သုးခိၣ်ကျၢၢ်စီၤစမံးဒိအဂ့ၢ်ဖုၣ်ကိာ်

ဖုစမံးဒိလၢအဘၣ်တၢ်သ့ၣ်ညါအီၤဒ်သုးခိၣ်ကျၢၢ်တဂၤအသိးအံၤအနီၢ်ကစၢ်ဒၣ်၀ဲအဂ့ၢ်အကျိၤလၢအကွဲးပာ်၀ဲ

တအိၣ်ဘၣ်.အဃိဒ်အမါဖံသရၣ်မုၣ်ကွဲးဖျါထီၣ်၀ဲဖုၣ်ဖုၣ်အဖီခိၣ်ပကပာ်ဖျါအီၤ၀ံၤဒ်သိးပကသ့ၣ်ညါဘၣ်အတၢ်မၤ
လၢအမၤတ့ၢ်၀ဲကသ့အဂီၢ်ပကနီၤဖးအီၤခံပတီၢ်တၢပတီၢ်ကမ့ၢ်တၢ်ကွဲးကၢၤဖှိၣ်၀ံၤ,ခံပတီၢ်တပတီၢ်ကဘၣ်တၢ်
ပာ်ဖျါအီၤဒ်အ၀ဲစးထီၣ်နုာ်လီၤသုးဒီးတုၤအအိၣ်ဘှံး၀ဲတစုအဂ့ၢ်န့ၣ်လီၤ.

စီၤစမံးဒိအိၣ်ဖျဲၣ်ထီၣ်ဖဲ ၁၉၀၆နံၣ်,လါနိၣ်၀့ဘၢၣ်၂၇သီဒီးနုာ်လီၤသုးဖဲ၁၉၂၄နံၣ်ဒ်အမ့ၢ်ကီၢ်ပယီၤ,ကီၢ်အ့ဒယၣ်
ဒီးအဲကလံးအသုးမုၢ်န့ၣ်လီၤ. အဆိကတၢၢ်ဒ်သုးအတၢ်မၤလိကတီၢ်အသိးထီၣ်သုးတၢ်မၤလိဖဲမ့ၣ်မၠိးတၢ်သိၣ်
လိသုးရ့ၣ်လၢအမ့ၢ် W/20th Burma Rifles လၢ Recruit Training အသုးထံး (TrainingCorps)န့ၣ်လီၤ.
မၤလိခီၣ်တဃာ်သုးတၢ်မၤလိဖဲမ့ၣ်မၠိး၀ံၤလဲၤထီၣ်ကဒီးသုးတၢ်မၤလိ 2nd Battalion20th Burma Rifles အိၣ်သူၣ်လီၤအသးဖဲ Taiping, Malay States န့ၣ်လီၤ. ဖဲအဆၢကတီၢ်အံၤအ၀ဲဘၣ်တၢ်ကွၢ်ထွဲအီၤ
လၢ Adjutant Capt Rivers န့ၣ်လီၤ.တုၤမ့ၢ်အဖျိထီၣ် Kitchener College ၀ံၤဒီးအ၀ဲဘၣ်လဲၤမၤလိကဒီး
သုးတၢ်မၤလိဖဲ Indian military College Academy အိၣ်ဖဲ Dehra Dun န့ၣ်လီၤ.

လၢကီၢ်အ့ဒယၣ်သုးအခဲဒမ့ၣ်အစိၤပီၢ်(တၢ်စံၣ်စိၤတဲစိၤ)အပူၤတၢ်မၤလိအ၀ဲအံၤမ့ၢ်ပှၤအဆိကတၢၢ်တဖုလၢပှၤ
မၤလိတၢ်ဖိအိၣ်၀ဲအဂၤ(၄၀)န့ၣ်လီၤ. ဖဲ၁၉၃၂နံၣ်လါအီးကထိဘၢၣ်ပှၤမၤလိတၢ်ဖိကဘၣ်လီၤဆူမူဒါအခါန့ၣ်
သုးခိၣ် Maj.D.T.Cowanဘိးဘၣ်သ့ၣ်ညါထီၣ်၀ဲပှၤမၤလိဖိအကျါအံၤစမံးမ့ၢ်ပှၤတၢတဂၤလၢအသုးဒ့အပူၤ
အံၤန့ၣ်လီၤ.ဖဲ ၁၉၃၉ နံၣ်, လါဒံၣ်စ့ဘၢၣ် (၁၉) သီအနံၤသုးခိၣ်အံၤဒိးတ့ဒိးဖျီအသးဒီးသရၣ်မုၣ် Gha Win Nie Dun န့ၣ်လီၤ.အ၀ဲသ့ၣ်ထီၣ်ဖိအဖိမုၣ်သၢဂၤလီၤ.တချုးကီၢ်ပယီၤတၢ်သဘျ့န့ၢ်စှၤလါန့ၣ်အလီၢ်အလၤ
ထီၣ် ၀ဲဒ် Lt. Colonel ဂၤန့ၣ်လီၤ.ဒီးအမူအဒါမ့ၢ်၀ ဲDeputy Inspector General လီၤ.တချုးပှဲၤထီၣ်တ
နံၣ်ဒံးဘၣ်န့ၣ်အလီၢ်အလၤထီၣ်ဆူ Brigadier ဒီးမူဒါတခီမ့ၢ်၀ဲ Deputy G.O.C of the Burma Army န့ၣ်လီၤ.တၢ်အံၤအလီၢ်ခံတဘျုးလါန့ၣ်အ၀ဲကဲထီၣ်ကီၢ်ပယီၤသုးမုၢ်ဒိၣ်အသုးခိၣ်ကျၢၢ် (Maj.General) န့ၣ်လီၤ.၁၉၄၉လါယနူၤအါရံၣ်၄သီကီၢ်ပယီၤန့ၢ်တၢ်သဘျ့လၢအဲကလံးပဒိၣ်ဒီး(ဖ.ဆ.ပ.လ)ပဒိၣ်ပၢက့ၤတၢ်
န့ၣ်လီၤ.ပၣ်တံၣ်တဖၣ်ပူထီၣ်က့ၤကီၢ်ပယီၤပဒိၣ်တလါဃီန့ၣ်လီၤ.ဖဲယနူၤအါရံၣ်၃၁သီဖးဖီမုၢ်န့ၣ်သုးခိၣ်ကျၢၢ်စ
မံးဒိဘၣ်တၢ်ဆှၢအီၤဆူကလီ၀့ၢ်ဒီးမုၢ်၀ါထီၣ်,လါဖ့ၤြဘူၤအါရံၣ်၁သီန့ၣ်ဘၣ်တၢ်ဒုးအိၣ်ဘှံးကွံာ်အီၤလၢကီၢ်ပ
ယီၤသုးမုၢ်ဒိၣ်အသုးခိၣ်ကျၢၢ်လီၢ်လၤန့ၣ်လီၤ.ဖဲသုးခိၣ်ကျၢၢ်စမံးဒိအိၣ်ဘှံးအခါအသးအိၣ်ဒၣ်ထဲ ၄၁နံၣ်ဧိၤလီၤ. ဒီးဖဲ ၁၉၇၉ နံၣ်လါယနူၤအါရံၣ်အသီ (၃၀) ဖဲအသးအိၣ် ၇၁ နံၣ်န့ၣ်ဒီးမံမုာ်၀ဲဒၣ်လၢခရံာ်ပူၤန့ၣ်လီၤ.


မုၢ်နံၤလၢစးထီၣ်ကဲသုးဒီးလီၢ်လၤ (ဒ်တၢ်ကၢၤဖှိၣ်လၢအဲကလံးကျိာ်)
1924= 31 စးထီၣ်နုာ်လီၤသုးဒီးသုးဖိထီၣ်တၢ်မၤလိအပတီၢ်
1931= 35 Jemadar in 2nd Burma Rifles- (အခါဖဲန့ၣ်အမံၤအိၣ် Smith တဖျၢၣ်ဧိၤ)
1935 = 2nd Lieutenant ( Attached 2nd Bn. King’s own-
Yorkshire. L.I)

1936= Lieutenant – 2nd Bn.First Punjal)
1939= Lieutenant ( General list Burma Employed ) Burma
1942= Capt.(2ndBn.1st Punjal Regiment Acting Major with
Militatry Police)

1943= Tep. Major ( 2nd Bn. , 1st Punjal Regiment ) Acting
Lt. Col. (2nd Bn. 1st Punjal Regiment

1945= လါအီးကထိဘၢၣ် War Substentive Major (တနံၣ်ဃီ, တလါဃီ ) Temp. Lt.Col.
1945= လါနိၣ်၀့ဘၢၣ် Acting Colonel
1946= Acting Colonel Special list ( Ex- Indian Army)
1948= Military Chief of Staff ( Burma) Local-Maj. General.

လၤကပီၤပနီၣ် Medals
1. Military Cross – 1946
2. India General Service medal
(1908-1935 with Burma 1930 –32)
3. India General Service medal 1931-39, with Claspi.
4. North West Frontier 1936- 37, 1939-45 Star
5. Burma Star 1941- 45
6. British War Medal 1939-45
7. Sword of honour.


ဟံး​န့ၢ်​အီၤ​လၢ“မုၢ်နံၤတဖၣ်လၢတၢ်သးပ့ၤနီၣ်တသ့”လၢ​ကျိၣ်​တၢ်​ရၤ​လီၤ​လံာ်​လဲၢ်​က​ရူၢ်​ထုး​ထီၣ်​ဝဲ

http://www.piemmamure.org/2011/06/blog-post_08.html