မုၢ်ယဲၤဖဲအထါ

၁. တၢ်ဝံၤဘၣ်သံငၤဖဲၣ်လ့ၤ

တၢ်ကာ်ဘၣ်သံငၤဖဲၣ်လ့ၤ
ဘုဘ့ၣ်တိၣ်လဲလိာ်ဒီးစ့
ဟုသးတိၣ်လဲလိာ်ဒီးစ့
ပှၤလဲၤတဂၤပှၤဟဲက့ၤ
ပှၤလဲၤခံဂၤပှၤဟဲက့ၤ
မုၢ်ယဲၤဖဲလဲၤတဟဲက့ၤ
စံၣ်ထီၣ်လၢချံအနါစ့ၤ

၂. တၢ်ဝံၤဘၣ်သံငၤမုၣ်နွဲၤ
တၢ်ကာ်ဘၣ်သံငၤမုၣ်နွဲၤ
ဘုဘ့ၣ်တဆွဲစ့တဆွဲ
ဟုသးတဆွဲစ့တဆွဲ
ပှၤဖိဒံလဲၤတန့ၢ်စွဲၤ
ပှၤဖိသၣ်လဲၤတန့ၢ်စွဲၤ
မုၢ်ယဲၤဖဲလဲၤဘၣ်တၢ်စွဲၤ
စံၣ်ထီၣ်လၢချံအပယွဲၤ
အမိၢ်နီၢ်နွဲၤဟီၣ်တကဲး
အပၢ်သီမၤတထံၣ်ထွဲ

၃. ပှၤအိၣ်ဒီးအက့ၣ်အလိၤ
မုၢ်ယဲၤဖဲလီၤမၢ်လၢယိၤ
ပှၤအိၣ်ဒီးအဘျၣ်အလဲၤ
မုၢ်ယဲၤဖဲလီၤမၢ်လၢဘှဲ
တၢ်ဝံၤဘၣ်သံငၤမုၣ်နွဲၤ
တၢ်ကာ်ဘၣ်သံငၤမုၣ်နွဲၤ
ထံတတၢၢ်ဒီးစ့တရွဲၤ
ဃိၣ်တ၀ံဒီးစ့တရွဲၤ
ပှၤလဲၤတဂၤပှၤပူၤဖျဲး
ပှၤလဲၤခံဂၤပှၤပူၤဖျဲး
မုၢ်ယဲၤဖဲလဲၤတပူၤဖျဲး
ယိၤဒိၣ်စိာ်ဖျိးမုၢ်ယဲၤဖဲ
ယိၤဒိၣ်စိာ်ဖျိးဆူကံၢ်မဲ
မုၢ်ယဲၤဖဲတၢ်ပှိၤသွံၣ်ဂ့ၤ
တၢ်ကာ်လၢဘီမုၢ်လူၤက့ၤ
မုၢ်ယဲၤဖဲပှၤဒိၣ်ခဲၣ်သံ
စီၤလၢ်ဃိၢ်က့ၤတန့ၢ်ဒံး

၄. မုၢ်ယဲၤဖဲလီလီၤဖျးသူ
တီၤ၀ၢ်နၢ်လၢယိၤနၢ်ဟူ
စီၤလၢ်မ့ၢ်လီအဖိခွါ
တီၤ၀ၢ်နၢ်ညးန့ၢ်အခွါ
မုၢ်ယဲၤဖဲအညၣ်ဘီဝါ
တီၤ၀ၢ်နၢ်လၢပျ့ၣ်အီၣ်ညး
တၢ်ကြပုၢ်လၢဃိၣ်အကျိ
မုၢ်ယဲၤဖဲတီၤ၀ၢ်နၢ်တိၤ
တၢ်ကြပုၢ်လၢဃိၣ်အလဲၤ
တီၤဝၢ်နၢ်တိၤမုၢ်ယဲၤဖဲ
စံၣ်လီၤလၢချံအနါဒ့
ယုၤသံၣ်ဒ်ထိတလိၤပှ့ၤ
စံၣ်ထီၣ်လၢချံအပယွဲၤ
ယုၤသံၣ်ဒ်ထိတလိၤသဲ

၅. ယိၤဒိၣ်စိာ်ဖျိးမုၢ်ယဲၤဖဲ
စီၤလၢ်လူၤက့ၤလၢကံၢ်မဲ
ယိၤသ့သ့စီၤလၢ်သ့သ့
၀ၣ်ဘီလၢလူၤခိၣ်ဟဲက့ၤ
ယိၤဒူဒူစီၤလၢ်ဒူဒူ
၀ၣ်ဘီလၢလူၤခိၣ်ဟဲယူၤ
စီၤလၢ်မ့ၢ်ပှၤတူၢ်လၢမူ
ဒိးကသ့ၣ်လၢတိာ်ခိၣ်ဒူ
ကသ့ၣ်ဒိးလၢတိာ်ခိၣ်ဒူ
ထံပှဲၤဝါစဲတလီၤလူ
ဒိးကသ့ၣ်တၢၢ်ဂီၤဝံလိၤ
တၢၢ်ဂီၤအဝံတလီၤဖျိ
တၢၢ်ဂီၤဝံကျါစီၤလၢ်စံၣ်
တလီၤြပံြပါတၢၢ်ဂီၤဝံ
မုၢ်ယဲၤဖဲယိၤဒိၣ်ခဲၣ်အၢ
အဒိအိၣ်တ့ၢ်လၢကစၢၤ
မုၢ်ယဲၤဖဲယိးသ့ၣ်ဖျၢၣ်ထူ
အဒိအိၣ်ဒ်ဆၣ်လၢမူ
မုၣ်ယဲၤဖဲယိးသ့ၣ်ဖျၢၣ်ထး
အဒိအိၣ်ဒ်ဆၣ်လၢညါ

(ဟံးန့ၢ်အီၤလၢ သီသံၣ်ပှီၤဂီၤယွၤစ့ဘီ ဒီး အရ့ဒိၣ်လံစၢဖှိၣ်သွံၣ် အပူၤန့ၣ်လီၤ)

http://www.komanadaily.com/2011/06/blog-post_20.html