့ၣ်​အ​သိး​တၢ်​မၤ​လါ​ခူး​ကံၢ်​စု​အ​မူး​လၢ​စိၤ​ခ့​ခါ​ခဲ​အံၤ​န့ၣ်​ပ​ တၢ်ကွါ​စိ​တၢ်​မ့ၢ်​လၢၤ​ထဲဒ်​လၢ​ညါ​ခါ​အ​သိး​တၢ်​အံၤ​မၢ်​တၢ်​ဘၣ်​ဃး​ဒီး​ တၢ်​ကွဲ​ဝံ​ကွဲ​က​လၤ​တၢ်​စူၢ်​တၢ်​နာ်​အ​က့ၢ်​အ​ဂီၤ​အ​တ​ကွီၣ်​အ့ၣ်​အ့ၣ်​ ကိာ်​ဖိ​တ​ခါဧိၤ​အ​ပ​တီၢ်အ​သိး​လၢၤ​ဘၣ်.စိၤ​ခ့​ခါ​တၢ်​မၤ​လါ​ခူး​ကံၢ်​စု​အ​ မူး​လၢ​ကီၢ်​ချၢ​မုၢ်​မ​ဆါ​တ​နံၤ​အံၤ​အ​တၢ်​ပ​ညိၣ်​န့ၣ်​တ​လၢ​ကွံာ်​လံ​လၢ​ တၢ်​ကွဲ​ဝံ​ကွဲ​က​လီၤ​တၢ်​စူၢ်​တၢ်​နာ်​အ​ပ​တီၢ်​လံ.ခီၣ်​ခါ​ဒီး​အ​တၢ်​ကွၢ် ​စိ​မ့ၢ်​ဝဲ​ဆူ​တၢ်​က​ထုး​ဖှိၣ်​က့ၤ​က​ညီ​စၢၤ​သီ​ဖိ​ဟဲအ်​လၢ​ကီၢ်​ချၢ​တ​ ဖၣ်ဒ်​သိး​အ​သု​တ​သး​ပ့ၤ​နီၣ်​ကွံာ်​အ​တၢ်​ဟဲ​လီၤ​စၢၤ​အ​ဂ့ၢ်​အ​ကျိၤ​တ​ဂ့ၤ​ ဒီး​က​သ့​အဲၣ်,က​သ့​ပၢၤ​ဃာ်​ကျၢၤ​က့ၤ​အ​တၢ်​က​တိၤ​ကျိာ်.,အတၢ်​ဆဲး​တၢ်​လၤ​ ဒီး​က​သ့​က​တဲာ်​က​တီၤ​မၤ​ဂုၤ​ထီၣ်​ပ​သီ​ထီၣ်​က့ၤ​အ​လံာ်​အ​လဲၢ်​ဖဲ​ကီၢ်​တ​ ဘ့ၣ်​လၢ​အ​ဟဲ​အိၣ်​ဝဲ​ဆိး​ဝဲ​လၢ​အ​ပူၤ​အ​ဂီၢ်​န့ၣ်​လီၤ.

အ​အံၤ​မ့ၢ်​တၢ်​မၤ​လါ​ခူး​ကံၢ်​စု​အ​မူး​ လၢ​စိၤ​ခ့​ခါ​ခဲ​အံၤ​ဒီး​စိၤ​လၢညါ​ခါ​အ​တၢ်​ဆီ​တ​လဲ​လီၤ​ဆီ​လိာ​်အ​သး​တ​ဖၣ် ​န့ၣ်လီၤ.က​ယဲၢ်​မ့ၢ်​က​ညီ​ဖိ​အိၣ်​လီၤ​မုၢ်​ြပး​ဆူ​ဟီၣ်​ခိၣ်​ဒီ​ဘ့ၣ်​ညါ​တ ​ဖၣ်​ဖဲ​သု​အိၣ်​တၢ်​လီၢ်တ​ပူၤ​လၢ်​လၢ်မ်​သု​က​ပၢၤ​ဃာ်​ကျၢၤ​က့ၤ​သု​ပှၤ​က​ လုာ်​အ​တၢ်​စံၣ်​စိၤ​တဲ​စိၤ,သု​တၢ်​က​တိၤ​ကျိာ်​တၢ်​ဆဲး​တၢ်​လၤ​ဒီးမ်​သု​က​ မၤ​ဂုၤ​ထီၣ်​ပ​သီ​ထီၣ်​က​ညီ​လဲာ်​လဲၢ်ဒ်​သိး​မုၢ်​တ​နံၤ​တၢ်​က​ပာ်​ပ​နီၣ်​ က့ၤ​ပပှၤက​ညီ​တ​က​လုာ်​အဲၤ​ဃုာ်​ဒီး​ပ​လံာ်​ပ​လဲၢ်​လၢ​အ​မ့ၢ်​ဝဲ​က​လုာ်​ ဒူၣ်​ဖး​ဒိၣ်​တ​ဒူၣ်​လၢ​ဟီၣ်​ခိၣ်​ဒီ​ဘ့ၣ်​ဘီ​မုၢ်​စၢ​ဖိှၣ်​က​ရၢ​အ​တၢ်​မၤ​ နီၣ်​မၤ​ဃါ​အ​ပူၤ​က​သ့​အ​ဂီၢ်​န့ၣ်​တ​က့ၢ်.အ​အံၤ​မ့ၢ်​၂၁​ယၤ​ဖှိၣ်​နံၣ်​စိၤ ​ခ့​ခါ​တၢ်​လိၣ်​ဘၣ်​အ​တၢ်​ဃ့​ထီၣိ​န့ၣ်​လီၤ.လၢ​တၢ်​က​မၤ​ဖျါ​ထ​ထီၣ်​က့ၤ​ တၢ်​အ​မိၢ်​လံၤ​မိၢ်​ပှၢ်​တ​ခီ​မူ​ဒါ​ခိၣ်​သ့ၣ်​တ​ဖၣ်​ပ​အိၣ်​က့ၤ​ဝဲ​လၢ​စၢၤ ​သွဲၣ်​သီ​က​ညီ​ဖိ​နၤ​ဒီး​ယၤ​အ​ဆု​ပူၤ​န့ၣ်​လီၤ.က​ညီ​မိၢ်​ဖိမ်​က​ဘၣ်​တၢ်​ သ့ၣ်​ညါ​ပာ်​ဒိၣ်​အီၤ​လၢ​ဟီၣ်​ခိၣ်​ဒီ​ဘ့ၣ်​ညါ​လၢ​နၤ​ယၤ​ပ​ဝဲ​သ့ၣ်​တဖၣ်​အ​ ဃိ​န့ၣ်​တ​က့ၢ်.

ဘၣ်တၢ်ဟံးန့ၢ်က့ၤအီၤလၢ ဖံအဲမၢ် ထူသနူလုၢ်လၢ်ဆဲး ဘလီးစ်အပူၤ