က​ညီ​ဖိ​ကျိၣ်​အ​ဂ့ၢ်

ဘီ​မုၢ်​တ​ဖၣ်​အိၣ်​ထီၣ်​ဝဲ​ဒၣ်​တ​ဘ့ၣ်​ဝံၤ​တ​ဘ့ၣ်​လၢပျၢၤ​လံၤ​လံၤ,​ ​ဝံၤ​ဒီး​လီၤ​မၢ်​ကွံာ်​ဝဲ​တ​ဘ့ၣ်​ဝံၤ​တ​ဘ့ၣ်​စ့ၢ်​ကီး​လီၤ.​ ​သ​နာ်​က့​ဘီ​မုၢ်​လၢ​အ​လဲၤ​ပူၤ​ကွံာ်​တ့ၢ်​တ​ဖၣ်​ပာ်​လီၤ​တဲာ်​န့ၢ်​က့ၤ​ဝဲ ​တၢ်​ဆဲး​တၢ်​လၤတ​နီၤ​လၢ​အ​လီၤ​ထုး​န့ၢ်​သူၣ်​လီၤ​ထုး​န့ၢ်​သး​တၢ်​လုၢ်​ ဒိၣ်​ပှ့ၤ​ဒိၣ်​အိၣ်​စ့ၢ်​ကီး​ဝဲ​လီၤ.​ “​ကျိၣ်”​ ​မ့ၢ်​ဝဲ​က​ညီ​လၢ​ပျၢၤ​တ​ဖၣ်​အ​တၢ်​အိၣ်​လီၤ​တဲာ်​လုၢ်​ဒိၣ်​ပှ့ၤ​ဒိၣ်​တ​ မံၤ​လၢ​ကဲ​ထီၣ်​က့ၤ​က​ညီ​ဖိ​စိၤ​ခ့​ခါ​ခဲ​အံၤ​တ​ဖၣ်​အ​ဂီၢ်​တၢ်​လၤ​က​ပီၤ​အ​ တၢ်​ပ​နီၣ်​န့ၣ်​လီၤ.

ပှၤ​သး​ပှၢ်​လၢ​အ​ဃု​နၢ်​ပၢၢ်​ကျိၣ်​အ​ဂ့ၢ်​လီၤ​ဆီ​တ​ဖၣ်​စံး​ဝဲ​ဒၣ်,​ ​က​ညီ​အ​ကျိၣ်​လံၤ​ကျိၣ်​ပှၢ်​တ​ဖၣ်​ဘၣ်​တၢ်​မၤ​ကဲ​ထီၣ်​အီၤ​လံ​အ​နံၣ်​ ​၃​ဝ​ဝ​ဝ​ ​ဘျဲၣ်​လံ​လီၤ.​ ပှၤ​လၢ​အ​ကၢ​ကျိၣ်​တ​ဖၣ်​အံၤ​မ့ၢ်​ဝဲ​ပှၤ​ယူၢ်​ဖိ​စှီၤ​ဖိ​ဒီး​ပှၤ​ခ​မူး​ဖိ ​တ​ဖၣ်​န့ၣ်​လီၤ.​ ​ပှၤ​ခ​မူး​ဖိ​တ​ဖၣ်​မ့ၢ်​က​ညီ​ယိၤ​ထီၣ်​ခိ,​ ​အ​ဝဲ​သ့ၣ်​အိၣ်​ဆိး​တၢ်​လီၢ်​တ​ခီ​မ့ၢ်​ဝဲ​ဖဲ​ထံ​ဘီ​က​လး(က​ယါ​ကီၢ်)န့ၣ်​ လီၤ.
တၢ်​ကၢ​ကျိၣ်​လၢ​​​​​​​​​​​​​​​​​မ​နၤ​အ​ဃိ​လဲၣ်​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​
ပှၤ​လၢ​ပျၢၤ​တ​ဖၣ်​ကၢ​ကျိၣ်​န့ၣ်​မ့ၢ်ဒ်​ သိး​ -​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​
၁.​ ​တၢ်​က​မၤ​သူၣ်​ဖှံ​သး​ညီ​ဒီး​အံၣ်​အု​က​မဲၤ​သံ​ကျံ​တၢ်​အ​ဂီၢ်​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​

၂.​ ​တၢ်​မၤ​အီၤ​အါ​အါ​ဂီၢ်​ဂီၢ်​လၢ​တၢ်​က​ဆါ​က​ပှ့ၤ​မၤ​ကၤ​တၢ်​အ​ဂီၢ်​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​​ ​ ​ ​

၃.​ ​မ့ၢ်​က​ညီ​လၢ​ပျၢၤ​တ​ဖၣ်​အ​တၢ်​ကူၣ်​ထီၣ်​ဖး​လီၤ​အိၣ်​ဒီး​တၢ်​သိၣ်​ဖိ​ သိၣ်​လံၤ​အ​တၢ်​ပ​နီၣ်​ခူ​သူၣ်​တ့​ဒဲး​ကံၣ်​လီၤ​ဝဲ​လၢ​ကျိၣ်​လိၤ​န့ၣ်​လီၤ.
ပှၤ​လၢ​ပျၢၤ​တ​ဖၣ်​ပာ်​ဒိၣ်​ကျိၣ်​လၢ​မ​နုၤ​အ​ဃိ​လဲၣ်​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​
ပှၤ​လၢ​ပျၢၤ​တ​ဖၣ်​ပၣ်​ဒိၣ်​ကျိၣ်​န့ၣ်​ မ့ၢ်​လၢ​ -​ ​ ​
​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​
၁.​ ​ကျိၣ်​အံၤ​ပှၤ​တ့​အီၤ​န့ၣ်​ပၣ်​ဃုာ်​ဒီး​တၢ်​လုၢ်​ဒိၣ်​ပှ့ၤ​ဒိၣ်​လၢ​အ​ မ့ၢ်​ဝဲ​ -​ ​ထူ,​ ​လွဲ,​ ​တိၢ်,​ ​စ့​ဂီၤ,​ ​စ့​ဝါ​ဒီး​စၢၢ်​သ့ၣ်​တ​ဖၣ်​လၢ​အ​မ့ၢ်​တၢ်​ကၢ​ပှ့ၤ​ကၢ​က​လံၤ.​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​

၂.​ ​ကျိၣ်​အံၤ​အိၣ်​ဒီး​တၢ်​စု​သ့​အ​တၢ်​မၤ​ဃံ​မၤ​လၤ​လၢ​လီၤ​ထုး​န့ၢ်​သူၣ်​လီၤ ​ထုး​န့ၢ်​သး​တ​ကးဒံး​ဘၣ်​ဖဲ​ပှၤ​သံ​ကျံ​ဂဲၤ​က​လံၣ်​အံၣ်​အု​က​မဲၤ​တၢ်​အခါ​ ပှၤ​ပိာ​ဃုာ်​အီၤ​သ့​စ့ၢ်​ကီး​အ​ဃိ.​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​

​၃.​ ​ပှၤ​လၢ​အ​အိၣ်​ဒီး​ကျိၤ​သၢ​ဆံ​မိၤ​သၢ​ဆံ​တ​ဖၣ်​န့ၣ်​ပှၤ​ပာ်​ဒိၣ်​ပာ်​ကဲ​အ ​ဝဲ​သ့ၣ်ဒ်​ပှၤ​ထူး​ပှၤ​ထူး​ပှၤ​တီၤ​ဒီ​ပှၤ​ယီၣ်​ဘၣ်​အ​ဝဲ​သ့ၣ်​လီၤ.​ ​ပှၤဒ်​အံၤ​တ​ဖၣ်​န့ၣ်​ဆၢ​က​တီၢ်​ဖဲ​န့ၣ်​အခါ​ပှ့ၤ​ထံ​ပှ့ၤ​ကီၢ်​န့ၢ်,​ ​ပှ့ၤ​က့ၤ​အ​ခ့​အ​ပှၤ​လၢ​တၢ်​ဖီၣ်​မၤ​ကဲ​ကုၢ်​အီၤ​တ​ဖၣ်​န့ၢ်,​ ​အ​က​လုၢ်​က​တိၤ​တ​ဖၣ်​ပှၤ​စူၢ်​အီၤ​ “အီ​ထီၣ်​မ့ၢ်​လၢၢ်​ကျၢၢ်​လီၤ​မ့ၢ်​လ့”​ အုၣ်​ခီၣ်​အ​သး​လၢ​အ​ခ့​အ​ပှၤ​အ​ဂီၢ်​ပၢ​ဝဲ​အ​ဃိ​လီၤ.

ကျိၣ်​အိၣ်​ဝဲ​ခံ​က​လုာ်,​ ​ကိျၣ်​အ​ကိၢ်​ဒီး​ကျိၣ်​အ​ခုၣ်​လီၤ. ကျိၣ်​လၢ​ပှၤ​ပာ်​အီၤ​လၢ​ဟံၣ်​ဃၢၤ​ဒီး​ဟံၣ်​ဖိ​ဃီ​ဖိ​တ​ဖၣ်​မ့ၢ​အိၣ်​မုၣ်​ အိၣ်​ခုၣ်,​ ​မၤ​န့ၢ်​အီၣ်​ကဲ,​ ​ဖံး​တၢ်​မၤ​တၢ်​မ့ၢ်​လဲၤ​ထီၣ်​လဲၤ​ထီ​န့ၣ်​ပှၤ​ပာ်​ပ​နီၣ်​ဝဲ​လၢ​မ့ၢ​ကျိၣ် ​အ​ခုၣ်​လီၤ.​ ​မ့​မ့ၢ်​ကျိၣ်​လၢ​ပှၤ​ပာ်​အီၤ​လၢ​ဟံၣ်​ဃၢၤ​ဃီ​ဃၢၤ​ဒီး​ဖိ​လံၤ​တ​ဖၣ်​မ့ၢ်​တ ​ဆူၣ်​တ​ချ့,​ ​မၤ​တ​န့ၢ်​အီၣ်​တ​ကဲ,​ ​ဖံး​တၢ်​မၤ​တၢ်​တ​လဲၤ​ထီၣ်​လဲၤ​ထီ,​ ​ဘၣ်​ဘၢ​ဘၣ်​ကွီၢ်​န့ၣ်​ပှၤ​ပာ်​ပ​နီၣ်​အီၤ​လၢ​အ​မ့ၢ်​ကျိၣ်​ကိၢ်​လီၤ.
​
တ​ပိာ်​ကျိၣ်​အ​ဆၢ​က​တီၢ်
ကျိၣ်​အံၤပှၤ​တ​ပိာ်​နါ​စိၤ​အီၤ​လၢတၢ်​ဆၢ​က​တီၢ်​ကိး​ဘျီ​ဒဲး​ဘၣ်.​ ​ပှၤ​ပိာ်​အီၤလၢ​တၢ်​လိၣ်​ဆၢ​က​တီၢ်​လီၤ​ဆီ​တ​ဖၣ်​အ​ခါ​လီၤ.​ ​လီၤ​ဆီ​ဒၣ်​တၢ်​ပှၤ​ပိာ်​အီၤ​ဖဲ​ -​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​​ ​ ​

၁.​ ​ဖဲ​တၢ်​သူၣ်​ဖှံ​သး​ညီ​တၢ်​အီၣ်​မူး​အီၣ်​ပွဲ​အ​ခါ,​ ​ဖဲ​တၢ်​ထီၣ်​ဟံၣ်​သီ​ဃီ​သီ​အ​ခါ,​ ​ဖဲ​နံၣ်​ထီၣ်​သီ​လါထီၣ်​သီ​အ​ခါ,​ ​ပှၤ​ပိာ်​အီၤ​လၢ်​မုၢ်​ဆါ​ခါ​အ​ဆၢ​က​တီၢ်​လီၤ.​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​
​
၂.​ ​ဖဲ​တၢ်​ယူၢ်​မုၢ်​ယၢ်ူလါအ​ခါ,​ ​ပှၤ​သး​ပှၢ်​တ​ဂၤ​လဲၤ​ထီၣ်ဝဲ​ဆူ​ဟံၣ်​ခိၣ်​စိၣ်​ဘၣ်​ကွၢ်​ထီၣ်​ဆူ​မုၢ်(မ​ တမ့ၢ်)လါ​ဝံၤ​ဘၣ်​ကိး​ပ​သူ​ထီၣ်​လၢ​အ​က​လုၢ်​ဖး​ဒိၣ်​ဒီး​စံး​ “​တၢ်​ဒိၣ်​မုၢ်​တၢ်​ဒိၣ်​လါဧၢ,​ ​သ့ၣ်​နီၣ်​ပလီၢ်​န​သး,​ ​ရှီး​ထီၣ်​ဒီ​ြတီး​လၢ​န​ယီၢ်​ဒ့​လိၤ​ချ့​ချ့,​ ​တ​ဒုၣ်​နဒါ​မၤ​နၢၤ​မၤ​ဃၣ်​နၤ​လံ...​ “​ဝံၤ​ဒီး​ဘၣ်​ဟဲ​က့ၤ​လီၤ​ဝဲ​ဆူ​ဟံၣ်​ပူၤ​ပိာ်​သီၣ်​ထီၣ်​ကျိၣ်ဟ့ၣ်​ပ​လီၢ်​ အီၤ​န့ၣ်​လီၤ.​ ​ ​ ​

၃.​ ​လၢ​တၢ်​သ့​တၢ်​ပှၢ်​အခါ​တၢ်​ပိာ်​ကျိၣ်​မုၢ်​နၤနၤ​မုၢ်​​​​​ဆါ​ဆါ​ှ​လီၤ. ပှၤ​လၢ​ပျၢၤ​တ​ဖၣ်​ကၢ​ကျိၣ်​ဂာ​ကျိၣ်ဒ်​လဲၣ်​ ​ ​
​တၢ်​က​တိၤ​ဝီၢ်​ဩဲ​မ့ၢ်​ဝဲ​ “​ကၢ”​​​​​​​​​​​​​​​​​​​​​​​​​​​​​​​ ​တဖျၢၣ်​အံၤအ​ခီ​ပ​ညီ​မ့ၢ်​ဝဲ​ပ​ဟံ​န့ၢ်​က​ပံာ်တ​လိၣ်မ့​တ​မ့ၢ်​တၢ်​ပံာ်​တ​ နံာ်​တ​လိၣ်,​ ​ပ​လံာ်​လူာ်​အီၤ​ဝံၤ​ပ​တ့​ဒုး​ကဲ​ထီၣ်​အီၤ​လၢ​ကျီၢ်​ဖိ​ပ​နၢ်​ဖိအ​ဂီၤ​မ့​တ ​မ့ၢ်​တၢ်​ဖိ​တၢ်​လံၤ​တ​မံၤ​မံၤအ​ဂီၤ​န့ၣ်​ပ​စူး​ကါ​တဲ​အီၤ​လၢ​ “​ကၢ​ကျီၢ်​ဖိ​ပ​နၢ်​ဖိ​အ​ဂီၤ”​ ​လီၤ.​ ​တၢ်​က​တိၤ​ဝီၢၠ​ဩဲ​ “​ဂာ်”​ ​အ​ခီ​ပ​ညီ​မ့ၢ်​ဝဲ​တၢ်​မၤ​စဲ​ဘူး​ထး​သ​ကိး​ထး​ ​မ့​တ​မ့ၢ်​ ​ထူ​သ​ကိး​ထူ​စံ​သ​ကိး​စ့​လၢ​မ့ၣ်​အူ​န့ၣ်​လီၤ.

မုၢ်​မ​ဆါ​တ​နံၤ​အံၤ​ပှၤ​မ့ၢ်​က​ဘၣ်​တ့​ဒုး​ကဲ​ထီၣ်ကိျၣ်​န​ဒု​န့ၣ်တၢ်​ဖိ​ တၢ်​လံၤ​မ့ၢ်​အိၣ်​လၢ​အိၣ်​ပှဲၤ​ဒီး​တ​မ့ၢ်​တၢ်​ကီ​ကဲၣ်​ဆိး​လၢ​ပှၤ​က​တ့​ဝဲ ​အ​ဂီၢ်​ဘၣ်.​ မ့ၢ်​လၢ​စဲး​ဖီ​က​ဟၣ်​စဲး​အ့ၣ်​တၢ်​သ့​တၢ်​ဘၣ်​လဲၤ​ထီၣ်​လဲၤ​ထီ​အ​စိၤ​အ​ဃိ​ လီၤ.​ ဘၣ်​ဆၣ်​လၢ​အ​ပူၤ​ကွံာ်​အ​နံၣ်​ ​၃​ဝ​ဝ​ဝ​ ​ဘျဲၣ်,​ ​မှံၤ​ပှၢ်​ဖံ​ဖု​လၢ​ပျၢၤတ​ဖၣ်​အ​စိၤ​ခါ​န့ၣ်​စဲ​အ့ၣ်​တ​သ့​တၢ်​ဘၣ်​ဒီး​စဲး ​ဖီ​က​ဟၣ်​လၢ​က​တ့​ကဲ​ထီၣ်​တၢ်​ပီး​တၢ်​လီဒ်​စိၤ​ခ့​ခါ​အ​ပ​တီၢ်ဒ်​အံၤ​အ​ သိး​တ​အိၣ်​ထီၣ်​ဒံး​ဘၣ်​အ​ဃိ​ကျိၣ်တ​ဒု​က​ကဲ​ထီၣ်​အ​
ဂီၢ်​က​ဘၣ်​တ့​ကဲ​ထီၣ်​ဝဲ​န့ၣ်​က​လၢာ်​တၢ်​ကူၣ်​တၢ်​ဆး​ထဲ​လဲၣ်​က​လၢၢ်​ဆၢ​လၢာ်​က​တီၢ်​ထဲ​လဲၣ်​ပ​ဆိ​မိၣ်​တ​ယး​
ပ​ြတိာ်​စိ​အီၤ​သ့​လီၤ.

​ကျိၣ်​လၢ​ပျၢၤ​တ​ဖၣ်​တၢ်​စံး​ဝဲ​ပှၤ​ကၢ​အီၤ​လၢ​ကျဲဒ်​အံၤ​လီၤ.​ ​တ​လၢ​ကျိၣ်​န့ၣ်​ပှၤ​ကၢ​အ​မိၢ်​ပှၢ်​တ​ဒု​န့ၣ်​တ​ပူၤ​ဒၣ်,​ ​ပှၤ​ကၢ​အ​သး​နါ​ပှၢ်​တ​ဘ့ၣ်​န့ၣ်​တ​ပူၤ​ဒၣ်,​ ​ဒ့ၣ်​အ​ဂီၤ​ဒီး​က​ဆီ​အ​ဂီၤ​စ့ၢ်​ကိး​ပှၤ​ဘၣ်​ကၢ​အီၤ​တ​ပူၤ​ဒၣ်​လီၤ​လီၤ​ဆီ​ ဆိ​ီ​လီၤ.​ ဝံၤတဘျီမးပှၤဘၣ်ဂာ်ဘူးတံၢ်က့ၤအီၤလၢမ့ၣ်ဒီးကဲထီၣ်က့ၤကျိၣ်တဒုန့ၣ်လီၤ.​ ကျိၣ်တဒု​ ကဲထီၣ်အဂီၢ်တၢ်ဘၣ်စးထီၣ်မၤအီၤတဆီဘၣ်တဆီအကျိၤအကျဲမ့ၢ်ဒ်အဖီလာ်အသိးအံၤလီၤ -

(၁)​ မၤ​န့ၢ်​ဟီၣ်​ခိၣ်​လၢ​ပှၤ​ကၢ​သ​ပၢၤ(Potter's Clay). မ့ၢ်​အိၣိ​ဒီး​လၢၢ်​မဲး​ဃဲး​န့ၣ်​ထၢ​ကွံာ်​လၢၢ်,​ ​လိ​ဃ့​အီၤ​ဝံၤ​တိၢ်​က​မူၣ်​အီၤ.

( ၂)​ ​ ​မၤ​န့ၢ်​မဲာ်​တဲး​လဲး​အ့ၣ်​ဃ့,​ ​မ့​တ​မ့ၢ်​က​သ့ၣ်​အ့ၣ်​ဃ့,​ ​တိၢ်​က​မူၣ်​အီၤ​က​မူၣ်​ခုၣ်.

(၃)​ ​ ​ ​မၤ​န့ၢ်​သ့ၣ်​ကူာ်​လာ်​တ​ကူာ်​လၢ​အ​ထီ​အိၣ်​ခံ​ခီၣ်ယီၢ်​ဂ့ၤ​သၢ​ခီၣ်​ယီၢ်​ ဂ့ၤ,​ ​အ​တ​ဝီ​တ​ခီ​ဖဲ​အ​ဘၣ်​န​သး,​က​ဘၣ်​မ့ၢ်​သ့ၣ်​ဃ့​လၢ​အ​ဖှံ​တ​က​လုာ်,​ ​သ့ၣ်​ကူး​လာ်​တ​ကီျၣ်​အံၤ​ကျီ​ကဲ​ထီၣ်​အ​က့ၢ်​အ​ဂီၤဒ်​ကျိၣ်​တ​ဒုဒ်​န​လီ​ ကီ​အ​က့ၢ်​အ​ဂီ​မ​အ​သိး​လီၤ​တံၢ်​လီၤ​ဆဲး​တ​က့ၢ်.

(၄)​ ​ ကီျတရံးပာ်န့ၢ်သ့ၣ်ဘၣ်ဖးလဲၢ်တဘ့ၣ်လအက့ၢ်အဂီၤလီၤဂာ်ဒ်ကိျၣ်အသးနါပှၢ်,​ လၢတၢ်ကကၢကျိၣ်အ​ဂီၢ်တက့ၢ်.

(၅)​ ​ ကတဲာ်ကတီၤပာ်ကနဲဃိး,​ ကနဲဃိးမ့ၢ်စှီးကဲၣ်ဆိးတခီဖီအီၤဒီးသိဖဲအြကၢးအဘၣ်.

(၆)​ ​ တဘျီအံၤဟံးန့ၢ်ဟီၣ်ခိၣ်ကမူၣ်ဒီးမဲာ်တဲးလဲးအ့ၣ်ကမူၣ်ဒီးမဲာ်တဲးလဲးအ့ၣ်ကမူၣ်လၢနတိၢ်ကမူၣ်​ ​ ​
ပ​​ာ​​်အီၤ​ တဖၣ်ကျဲဒီးထံဖဲအဘၣ်စံၣ်ဘိးဒုးကဲထီၣ်အီၤလၢကပံာ်ဝံၤပာ်အီၤလၢတၢ်ပူၤအလီၢ်တတီၤကးဘၢ ​ ဃာ်အခိၣ်လၢတၢ်ကံ​ညၣ်ဝါ,​ ပာ်အီၤဒ်န့ၣ်တနၤ,​ လၢမုၢ်ဆ့ၣ်ထီၣ်တနံၤဟံးန့ၢ်တသ့ၣ်ကူးလာ်လၢတကျီပ​ာ်အီၤဒ်ကိျာ်အက့​ ၢ်အဂီၤတကျီၣ်န့ၣ်ဒီးကၢလီၤဘၢအီၤလၢကပံာ်န့ၣ်တက့ၢ်.​ ​ကပံာ်အတီၣ်ကဘၣ်မ့ၢ,်စုမုၢ်​တဒူ,​ ဘူဘၣ်လိာ်တီၣ်ဘၣ်လိာ်လီၤဂာ်ဒ်ကျိာ်အမိၢ်ပှၢ်အသိးတက့ၢ်​.​​ ​ဝံၤ​လိ​ဃ့​အီၤ​လၢ​တၢ်က​ဒု​လာ်ဒ်​သိး​သု​တ​တဲၤ​ဖး​တ​ဂ့ၤ​အ​ဂီၤ​လီၤ.​ ​မ့ၢ်​ထံၣ်​အ​တဲၤ​ထီၣ်​ဒီး​ရံာ်​ပှဲၤ​ထီၣ်​က့ၤ​အီၤ​ပှီၢ်​ပှီၢ်​တ​က့ၢ်.

(​၇)​ ​ ​တုၤ​က​ပံာ်​ဃ့​ဂ့ၤ​ဂ့ၤ​တ​ဘျီ,​ ​ကၢ​လီၤ​ဘၢ​က​ပံာ်​န့ၣ်​လၢ​က​နဲ​ဃိး​ဒီ​ဒု​ညါ,​ ​ဘူ​ဘၣ်​လိာ်​တီၣ်​ဘၣ်​လိာ်​လီၤ​တံၢ်​လီၤ​ဆဲး​တ​က့ၢ်.​ ​ဝံၤ​ဒီး​မၤ​န့ၢ်​က​နဲ​ဃိး​လၢ​တၢ်​လံာ်​လိာ်​ပာ်​န့ၢ်​အ​ဘိ​ြပံ​က​ဒံ​ဖိ​တ​ ဖၣ်​ကျီၤ​လီၤ​ဝး​တ​ရံး​ကိျၣ်​မိၢ်​ပှၢ်​အံၤ​အ​လိၤ​လီၤ​တံၢ်​လီၤ​ဆဲး​တ​ကွီၤ​ ဝံၤ​တ​ကွီၤ​တ​က့ၢ်.​ ​လၢ​တၢ်​အ​ကွီၤတဖၣ်​အံၤ​အ​ဘၢၣ်​စၢၤ​တ့​လီၤ​တၢ်​ဂီၤ​ဒဲ​ကံၣ်​ဒဲ​ဝ့ၤ​အ​က​လုာ် ​က​လုာ်​လၢ​အ​မ့ၢ်​သံၣ်ဧိၤ​ဖီဧိၤ,​ ​ထိၣ်ဧိၤလံာ်ဧိၤ,​ ​တၢ်​တ​မံၤ​မံၤ​ဂ့ၤဒ်​န​အဲၣ်​ဒိး​အ​သိး​လၢ​တၢ်​ဃံ​တၢ်​လၤ​အ​ဂီၢ်,​ ​ဃူ​ဃီၤ​ဝဲ​ကိးမံၤ​ဒဲး​ဝံၤ,​ ​ကွၢ်​က​ဒါ​က့ၤ​တၢ​ကိး​မံၤဒဲ​တုၤ​အ​မံ​သး​နၤ​လံ​ဒီး​ကၢ​လီၤ​ဘၢ​က​ဒီး​အီၤ​လၢ ​က​ပံာ်​တီၣ်​တီၣ်​ကျၢၤ​ကျၢၤ​လီၤ​တံၢ်​လီၤ​ဆဲး​တ​က့ၢ်.​ တၢ်ကိျၤဖိအိၣ်လၢကိျာ်လိၤတဖၣ်အံၤန့ၣ်​ တၢ်ကိးအီၤလၢ​ “သွဲ”​ ​လီၤ.​ ပာ်ဃ့ထီအီၤ​ဂ့ၤဂ့ၤတက့ၢ်.

(၈)​ ​ ​ကျိၣ်​သး​နါ​ပှၢ် -​ ​ဟံး​န့ၢ်​သ့ၣ်​ဘၣ်​ဖး​လဲၢ်​လၢ​တၢ်​ကျီ​က​ရံၣ်​ပာ်​အီၤ​လၢ​က​တ့​ကျိၣ်​အသး​ နါပှၢ်​တ​ဘ့ၣ်​န့ၣ်​ဒီး​ကၢ​လီၤ​ဘၢ​အီၤ​လၢ​က​ပံာ်​ထဲ​တ​ခီ​ပၤ,​ ​မၤ​အီၤ​ဘျ့​ဘျ့​ဃူ​ဃူ,​ ​ပာ်​အီၤ​တုၤ​အ​ဃ့​ဂ့ၤ​ဂ့ၤ,​ ​ကၢ​လီၤ​ဘၢ​အီၤ​လၢ​က​နဲ​ဃီး​ဒီ​ဘ့ၣ်​ညါ,​ ​လၢ​အ​ခၢၣ်​သး​လိၤလိၤ​န့ၣ်​ပာ်​လီၤ​မုၢ်​အ​ဂီၤ,​ ​လၢ​ဝး​တ​ရံး​မုၢ်​အ​ဂီၤ​န့ၣ်​ကွီၤ​လီၤ​သွဲ​တ​က​ဝီၤ​ဝံၤ​တ​က​ဝီၤ​က​ရံၣ်​ ဒံၣ်​က​ဝီၤ​ကီျၤ,​ ​လၢ​သွဲ​တ​က​ဝီၤ​ဒီး​တ​က​ဝီၤ​အ​ဘၢၣ်​စၢၤ​န့ၣ်​ပာ်​လီၤ​ထိၣ်​ဒ့ၣ်​အ​ဂီၤ​ဒီး​ ညၣ်​အ​ဂီၤ​အိၣ်​စံၣ်​ဆူး​လိာ်​သး,​ ​တၢ်​အ​ကွီၤ​လၢ​အ​စီၤ​စုၤ​ယံၤ​ထီၣ်​ယံၤထီၣ်​ဒီး​မုၢ်​န့ၣ်​ပာ်​လီၤ​ထိၣ်​ ဒ့ၣ်​ဒီး​ညၣ်​အ​ဂီၤ​​လၢ​အ​ဒိၣ်​ထီၣ်​ဒိၣ်​ထီၣ်​တ​ဖၣ်ပိာ်​လိာ်​အ​ခံ​အ​ဂီၤ​တ ​က့ၢ်.​ မ​ၤ​တၢ်​အံ​ၤ​ခဲ​လၢာ်​မ့ၢ်​ဝံ​ၤ​ဒီး​ကၢ​လီၤ​ဘၢ​ကွံာ်​အီၤ​လၢ​​က​ပံာ်​တီၣ်​ တီၣ်.​ ပာ်​ဟိ​ဃာ်​တၢ်​ပူၤ​ဖိ​တ​ပူၤ​လၢ​တၢ်​ခၢၣ်​သး​လိၤ​လိၤ​တ​က့ၢ်

(၉)​ ​ ကဆီဂီၤဒ့ၣ်ဂီၤလၢတၢ်တ့ဃာ်ပာ်စၢၤလံအီၤတဖၣ်ဂာ်စဲဘူးက့ၤအီၤလၢလီၢ်ခံတက့ၢ်.

(၁ဝ)​ ​ တုၤတၢ်ကိးမံၤဒဲးတၢ်မၤအီၤဝံၤလံဒီးမၤပှံၢ်လီၤတိၢ်ထံလွဲထံတုၤအပှၤလီၤဂ့ၤဂ့ၤ.​ ကွးကွံာ်အအ့ၣ်​ အဆံၣ်စီစီ.​ လူလီၤအီၤလီၤတံၢ်လီၤဆဲးလၢကျိၣ်မိၢ်ပှၢ်ဒီးကျိၣ်သးနါပှၢ်အလီၢ်ဖဲတၢ်မၤပာ်​ ​ ​ ​ ​ ​အီၤတပူၤတ​ က့ၢ်.​ တုၤမ့ၢ်တိၢ်ထံလွဲထံတဖၣ်ယွၤနုာ်ဝဲဆူကပံာ်ကဆူးပူၤတဘျီဃီကနဲဃိးတဖၣ်ပုာ်ထီၣ်​ ယွၤလီၤဝဲဆူ​ တၢ်ချၢဒီးတိၢ်ထံထးထံတဖၣ်နုာ်လီၤမၤ​ ပှဲၤက့ၤ​​ အလီၢ်​ ​န့ၣ်​​ လီၤ​.​ ​ တုၤမ့ၢ်တိၢ်ထံထးထံတဖၣ်​ မ့ၢ်ခုၣ်လီၤဒီး​ အိးကွံာ်ကပံာ်ဃ့ထီတဖၣ်ခဲလၢာ်တက့ၢ်.​ ​ဝံၤဂာ်စဲဘူးက့ၤကျိၣ်မိၢ်ပှၢ်ဒီးကျိၣ်သးနါပှၢ်,​ ဝံၤဂာ်စဲ​ ဘူးထီၣ​်က့ၤ​ ဒ့ၣ်​ဂီၤကဆီဂီၤတဖၣ်လၢအလီၢ်အကျဲဒၣ်​ဝဲတက့ၢ်.​ တဘျီအံၤကိျၣ်တဒုအက့ၢ်အဂီၤဖျါထီၣ်ဝဲမူၢ်မူၢ်လံလီၤ.​ ဘၣ်ဆၣ်တၢ်ပိာ်အီၤတသီၣ်ဒံးဘၣ်.

၁၁.​ ဒ်​သိး​တၢပိာ်​အီၤ​က​သီၣ်​အ​ဂီၢ်​န့ၣ်​ဘၣ်​မၤ​ဝဲဒ်​အံၤ.​ ​တၢ်​ဘၣ်​မၤ​ကိၢ်​ထီၣ်​ကျိၣ်​အ​သး​နါ​ပှၢ်​ဝံၤ​ဘၣ်​ဖှူ​ဝဲ​လၢ​ချါ​ထံ​လီၤ.​ ​တုၤ​ချါ​ထံ​ဃ့​ထီ​ဝဲ​ဒီး​ဘၣ်​ပာ်​လီၤ​ကျိၣ်​သး​နါ​ပှၢ်​ဆူ​မ့ၣ်​အူ​က​ဖး​အ​ ဖီ​ခိၣ်​တုၤ​ကျိၣ်​သး​နါ​ပှၢ်​ကိၢ်​သွး​ဒီး​အ​လွဲၢ်​ဟဲ​ထီၣ်ဒ်​တၢ်​ကွၢ်​ နီၣ်​ကွၢ်​ဃါ​အ​နီၣ်​ထိၣ်​အိၣ်​ဝဲ​အ​သိး​ဝံၤ​မး​ဒီး​ဘၣ်​လူခုၣ်​လီၤ​ဝဲ​လၢ​ ထံ​ခုၣ်​သ​တူၢ်​က​လာ်​လီၤ.

၁၂.​ တဘျီ​အံၤ​ဘၣ်​ဘျး​လီၤ​စဲၤ​ကျိၣ်​လၢ​ကျိၤ​လိၤ.​ ​ပိာ်​ကွၢ်​အီၤ.​ ​ဘၣ်​က​နၣ်​အ​သီၣ်​လီၤ​တံၢ်​လီၤ​ဆဲး.​ ​မ့ၢ်​သီၣ်ဒ်​တၣ်​ဘၣ်​တံာ်​တာ်​တ​မံၤ​မံၤ​အ​သိး​ဒီး​ ​ကွၢ်​ဃု​ဝဲ​တၢ်​လၢ​အ​တ​ဘၣ်​မ့ၢ်​အိၣ်​မၤ​ဘၣ်​က့ၤ​ဝဲ​အ​သး​နါ​ပှၢ်​မ့ၢ်​ တီၣ်​ဘၣ်​၀ာ်​ဘူ​လီၤ​က့ၤ​ဝဲဒ်​အ​လီၢ်​အိၣ်​အ​သိး.​ ​မၤ​ဝဲဒ်​န့ၣ်​တ​ခီ​ခီ​ပိာ်​ကွၢ်​ဝဲ​တ​ခီ​ခီ​တုၤ​ ​သး​လီ​ဝဲ​အ​တၢ်​သီၣ်​အ​ယုၢ်​အ​ကွ့ၤ​ထီၣ်​ဘး​တ​စု​န့ၣ်​လီၤ.​ ​တၢ်​ကၢ​ကျိၣ်​အံၤ​တ​မ့ၢ်​တၢ်​ညီ​က​ဒၣ်​ဘၣ်.
တၢ်​ကၢ​ကျိၣ်​အ​လီၢ်​တ​ဖၣ်
​တၢ်​ကၢ​ကျိၣ်​အ​လီၢ်​လၢ​ပျၢၤ​က​အိၣ်​ဝဲ​လၢ​တၢ်​လီၢ်​အါ​တီၤ​လၢ​အ​နံၣ်​ ​၃၀၀၀​ ​ဘျဲၣ်​အ​ခ့​ခါ​ဆၢ​က​တီၢ်​ပူၤ​န့ၣ်​လီၤ.​ ​လၢ​အ​ကျါ​က​ပာ်​ဖျါ​ထီၣ်​တၢ်​ကၢ​ကျိၣ်​အ​လီၢ်​လွံၢ်​တီၤဒ်​လာ်​အ​သိး​လီၤ.

​တၢ်​ကၢ​ကျိၣ်​အ​လီၢ်​တၢ​တ​တီၤ-
​ထံ​ကီၢ်​လၢ​က​ညီ​ထူ​လံၤ​လၢ​ပျၢၤ​အိၣ်​ဝဲ​ဆိး​ဝဲ​အ​လီၢ်​တ​ဖၣ်​န့ၣ်​မ့ၢ်​ ဝဲ-​ ​မိၣ်​ကိ​လံ​ယါ,​ ​ကီၢ်​လီၤ​ပၢၤ,​ (​ကီၢ်​စံၣ်) ,​ ​ကီၢ်​သံ​ဘီ​သံ​မုၢ်​ (ကီၢ်​ထံ​ဘဲး)​ ​ဒီး​ကီၢ်​ယူၣ်​နၣ်​န့ၣ်​လီၤ.​ ​ကီၢ်​ဖး​ဒိၣ်​လွံၢ်​ဘ့ၣ်​အံၤ​ကိး​ဝဲ​လၢ​ "ကီၢ်​မုၢ်​စိး"လီၤ.​ ​က​ညီ​လၢ​ပျၢၤ​တ​ဖၣ်​အိၣ်​ဝဲ​လၢ​ကီၢ်​မုၢ်​စိး​အ​ပူၤ​ယံာ်​ဝဲ​အ​နံၣ်​ ​၁၅၀၀​ ​ဃၣ်​ဃၣ်​ ​ဒီး​ဂုၤ​ထီၣ်​ပ​သီ​ထီၣ်​ဝဲ​အါ​မး​လီၤ.​ ​အ​ဝဲ​သ့ၣ်​သုး​လီၢ်​သုး​ကျဲ​တ​တီၤ​ဘၣ်​တ​တီၤ​ဆူ​တၢ်​လီၢ်​အါ​ပူၤ​လီၤ.​ ​လၢ​အ​ကျါ​ပှၤ​လၢ​အ​ကၢ​ကျိၣ်​သ့​တ​နီၤ​နီၤ​ ​လၢ​အ​မ့ၢ်​
ဝဲ​ပှၤ​ယူၢ်​ဖိ​စှီၤ​ဖိ​တ​ဖၣ်​ဟဲ​လီၤ​ဝဲ​ တုၤ​ဆူ​က​၀ၢ်​ကီၢ်​အ​ခါ​ထံၣ်​န့ၢ်​ဝဲ​တိၢ်​ပူၤ​ထး​ပူၤ​ဒီး​အ​ဝဲ​သ့ၣ်​ကၢ​ ကျိၣ်ကၢ​မိၤ​ဖဲ​က​၀ၢ်​ကီၢ်​န့ၣ်​လီၤ.​ ​တၢ်​စံး​ဝဲ​တၢ်​လီၢ်​တ​တီၤ​အံၤ​တ​မ့ၢ်​တၢ်​မုာ်​တ​ခုၣ်​လၢ​အ​ဝဲ​သ့ၣ်​အ​ ဂီၢ်​ဘၣ်,​ ​တၢ်​ကၢ​ကျိၣ်​ဖဲ​က​၀ၢ်​ကီၢ်​အံၤ​က​မ့ၢ်​တၢ်​ကၢ​ကျိၣ်​အ​ဆိ​က​တၢၢ်​တၢ်​လီၢ် ​တ​ခါ​န့ၣ်​လီၤ.
​
တၢ်​ကၢ​ကျိၣ်​အ​လီၢ်​ခံ​တီၤ​တ​တီၤ-
​တၢ်​ကၢကျိၣ်​အ​လီၢ်​တ​တီၤ​အံၤ​ပ​ထံၣ်​ဘၣ်​ဖဲ​က​စၢၢ်​သီ​သံၣ်​ခိၣ်​အ​ခီၣ်​ ထံး,​ ​ဖဲ​ဖု​မီၤ​တီၢၠ​မၤ​အီၣ်​ဃုး​ ​ခုး​ ​ဖဲ​သီ​သံၣ်​ခိၣ်​က​လံၤ​ထံး​အ​ခါ​ဒိး​န့ၢ်​ဘၣ်​ဝဲ​ကျိၣ်​တၢ်​လုၢ်​ဒိၣ်​ပှ့ၤ ​ဒိၣ်​လွံၢ်​ဒု​ (ဂီၢ်​ကွီ​ထူ​ဂီၢ်​ကွီ​စ့​ဂီၢ်​ဘီ​ဃီၣ်​ဖီ​ဒီး​ဂီၢ်​ဝါ​ကူး​စ့)​ ​လၢ​ဖု​ထီ​
နၢ်​ဩဲ​အ​အိၣ်​န့ၣ်​လီၤ.​ ​ဖု​ထီ​နၢ်​ဩဲ​မ့ၢ်​ပှၤ​ကၢ​ကျိၣ်​သ့​အ​ဃိ​အ​ဝဲ​ကၢ​ကျိၣ်​တ​ဖၣ်​ဖဲ​တၢ်​လီၢ်​တ​တီၤ​အံၤ​န့ၣ်​လီၤ.
​တၢ်​ကၢ​ကျိၣ်​တၢ်​လီၢ်​သၢ​တီၤ​တ​တီၤ-

တၢ်​စံး​ဝဲ​ဖု​ထီ​နၢ်​ဩဲ​အ​ဒူၣ်​အ​ထၢ​တ​ဖၣ်​ဟး​ထီၣ်​လၢ​သီ​သံၣ်​ခိၣ်​က​လံၤ​ ထံး​ဟဲ​ဝဲ​ဆူ​မုၢ်​ထီၣ်​တ​က​ပၤ,​ ​ပာ်​လီၤ​ဝဲ​အ​တၢ်​အိၣ်​တၢ်​ဆိး​အ​လီၢ်​ဖဲ​မုၢ်​ယုၢ်​ပူၤ(ခဲ​အံၤ​ကဲ​ထီၣ်​ ကၠီၣ်​တဲၣ်​တၢ်​ပၢ)လီၤ.​ ​ဖု​ထီ​နၢ်​ဩဲ​အိၣ်​ဆိး​ဖဲ​မုၢ်​ယုၢ်​အ​ခါ​သိၣ်​လိ​န့ၢ်​အ​ဖိ​အ​လံၤ​တ​ဖၣ်​ လၢ​တၢ်​ကၢ​ကျိၣ်​ကၢ​မိၤ​အ​တၢ်​စု​သ့​တၢ်​မၤ​အံၤ​န့ၣ်​လီၤ.
​
တၢ်​ကၢ​ကျိၣ်​လွံၢ်​တီၤ​တ​တီၤ-
​တၢ်​ကၢ​ကျိၣ်​လွံၢ်​တီၤ​တ​တီၤ​န့ၣ်​ပ​ထံၣ်​ဘၣ်​ဖဲ​က​ယါ(ဘှဲ)​ ​ကီၢ်,​ ​ထံ​ဘီ​က​လး​တၢ်​လီၢ်​န့ၣ်​လီၤ.​ ​ပှၤ​ကၢ​ကျိၣ်​ဖဲ​န့ၣ်​တ​ဖၣ်​တ​မ့ၢ်​လၢၤ​ပှၤ​ယူၢ်​ဖိ​စှီၤ​ဖိ​လၢၤ​ဘၣ်,​ ​မ့ၢ်​ဝဲ​ပှၤ​ခ​မူး​ဖိ​ (က​ညီယိၤ)​ ​တ​ဖၣ်​လီၤ.​ ​ပှၤ​ဃု​သ့ၣ်​ညါ​က​ညီ​ကျိၣ်​အ​
ဂ့ၢ်​ဖု​တီ​အူ​ (ဖု​ဘု​မူၣ်)​ ​စံး​ဝဲ,​ ​တ​ဘျီ​သါ​သ​ကိး​ ”​ဖု​သ​နံၣ်”​ ​တဲ​ဘၣ်​သါ​လၢ-​ ​ဖဲ​အဲ​က​လံး​ပၢ​တၢ်​အ​စိၤ​ဖဲ​သါ​လူၣ်​ဘီ​ဘိ​ဖိၣ်​သၣ်​ခွါ​ထီၣ်​အ​ခ​သါ​လဲၤ​ ဒိး​န့ၢ်​သ့ၣ်​ခိၣ်​က​ဆီ​မၤ​သ့ၣ်​ဖဲ​က​ယါ​ကီၢ်​ထံ​ဘီ​က​လး​တၢ်​လီၢ်​အ​ခါသါ​ ထံၣ်​ပှၤ​ကၢ​ကျိၣ်​တ​ဖၣ်​အိၣ်​ဝဲ​အါ​အါ​ဂီၢ်​ဂီၢ်​ဖဲ​တၢ်​လီၢ်​အံၤ​လီၤ.​ တၢ်​ကၢ​ကျိၣ်​အ​လီၢ်​တ​တီၤ​အံၤ​ဟး​ဂီၤ​ကွံာ်​ဝဲ​ဖဲ​ကီၤ​လၤ​ဝါ​မၤ​န့ၢ်​ကီၢ်​ ပ​ယီၤ​ဖဲ​ (၁၈၈၅)​ ​နံၣ်​အ​လီၢ်​ခံ​သ​တူၢ်​က​လာ်​န့ၣ်​လီၤ.​ ​တၢ်​အံၤ​က​မ့ၢ်​တၢ်​ကၢ​ကျိၣ်​အ​လီၢ်​ခံ​က​တၢၢ်​သ့ၣ်​သ့ၣ်​လီၤ.​
​ကျိၣ်​န့ၣ်​တၢ်​ကၢ​အီၤ​လၢ​ပှၤ​ပိာ်​ခွါ​တ​နီၤ​ဒီး​တၢ်​ကၢ​အိၤ​လၢ​ပှၤ​ပိာ်​ မုၣ်​တ​နီၤ​လီၤ.​ ​တၢ်​စံး​ဝဲ​ပှၤ​ပိာ်​မုၣ်​တ​ဖၣ်​ကၢ​ကျိၣ်​န့ၣ်​အ​စု​လီၢ်​ဂ့ၤ​န့ၢ်​ဒံး​ပှၤ ​ပိာ်​ခွါ​တ​ဖၣ်​လီၤ.​ ​ကျိၣ်​တ​ဖၣ်​တၢ်​ကိး​အ​မံၤ​လၢ-

ကျိၣ်​ယူၢ်​မုၣ်,​ ​ကျိၣ်​ယူၢ်​ခွါ​ (ပှၤ​ယူၢ်​မုၣ်​ဒီး​ပှၤ​ယူၢ်​ခွါ​တ​ဖၣ်​ကၢ​ဝဲ)
​ကျိၣ်​က​၀ၢ်​မုၣ်,​ ​ကျိၣ်​က​၀ၢ်​ခွါ(ပှၤ​က​၀ၢ်​မုၣ်​ဒီး​ပှၤ​က​၀ၢ်​ခွါ​တ​ဖၣ်​ကၢ​ဝဲ)
​ကျိၣ်​ရှိၣ်​ဝ့ၢ်​မုၣ်,​ ​ကျိၣ်​ရှိၣ်​ဝ့ၢ်​ခွါ(ပှၤရှိၣ်​ဝ့ၢ်​မုၣ်​ဒီး​ပှၤ​ရှိၣ်​ဝ့ၢ်​ခွါ​တ​ဖၣ်​ကၢ​ဝဲ)​ ​န့ၣ်​လီၤ.
တၢ်​ဂီၤ​တၢ်​ဖီၣ်​အိၣ်​လၢ​ကျိၣ်​လိၤ​ဒီး​အ​ခီ​ပ​ညီ
​တၢ်​ဂီၤ​တၢ်​ဖီၣ်​တ​ဖၣ်​အိၣ်​လၢ​ကျိၣ်​လိၤ​အ​က​လုာ်​က​လုာ်​လီၤ.​ ဘၣ်​ဆၣ်​ကျိၣ်​တ​ဒု​ဒီး​တ​ဒု​အ​လိၤ​န့ၣ်​တၢ်​ဂီၤ​လၢ​ပ​က​ယၢၤထီၣ်​တ​ဖၣ်​အံၤ​ တ​မ့ၢ်​က​အိၣ်​ဝဲ​ကိး​ခါ​ဒဲး​ဘၣ်.က​အိၣ်​ဝဲ​လၢ​န့ၣ်​တ​နီၤ​လၢ​အံၤ​တ​နီၤ​ န့ၣ်​လီၤ.​ ​တၢ်​ဂီၤ​အိၣ်​လၢ​ကျိၣ်​လိၤ​တ​ဖၣ်​ဒီး​တၢ်​ဂီၤ​အ​ခီ​ပ​ညီ​မ့ၢ်​ဝဲ-

မုၢ် - တၢ်​က​ပီၤ,​ ​တၢ်​တီ​တ​လိၤ,​ ​ယွၤ,​ ​ယွၤ​အ​မဲာ်​ညါ,​ ​ဖျါ​ဖျါ​တ​မ့ၢ်​တၢ်​ခူ​သူၣ်​ခူ​လံာ်​ဘၣ်.
​ဒ့ၣ်​သုၣ်​ -​ က​ညီ​ဖိ​အ​ခၢၣ်​စး​တၢ်​ပ​နီၣ်​ ​
​က​ဆီ -​ ​ပှၤ​မၤ​ဟး​ဂီၤ​တၢ်,​ ​တၢ်​တ​ဂ့ၤ​တ​ဝါ
​ထိၣ်​ဒ့ၣ်​ -​ ​ကီၤ​လၤ​ဝါ
​ထိၣ်​လဲၤ​ဝါ​ -​ ​ကီၤ​လၤ​ဝါ
​ထိၣ်​လွံၢ်​ -​ ​ပှၤ​က​ညီ​မုၣ်​မၤ​ကံၣ်​အ​ဆ့​ကိာ်​ဒီး​လံာ်​ဖဲ
​ထိၣ်​ဂံာ်​ -​ ​က​ညီ​မုၣ်​သိး​ဒီး​ဆ့​ပျိၢ်​ကံၣ်
​ထိၣ်​ဂံာ်​ဖါ​ -​ ​က​ညီ​ခွါ​သိး​ဆ့​ပျိၢ်​ကံၣ်
​ထိၣ်​လဲၤ​သွဲ​ -​ ​က​ညီ​မုၣ်​က​ညီ​ခွါ​သိး​ဆ့​ကံၣ်​ဖၢၣ်​ခိၣ်​အိၣ်​ဒီး​အ​နွံ​တ​ဖၣ်
​ထိၣ်​ချှၣ်​ -​ ​ပှၤ​စံး​သ့​က​တိၤ​သ့,​ ​က​လုၢ်​မုာ်​က​ထါ​ဆၢ,​ ​ပှၤ​အဲၣ်​ကျံ​အဲၣ်​ပှဲၤ​တ​ဖၣ်
​ဘံၣ်​ဘ့​ -​ ​ထံ​က​စၢ်​ကီၢ်​က​စၢ်,​ ​ပှၤ​ဒ့ၣ်​ထံ​ရၢ်​ကီၢ်
​ပ​ဒဲ​ -​ ​ပှၤ​ကူၣ်​တၢ်​သ့​လၢ​တၢ်​သ့​စံး​သ့​က​တိၤ​တ​က​ပၤ
​ဆီ​ -​ ​ပှၤ​မၤ​ဟး​ဂီၤ​တၢ်
သ​မၣ်,​ ​ပ​ယိၤ,​ ​လံာ်​မုၣ်​ဒိၣ်,​ ​လံာ်​ဃး​ဒိၣ်,​ ​ထိၣ်​ဒိၣ်​လီ​တာ်,​ ​ခ့​ယုၢ်,​ ​ကီၤ​ကျဲၣ်,​ ​ဂုၢ်​သ့ၣ်​က​လီၤ​ -​ ​တၢ်​တ​ဖၣ်​အံၤ​မ့ၢ်​တၢ်​အၢ​တၢ်​သီ​လၢ​အ​မၤ​ဟး​ဂီၤ​တၢ်​အ​ပ​နီၣ်​လီၤ.(တၢ်​တ ​ဖၣ်​အံၤ​လၢ​ကျိၣ်​အ​လိၤ​အိၣ်​ဒၣ်​တ​နီၤ,​ ​တ​အိၣ်​လၢ​ကျိၣ်​ကိး​ဒု​ဒဲး​အ​လိၤ​ဘၣ်)

ကျိၣ်​လၢ​အ​မံၤ​ဟူ​သၣ်​ဖျါ​တ​ဖၣ်-​
​ကျိၣ်​လၢ​အ​မံၤ​ဟူ​ဒီး​ကၢ​ပှ့ၤ​ကၢ​က​လံၤ​တ​ဖၣ်​တ​နီၤ​အ​မံၤ​မ့ၢ်​ဝဲ-​ ​ဂီၢ်​ကွီ​စ့,​ ​ဂီၢ်​ကွီ​ထူ,​ ​ဂီၢ်​ဘီ​ဃီၣ်​ဖီ,​ ​ဂီၢ်​ဝါ​ပီး​ကူး​စ့,​ ​ဂီၢ်​ပံၢ်,​ ​ဂီၢ်​လါ,​ ​ဂီၢ်​ပာ်​ထံ​လာ်,​ ​ဂီၢ်​ထံ​လီၤ​စီၤ,​ ​ဂီၢ်​မ့ၣ်,​ ​ဂီၢ်​သူ​နိ​ဒိၣ်,​ ​ဂီၢ်​သ​ဖၣ်​မဲာ် ,​ဂီၢ်​စီၤ​ပ​သူ,​ ​ဂီၢ်​မုၢ်​သ့ၣ်​စဲၤ,​ ​ဂီၢ်​ဆၣ်​ထီၣ်​မူ,​ ​ဂီၢ်​လီၤ​ဘီ​ခိၣ်,​ ​ဂီၢ်​ပာ်​ဆီ​ဒံၣ်,​ ​ဂီၢ်​စီၤ​လီၤ​သး,​ ​ဂီၢ်​စီၤ​သ​ဖၣ်,​ ​ကျိၣ်​လၢ​ထး​ခီ​တ​ဖၣ်​အံၤ​မ့ၢ်​ကျိၣ်​လၢ​အ​မံၤ​ဟူ​သၣ်​ဖျါ​ဒီး​မ့ၢ်​ကျိၣ်​ လၢ​အ​က​လုၢ်​သီၣ်​သ​ယုၢ်​တ​ဖၣ်​လီၤ.​ ​မ့ၢ်​လၢ​တၢ်​ကၢ​အီၤ​ဒီး​လွဲ​အါ​အ​ဃိ​အ​လုၢ်​အ​ပှ့ၤ​ဒိၣ်​ကၢ​ပှ့ၤ​ကၢ​က​လံၤ​ န့ၣ်​လီၤ.​ ​ဖံ​ဖု​လၢ​ပျၢၤ​တ​ဖၣ်​ပာ်​လီၤ​တဲာ်​န့ၢ်​ပှၤ​အ​တၢ်​ဟ့ၣ်​သါ​လၢ​အ​မ့ၢ်​ကျိၣ် ​သူ​ကျိၣ်​လွဲ​တ​ဖၣ်​အံၤ​မ့ၢ်​တၢ်​လီၤ​က​မၢ​က​မၣ်​ဒိၣ်​ဒိၣ်​မုၢ်​မုၢ်​လၢ​ ဖိ​လံၤ​ပ​ဝဲ​သ့ၣ်​အ​ဂီၢ်​လီၤ.​ ပှၤ​တ​ဆိ​က​မိၣ်​ဒၣ်​လဲာ်​လၢ​ပှၤ​က​ညီ​ဖိ​တ​ဖၣ်​ကၢ​ကျိၣ်​ကၢ​မိၤ​သ့​ဘၣ်,​ ​တၢ်​ဒဲး​ကံၣ်​ဒဲး​ဝ့ၤ​လၢ​ကျိၣ်​တ​ဖၣ်​အံၤ​ဖျါ​ဃံ​ဖျါ​လၤ​လီၤ​တံၢ်​လီၤ​ဒဲ​ ဂ့ၤ​မး,​ ​လၢ​အ​အိၣ်​ဒီး​တၢ်​
အ​ခီ​ပ​ညီ​ခူ​သူၣ်​အ​ဒိၣ်​အ​ယိာ်​လၢ​က​ညီ​သး​ပှၢ်​တ​ဖၣ်​အဲၣ်​ဒိး​တဲ​က့ၤ​အ​ဖိ​အ​လံၤ​တ​ဖၣ်​န့ၣ်​ပာ်​ဖျါ​ထီၣ်​န့ၢ်​က့ၤ​ဝဲ​
လၢ​တၢ်​ပ​နီၣ်​အ​က့ၢ်​အ​ဂီၤ​ခူ​သူၣ်​ခီ​ဖိျ​ ​လၢ​ကျိၣ်​လိၤ​န့ၣ်​လီၤ.

ဒ်​လဲၣ်​ဂ့ၤ,​ ​ကျိၣ်​အ​တၢ်​ပ​နီၣ်​အံၤ​အိၣ်​စဲ​ထီ​လံ​လၢ​က​ညီ​န့ၣ်​တ​ယၢ်​အ​လိၤ​ဆှုၣ်​ ဆှုၣ်ဘှဲၣ်​ဘှဲၣ်​ဆဲး​ဆဲး​လၤ​လၤ​လၢ​အ​ပာ်​ဖျါ​ထီၣ်​ဝဲ​အ​ခီ​ပာီ​ ”​ ​ကျိၣ်​အံၤ​မ့ၢ်​က​ညီ​ဖိ​အ​တၢ်​န့ၢ်​သါ​အ​တၢ်​ပ​နီၣ်”​ ​သ​တး​ဒီး​ပ​ပာ်​က​ဖၢ​လၢ​ပ​သး​လၢ​ကျိၣ်​မ့ၢ်​က​ညီ​က​လုာ်​တၢ်​ပ​နီၣ်​ခၢၣ်​ စး​အ​ဃိ​န့ၣ်​လီၤ.

​လံာ်​ဒိး​သ​န့ၤ- ​က​ညီ​ဖိ​ကျိၣ်​အ​ဂ့ၢ်​ (ဖု​ဘု​မူၣ်​ကွဲး)

၂၀.၆.၂၀၀၅
ဟံးန့ၢ်က့ၤအီၤလၢ ဖံဖံအဲမၢ် ထူသနူလုၢ်လၢ်ဆဲးလၤ ကဘျံးပၤပူၤ