လါ ခူး ကံၢ် စု

လၢ - နီၢ်ဖီတဖီး (အူပၠၣ်ဒဲက၀ီၤ)

ကိး နံၣ် ဒဲး မ့ၢ် တုၤ ဖဲ လါ ခူး ထီၣ် ပဲှၤ မုၢ် တ နံၤ န့ၣ် က ညီ ပိှၢ် ဒီး စီှၤ သ့ၣ် တ ဖၣ် မၤ ဘူၣ် လါ ခူး ကံၢ် စု တ ဖၣ် အ ထူ အ ရူၢ် တၢ် ဖံး တၢ် မၤ န့ၣ် လီၤ.က ညီ ပိှၢ် ဒီး စှီၤ ဖံ ဖု မိၢ် ပၢ် တ ဖၣ် ကိး နံၣ် ဒဲး မ့ၢ် တုၤ လၢ လါ ခူး ထီၣ် တ သီ တုၤ လါ ခူး ထီၣ် ပဲှၤ န့ၣ် အ ဆၢ က တီၢ် အိၣ် တ ဆံ ယဲၢ် သီ ပူၤ မုၢ် နံၤ တ နံၤ ပူၤ န့ၣ် အ ၀ဲ သ့ၣ် ကိး က့ၤ အ ဖိ အ လံၤ တ ဖၣ် န့ၣ် ဒီး ကံၢ် န့ၢ် ၀ဲ အ စု ဒီး လုၣ် ၀ါ ဘဲ ဒီး ထု က ဖၣ် သၣ် က မဲၤ ကွဲ န့ၢ် အ က လၤ န့ၣ် လီၤ .

ဖဲ ပ ကံၢ် စု အ ခါ လၢ ခွး ဖး ဒိၣ် တ ဘ့ၣ် အ ပူၤ န့ၣ် အိၣ် ၀ဲ ဒီး မ့ၤ တၢၤ ဒုၣ် , က ထံ ပိၤ , ဖီ ဂံၢ် ဂီၤ , ဖီ ဂံၢ် ၀ါ , ပ အံ မ့ၤ တီၤ , တ ကွံ သၣ် မံ , လုၣ် ၀ါ ဒီး ထံ တ ခွး က ယၢ ခွံ မံၤ တ ဖၣ် န့ၢ် ပာ်လီၤ ၀ဲ ၀ံၤ ပါ် လီၤ ဃုာ် ၀ဲ ဒီး နီၣ် ဒိ ကွာ် တ ဘ့ၣ် ဖဲ ခွး ဖး ဒိၣ် တ ဘ့ၣ် အ ပူၤ န့ၣ် လီၤ ့ မိၢ် ပၢ် မ့ တ မ့ၢ် ဖံ ဖု တ ဂၤ ဂၤ ဖီၣ် ထီၣ် န့ၢ် နီၣ် ဒိ ကွာ် ဒီး ဒိ တ ကျိာ် ၀ဲ ဒီး တ ဘ့ၣ် ဖး ဒိၣ် အ ခိၣ် ဒူ ဒီး လၢ အ ထး ခိၣ် တ ခီ ထု က ဖၣ် သၣ် က မဲၤ ၀ဲ - _ပု က လၤ ဟဲ က့ၤ ဟဲ က့ၤ ၀ံၤ ဒီး ထု က ဖၣ် သၣ် က မဲၤ ၀ဲ လၢ အ ဂၤ သ့ၣ် တ ဖၣ် န့ၣ် လီၤ . ထု က ဖၣ် တၢ် ၀ံၤ ဒီး ကံၢ် န့ၢ် ၀ဲ အ ဖိ အ လံၤ သ့ၣ် တ ဖၣ် အ စု ဒီး လုၣ် ၀ါ န့ၣ် လီၤ. ဖိ လံၤ သ့ၣ် တ ဖၣ် က ကံၢ် စု တ ဂၤ ဂၤ န့ၣ် ဘၣ် ဖီၣ် ထီၢ် န့ၢ် ဘၣ် ဖီၣ် ထီၣ် န့ၢ် တၢ် လၢ အ စု ညါ သး အ ပူၤ န့ၣ် ဒီး မ့ၤ တၢၤ ဒုၣ် , က ထံ , ဖီ ဂံၢ် ဂီၤ , ဖီ ဂံၢ် ၀ါ , ပ အံ , မ့ၤ တီၤ , တ ကွံ သၣ် မံ , လုၣ် ၀ါ ဒီး ထံ တ ဖၣ် န့ၣ် ၀ံၤ ဘၣ် ဒိး လီၤ အ စု လၢ မိၢ် ပၢ် ဖံ ဖူ တ ဂၤ ဂၤ အ မဲာ် ညါ န့ၣ် လီမ ့ မိၢ် ပၢ် ဖံ ဖု လၢ က ကံၢ် န့ၢ် အ ဖိ အ လံၤ အ စု တ ဂၤ ဂၤ န့ၣ် ဘၣ် ဖီၣ် ထီၣ် န့ၢ် ၀ဲ လုၣ် ၀ါ န့ၣ် ၀ံမ လၢ အ သး ခိၣ် တ ခီ ထု က ဖၣ် သၣ် က မဲၤ ဆိၣ် ဂ့ၤ ဆိၣ် ၀ါ ၀ဲ ဒ် အံၤ - _ပု က လၤ ဟဲ က့ၤ ဟဲ က့ၤ အိၣ် ဒီး မိၢ် ဟဲ က့ၤ အိၣ် ဒီး ပၢ် , အိၣ် လၢ နီၢ် ပျီၢ် သီး တ ဂ့ၤ အိၣ် လၢ နီၢ် လီ သီး တ ဂ့ၤ ဒ် န့ၣ် ဒီး ထု က ဖၣ် ၀ဲ တ ခီ ခီ ၀ံၤ ကံၢ် န့ၢ် ၀ဲ အ စု သၢ ၀ီ မ့ တ မ့ၢ် နွံ ၀ီ န့ၣ် လီၤ.

မိၢ် ပၢ် ဖံ ဖု သ့ၣ် တ ဖၣ် ကံၢ် န့ၢ် အ ဖိ အ လံၤ အ စု မ့ၢ် ၀ံၤ ဒီး လၢ အ က တၢၢ် တ ခီ ထု က ဖၣ် န့ၣ် ၀ဲ ( _ပု က လၤ ဟဲ က့ၤ ဟဲ က့ၤ ခိၣ် ၀ါ ယီၤ လုၣ် ထိး ) ဒ် န့ၣ် ၀ံၤ ဒီး ထုး တဲာ် န့ၣ် ကွၤ ၀ဲ လုၣ် ထိး န့ၣ် လီၤ. မိၢ် ပၢ် ဖံ ဖု သ့ၣ် တ ဖၣ် ဖဲ အ ကံၢ် န့ၣ် အ ဖိ အ လီၤ အ စု အ ခါ န့ၣ် အ ၀ဲ သ့ၣ် ဖီၣ် ထီၣ် ဃုာ် ၀ဲ ဒီး မ့ၤ , ပ အံ ဒီး တၢ် အ ဂၤ သ့ၣ် တ ဖၣ် တ ခါ တ စဲး တ ခါ တ စဲး ကိး မံၤ ဒဲး ၀ံၤ ဒီး လုၣ် ၀ါ ထိး န့ၣ် တ ထံၣ် ဃီ ပာ်ထီၣ် ၀ဲ လၢ အ ဖိ အ လံၤ အ ခိၣ် ထံ န့ၣ် လီၤ ့ လၢ အ ပူၤ ကွံာ် လၢ ညါ ခါ န့ၣ် ပ က ညီ ပှိၢ် ဖိ စှီၤ ဖိ သ့ၣ် တ ဖၣ် ကံၢ် စု ဖဲ လါ ခူး ပူၤ အံၤ မၤ ဘူၣ် ဃုာ် ၀ဲ ဒီး မိၢ် ပၢ် ဖံ ဖု သူၣ် က့ သး ပှၢ် တ ဖၣ် န့ၣ် လီၤ .ဒ် န့ၣ် သိး တ ကး ဒံး ဘၣ် ဆၢ က တီၢ် ခဲ အံၤ မၤ ထီၣ် ၀ဲ ဒီး မုၣ် က နီၤ ဖိ သၣ် ခွါ ဘူး ဖိ တံၢ် ဖိ , ဒီ ဒူ ဒီ သ ၀ီ , ဒီ ၀့ၢ် မၤ ဖိှၣ် မၤ ရိ ၀ဲ မုာ် မုာ် ခုၣ် ခုၣ် , ဃူ ဃူ ဖိး ဖိး န့ၣ် လီၤ .

မိၢ် ပၢ် ဖံ ဖု သ့ၣ် တ ဖၣ် မၤ ပာ်၀ဲ လါ ခူး ကံၢ် စု တၢ် မၤ အံၤ မ့ၢ် အ တၢ် ပ ညိၣ် အိၣ် ဒ် လဲၣ် န့ၣ် ပှၤ သံ ကွၢ် ၀ဲ ဒ် န့ၣ် အိၣ် တ နီၤ စ့ၢ် ကီး လီၤ. ဖံ ဖု လၢပျၢၤ သ့ၣ် တ ဖၣ် မ့ လီၤ ပာ် လီၤ န့ၢ် ၀ဲ လါ ခူး ကံၢ် စု တၢ် ဖံး တၢ် မၤ , အ လုၢ် အ လၢ် သ့ၣ် တ ဖၣ် န့ၣ် အ ခီ ပ ညီ အိၣ် ၀ဲ ဂ့ၤ ဂ့ၤ ဘၣ် ဘၣ် န့ၣ် လီၤ. အ ၀ဲ သ့ၣ် အ တၢ် ပ ညိၢ် န့ၣ် မ့ၢ် ၀ဲ , အ ဖိ အ လံၤ အ စၢၤ အ သွဲၣ် , အ စိၤ စိၤ , အ ဆီ ဆီ , အ တီၤ တီၤ သ့ၣ် တ ဖၣ် ဒ် သိး တ လီၤ ဖံှၣ် လီၤ ဖး ဘၣ် အ သိး ဒ် က အိၣ် ဖှိၣ် အိၣ် ရိ ၀ဲ ဒီး ဒီ ပုၢ် ၀ဲၢ် ဘူး တံၢ် စၢၤ သွဲၣ် ဖိ တ ဖၣ် မ့ၢ် လီၤ ဖး ယံာ် ယံာ် လံ သ နာ် က့ မ့ၢ် ထံၣ် လိာ် က့ၤ အ သး ဒီး အ သု စု ဒ့ လိၤ မ့ၢ် အိၣ် ဒီး လုၣ် ၀ါ န့ၣ် ဒီး ဒ် သိး တိၢ် နီၣ် လိာ် သး က ဘၣ် က ညီ အ ဂီၢ် ဒီး အ ၀ဲ သ့ၣ် ကံၢ် အ စု လၢ လုၣ် ၀ါ န့ၣ် မ့ၢ် တၢ် ပ နီၣ် တ ခါ လၢ ပ မ့ၢ် လီၤ ဖး လိာ် ပ သး ဘၣ် ဆၣ် ပ မ့ၢ် ထံၣ် လိာ် က့ၤ ပ သး ဒီး ပ စု ဒ့ လိၤ မ့ၢ် အိၣ် ဒီး လုၣ် ၀ါ န့ၣ် ပ က သ့ၣ် ညါ လိာ် ပ သး လၢ ပ မ့ၢ် ပှၤ တ က လုာ် ဃီ , တ ဒူၣ် ဃီ တ ထၢ ဃီ ဒီး မ့ၢ် ပ စၢၤ ပ သွဲၣ် ဘူး ဖိ တံၢ် ဖိ န့ၣ် လီၤ. တၢ် အံၤ မ့ၢ် ၀ဲ ပ မံှၤ ပ ပှၢ် မိၢ် ပၢ် ဖံ ဖူ လၢ ပျၢၤ တ ဖၣ် အ တၢ် ပ ညိၣ် န့ၣ် လီၤ ့ လၢ တၢ် န့ၣ် အ ဃိ အ ၀ဲ သ့ၣ် ကံၢ် န့ၢ် အ ဖိ အ လံၤ အ စု အ ခါ ထု က ဖၣ် သၣ် က မဲၤ သိၣ် ပာ်တၢ် တဲ သိၣ် သီ တ ဖၣ် န့ၣ် လၢ ပဲှှၤ ပာ်လံ န့ၣ် လီၤ. ဖိ လံၤ သ့ၣ် တ ဖၣ် န့ၣ် ဒိ က နၣ် တိၢ် နီၣ် န့ၢ် ဖံ ဖု သ့ၣ် တ ဖၣ် အ တၢ် ထု က ဖၣ် သိၣ် သီ တၢ် တဲ န့ၣ် တ ခီ ခီ ဒီး ဒိး လီၤ အ စု ယၣ် ခီ လၢ ဖံ ဖု မိၢ် ပၢ် သၣ် တ ဖၣ် အ တၢ် ထု က ဖၣ် ( ရၢ် တ နၤ ) န့ၣ် ဂ့ၤ ဂ့ၤ ဘၣ် ဘၣ် ၀ံၤ လၢ အ သု မဲာ် သၣ် တ ခီ န့ၣ် အ သူၣ် မုာ် အ သး မုာ် အ က လၤ ဟဲ ဖျါ ထီၣ် ၀ဲ ဒီး ဃံ လၤ ဒိၣ် မး န့ၣ် လီၤ.

ပ က ညီ ဖိ အ လုၢ် အ လၢ် အ မ့ၢ် ( ပ က ညီ လါ ခူး ကံၢ် စု ) တ မံၤ အ့ၤ မ့ၢ် တၢ် တ့ ထီၣ် ယဲ လီၤ အ ခါ စံး ယံာ် လံ လဲၣ် န့ၣ် ပှၤ သံ ကွၢ် ၀ဲ ဒ် န့ၣ် အိၣ် တ နီၤ စ့ၢ် ကီး လီၤ. ဘၣ် ဆၣ် ပ မ့ၢ် တဲ သ ပှၢ် က တၢၢ် န့ၣ် က ညီ ပှိၢ် ဒီး စှီၤ တ့ လီၤ ပာ် လီၤ အီၤ အ လုၢ် အ လၢ် ဘၣ် ဃး ဒီး လါ ခူး ကံၢ် စု အံၤ မ့ၢ် စံး ယံာ် လံ လဲၣ် န့ၣ် ပ တဲ ထီၣ် ဖျဲး တ သ့ နီ တ ဂၤ ဒံး ဘၣ်. ပှၤ သံ ကွၢ် ၀ဲ ဘၣ် ဆၣ် ပှၤ စံး ဆၢ တ အိၣ် နီ တ ဂၤ ဒံး ဘၣ် န့ၣ် လီၤ. ပှၤ ကွဲး နီၣ် မ့ၢ် ဂ့ၤ , ပှၤ တိၢ် နီၣ် ပာ် မ့ၢ် ဂ့ၤ တ အိၣ် နီ တ ဂၤ ဒံး ဘၣ် ့ တၢ် အံၤ ပ ဘၣ် တဲ ၀ဲ လၢ ပှၤ တ့ လီၤ ပာ်အိၣ် ဖး ယံာ် လံ န့ၣ် လီၤ. လၢ အ နီၢ် ကီၢ် န့ၣ် ပ တဲ ဘၣ် အီၤ ကီ ၀ဲ ဒိၣ် မး လီၤ. ပှၤ တ နီၤ နီၤ တဲ ၀ဲ လၢ က ညီ ပှိၢ် ဒီး စှီၤ ဖိ သ့ၣ် တ ဖၣ် ဟဲ နုာ် လီၤ လၢ ကီၢ် ပ ယီၤ ပူၤ အ ခါ န့ၣ် လံ လီၤ. အ ၀ဲ သ့ၣ် တံ လီၤ ပာ်၀ဲ အ လုၢ် အ လၢ် ( အ ထူ ရူၢ် ) လၢ အ ဘၣ် ဃး ဒီး လါ ခူး ကံၢ် စု အံၤ န့ၣ် လီၤ. ဘၣ် တ ဘျီ န့ၣ် ပှၤ သး ပှၢ် အိၣ် ၀ဲ တ ဂၤ ပှၤ ကိး အီၤ လၢ ဖါ တံၢ် ညါ ကါ တဲ ၀ဲ လၢ က ညီ ပှိၢ် ဒိး စှီၤ အ လုၢ် အ လၢ် အ လါ ခူ း ကံၢ် စု အံၤ ပှၤ တ့ လီၤ ၀ဲ လၢ က ညီ ပှိၢ် ဒီး စှီၤ ဖိ အိၣ် လၢ ( တ ရူး) ကီၢ် ပူၤ အ ခါ န့ၣ် လံ ဒီး အ ဖံ ဖု သ့ၣ် တ ဖၣ် အ တၢ် မုၢ် လၢ် အိၣ် လၢ အ ဖိ အ လံၤ သၣ် တ ဖၣ် ဒ် တ လီၤ မုၢ် လီၤ ဖး ဘၣ် အ သိး န့ၣ် လီၤ. မ့ၢ် ၀ံၤ ဒ် အ ဖိ အ လံၤ သ့ၣ် တ ဖၣ် က အိၣ် ဒီး တၢ် သူၣ် ဂ့ၤ သး ၀ါ အ ဂီၢ် ကံၢ် န့ၢ် ၀ဲ အ စု ဒီး လုၣ် ၀ါ န့ၣ် လီၤ ့ ဒ် သိး ဒီး အ ဖိ အ လံၤ သ့ၣ် တ ဖၣ် က အိၣ် မုာ် အိၣ် ခုၣ် , အီၣ် ၀ံၣ် မံ မုာ် , အ တၢ် အိၣ် ဆူၣ် အိၣ် ချ့ က အိၣ် အ သိး ကံၢ် န့ၢ် ၀ဲ အ စု အ ခါ ထု က ဖၣ် သၣ် က မဲၤ ဆိၣ် ဂ့ၤ ဆိၣ် ၀ါ န့ၢ် ၀ဲ တၢ် တဲ လၢ အ တီ အ လိၤ သ့ၣ် တ ဖၣ် ဒီး တဲ ပ လီၢ် န့ၢ် ၀ဲ ဒီး တၢ် တဲ သိၣ် သီ သ့ၣ် တ ဖၣ် န့ၣ် စ့ၢ် ကီး လီၤ.

လၢ တၢ် န့ၣ် အ ဃိ က ညီ ပှိၢ် ဒီး စှီၤ ဖိ သ့ၣ် တ ဖၣ် ဒိ က နၣ် လူၤ ပိာ် ထွဲ ၀ဲ တိၢ် နီၣ် န့ၢ် ၀ဲ ဒၣ် န့ၣ် လီၤ. ဖံ ဖု အ တၢ် တဲ အ တၢ် သိၣ် သီ တ ဖၣ် န့ၣ် အ စိၤ စိၤ အ ဃၣ် ဃၣ် မၤ လိာ် ပာ်၀ဲ ဒီး လါ ခူး ကံၢ် စု န့ၣ် အိၣ် တ့ၢ် တုၤ က့ၤ ၀ဲ လၢ ဆၢ က တီၢ် ခဲ အံၤ န့ၣ် လီၤ ့ မ့ၢ် ၀ံၤ ဒီး ဖု သး ပှၢ် တဲ လီၤ ၀ဲ တၢ် လၢ လါ ခူး ကံၢ် စု အ လုၢ် အ လၢ် အံၤ က ညီ ပှိၢ် ဒီး စှီၤ ဖိ သ့ၣ် တ ဖၣ် မ့ၢ် တုၤ က့ၤ ၀ဲ လၢ လါ ခူး ပူၤ အ ခါ မၤ ဘူၣ် ၀ဲ ကိး ဘျီ ဒဲး ဒီး လၢ အ ခီၣ် ထံး ခါ အ ၀ဲ သ့ၣ် ဆိ က မိၣ် ပာ် လီၤ ၀ဲ လၢ တၢ် ၀ံ တၢ် နါ , တၢ် အၢ တၢ် သီ , တ ရဲ တ ခး သ့ၣ် တ ဖၣ် ဒ် တ အိၣ် ဘၣ် အ သိး အ ဂီၢ် န့ၣ် လီၤ . ဆၢ က တီၢ် အ ခါ ဖဲ န့ၣ် က ညီ သ့ၣ် တ ဖၣ် အ တၢ် သ့ၣ် ညါ နၢ် ပၢၢ် တ အါ ဒံး ဘၣ် အ ၀ဲ သ့ၣ် ဆိ က မိၣ် ဘၣ် ၀ဲ ဒ် န့ၣ် အ သိး န့ၣ် လီၤ. ဘၣ် ဆၣ် ဒီး လၢ အ လုၢ် အ လၢ် လၢ အ မ့ၢ် လါ ခူး ကၢ် စု အံၤ ပ မ့ၢ် ဘၣ် ကွၢ် က့ၤ ဒီး ဆၢ က တီၢ် စိၤ အ ခဲ အံၤ န့ၣ် အ ၀ဲ သ့ၣ် အ တၢ် သ့ၣ် ညါ နၢ် ပၢၢ် အ ဂၢ် အ ကျိၤ ဒ် သိး လိာ် အ သး န့ၣ် လီၤ. လၢ ပ က လုာ် ဖိ အ ၈ီၢ် က မ့ၢ် တၢ် လၢ အ ဂ့ၤ န့ၣ် မ့ၢ် အ ၀ဲ သ့ၣ် အ လုၢ် အ လၢ် တ မံၤ စ့ၢ် ကီး န့ၣ် လီၤ .

ပ ၀ဲ က ညီ ပှိၢ် ဒီး စှီၤ ဖိ သ့ၣ် တ ဖၣ် ြကၢး ပ ဘၣ် မၤ ထီၣ် ၀ဲ ပ လုၢ် ပ လၢ် တ မံၤ အံၤ ပ ဘၣ် သ့ၣ် ညါ အီၤ လီၤ တံၢ် လီၤ ဆဲး , ပ ဘၣ် ဃု သ့ၣ် ညါ အ ဂ့ၢ် အ ကျိၤ ထံ ထံ ဆး ဆး န့ၣ် လီၤ. က ညီ ပှိၢ် ဒီး စှီၤ ဖိ သ့ၣ် တ ဖၣ် အိၣ် လၢ ( တ ရူး ကီၢ် ) အ ခါ က ဟဲ နုာ် လီၤ လၢ ကီၢ် ပ ယီၤ ပူၤ အံၤ န့ၣ် ပ က လုာ် ဒူၣ် , ပ စၢၤ ဖိ အ ခိၣ် အ နၢ် သ့ၣ် တ ဖၣ် တဲ လိာ် ပာ်လိာ် အ သး လၢ က အီၣ် နီၤ ပဲာ် ဖး လိာ် အ သး ဒီး အ သု တံၤ သ ကိး န့ၣ် ၀ံၤ က နုာ် လီၤ အိၣ် ၀ဲ လၢ ကီၢ် ပ ယီၤ ဒီး က မၤ အီၣ် မၤ အီ ၀ဲ အ လီၢ် မ့ၢ် ဂ့ၤ ဒီး မ့ၢ် လၢ တၢ် လီၢ် တၢ် ကျဲ ဒီး ဟီၣ် ခိၣ် သ့ၣ် တ ဖၣ် ဂ့ၤ ၀ဲ အ ဃိ သူၣ် ထီၣ် ၀ဲ အ လီၢ် အ ကျဲ သ့ၣ် တ ဖၣ် န့ၣ် လီၤ. မ့ၢ် ၀ံၤ ဒီး အ သု က လုာ် , အ သု တံၤ သ ကိး ဖိ သ့ၣ် တ ဖၣ် တ ချုး စံၣ် ဖး ထီၣ် ကွ့ာ် လိာ် သး ဘၣ် အ ခါ န့ၣ် အ ၀ဲ သ့ၣ် တဲ ပာ် လိာ် အ သး လၢ ပ မ့ၢ် ထံၣ် လိာ် ပ သး လၢ ခံ လၢ လာ် န့ၣ် တ ဂၤ ဒီး တ ဂၤ မ့ၢ် တိ နိၣ် လိာ် ပ သး န့ၣ် ဒ် ပ က တိၣ် နိၣ် လိာ် ပ သး က ညီ အ ဂီၢ် ြကၢး ပ မၤ နီၣ် မၤ ဃါ ဒီး တၢ် ပ နီၣ် တ မံၤ မံၤ လၢ ပ က သ့ၣ် ညါ လိာ် က့ၤ ပ သး ဒီး တိၢ် နီၣ် လိာ် ပ သး က ဘၣ် အ ဂီၢ် န့ၣ် လီၤ . မ့ၢ် ၀ံၤ ဒိး အ ၀ဲ သ့ၣ် အ စၢၤ အ သွဲၣ် ဖိ သ့ၣ် တ ဖၣ် မ့ၢ် တုၤ လီၤ လၢ ကီၢ် ပ ယီၤ ပူၤ အ လီၢ် အ ကျဲ တ ဘျီ လၢ အ ၀ဲ သ့ၣ် က လဲၤ တုၤ ဘၣ် အ လီၢ် အ ကျဲ သ့ၣ် တ ဖၣ် အ ဂ့ၢ် အ ကျိၤ န့ၣ် ပ တ သ့ၣ် ညါ ဘၣ် နီ တ ဂၤ ဒံး ဘၣ် န့ၣ် လီၤ .

ပ မံှၤ ပ ပှၢ် မိၢ် ပၢ် ဖံ ဖု သ့ၣ် တ ဖၣ် ဘၣ် ယိၣ် ၀ဲ ဒၣ် လၢ တၢ် ၀ံ တၢ် နါ , ဒိး တ ကး , တၢ် အၢ တၢ် သီ တ ရဲ တ ခး သ့ၣ် တ ဖၣ် ဟဲ လိၣ် ဖျါ ထီၣ် အ သး ဒ် ပှၤ က ညီ ၀ံၤ ဟဲ နုာ် လီၤ လၢ အ ၀ဲ သ့ၣ် ထၢ ပူၤ န့ၣ် က မၤ နၢၤ မၤ နး ဘၣ် အ ၀ဲ သ့ၣ် အ ဃိ အ ၀ဲ သ့ၣ် ဘၣ် ကိၢ် ဘၣ် ဂီၤ ၀ဲ ဒၣ် န့ၣ် လီၤ . လၢ တၢ် န့ၣ် အ ဃိ ဒ် တၢ် ဟဲ နုာ် လီၤ လၢ အ ၀ဲ သၣ် အ သ ၀ီ ပူၤ , အ ထၢ ပူၤ တ သ့ ဘၣ် အ သိး ပ ပှၤ က လုာ် , ပ စၢၤ ပ သွဲၣ် ဖိ သ့ၣ် တ ဖၣ် ဘၣ် မၤ နီၣ် မၤ ဃါ ၀ဲ အ စု လိၤ န့ၣ် ဘၣ် ကံၢ် ဃာ် ၀ဲ ဒီး လုၣ် ၀ါ န့ၣ် လီၤ. အ ၀ဲ သ့ၣ် တဲ ပါ် လိာ် သး ဒ် န့ၣ် အ သိး န့ၣ် လီၤ ့ လၢ ခံ န့ၣ် ဒီး အ ၀ဲ သ့ၣ် ကံၢ် အ စု ဒီး လုၣ် ၀ါ န့ၣ် လီၤ စိၤ လီၤ ဃၣ် က့ၤ ၀ဲ တုၤ မုၢ် မ ဆါ တ နံၤ အံၤ န့ၣ် လီၤ. လၢ တၢ် န့ၣ် အ ဃိ ဒ် ပ မ့ၢ် က ညီ ပှိၢ် ဒှး စှီၤ ဖိ သ့ၣ် တ ဖၣ် ဒ် ပ လုၢ် ပ လၢ် လၢ အ မ့ၢ် လါ ခူး ကံၢ် စု တ ခါ အံၤ အ သု တ လီၢ် မၢ် တ ဂ့ၤ အ ဂီၢ် ပ က ဘၣ် ပၢၤ ဃာ် က့ၤ အီၤ ဒီး ပ က ဘၣ် မၤ ဒိၣ် ထိၣ် ထီ ထီၣ် အီၤ န့ၣ် လီၤ. ဒ် သိး ဒီး လါ ခူး ကံၢ် စု အ လုၢ် အ လၢ် တ ခါ အံၤ အ သု တ လီၢ် မၢ် တ ဂ့ၤ န့ၣ် ဒ် ပ မ့ၢ် က ညီ ဖိ တ က လုာ် အ သိး ကိး နံၣ် ဒဲး တုၤ လါ ခူး ထီၣ် န့ၣ် ပ က ဘၣ် ကံၢ် ပ စု ဒီး လုၣ် ၀ါ ကိး ဘျီ ဒဲး န့ၣ် လီၤ .

ပ မ့ၢ် ဘၣ် ကွၢ် က့ၤ လါ ခူး ကံၢ် စု အံၤ စး ထီၣ် အိၣ် လၢ ပ မံှၤ ပ ပှၢ် မိၢ် ပၢ် ဖံ ဖု အ စိၤ လံၤ လံၤ လံ ဘၣ် ဆၣ် တုၤ လီၤ လၢ ပ စိၤ ပ ထံၣ် ဘၣ် လၢ တၢ် ကံၢ် စု အ လုၢ် အ လၢ် တ က လုာ် အံၤ အိၣ် ကၢ် ဆိး ကျၢၤ ၀ဲ ဒၣ် ဂ့ၤ ဂ့ၤ ထီ ဘိိ န့ၣ် လီၤ. တၢ် ကံၢ် စု တ က လုာ် အံၤ မ့ၢ် တၢ် ပ နီၣ် တ ခါ လၢ ပ ပှၤ က လုာ် က ညီ ပှိၢ် ဒီး စှီၤ သ့ၣ် တ ဖၣ် အ ဂီၢ် န့ၣ် လီၤ. အ ဃိ ဒ် ပ မ့ၢ် က ညီ က လုာ် အ သိး လၢ ပ စု ဒ့ အ လိၤ န့ၣ် က ဘဘၣ် အိၣ် ၀ဲ ဒီး လုၣ် ၀ါ ကိး ဂၤ ဒဲး န့ၣ် လီၤ. ပ မံှၤ ပ ပှၢ် တဲ စိၤ ၀ဲ ဒၣ် ပ မ့ၢ် တဲ လီၤ ပ သး လၢ ပ မ့ၢ် က ညီ ဖိ နီၢ် နီၢ် န့ၣ် လၢ ပ စု ဒ့ လိၤ န့ၣ် က ဘၣ် အိၣ် ၀ဲ ဒီး လုၣ် ၀ါ ထီ ဘိ န့ၣ် လီၤ . လါ ခူး ကံၢ် စု အံၤ မ့ၢ် တၢ် လုၢ် တၢ် လၢ် တ က လုာ် လၢ အ ရ့ ဒိၣ် လၢ ပ ပှၤ က လုာ် က ညိ ပိှၢ် ဒီး စှီၤ အ ဂီၢ် န့ၣ် လီၤ.ဒ် ပ မ့ၢ် က ညီ ပိှၢ် ဒီး စှီၤ အ သိး လၢ ပ တၢ် အိၣ် မူ အ ပူၤ န့ၣ် ပ က ဘၣ် ပာ်ဒိၣ် လါ ခူး ကံၢ် စု အ လၢ် အ လၢ် တ က လုာ် အံၤ ထီ ဘိ န့ၣ် လီၤ.

လါ ခူး ကံၢ် စု

လၢ - နီၢ်ဖီတဖီး (အူပၠၣ်ဒဲက၀ီၤ)

ကိး နံၣ် ဒဲး မ့ၢ် တုၤ ဖဲ လါ ခူး ထီၣ် ပဲှၤ မုၢ် တ နံၤ န့ၣ် က ညီ ပိှၢ် ဒီး စီှၤ သ့ၣ် တ ဖၣ် မၤ ဘူၣ် လါ ခူး ကံၢ် စု တ ဖၣ် အ ထူ အ ရူၢ် တၢ် ဖံး တၢ် မၤ န့ၣ် လီၤ.က ညီ ပိှၢ် ဒီး စှီၤ ဖံ ဖု မိၢ် ပၢ် တ ဖၣ် ကိး နံၣ် ဒဲး မ့ၢ် တုၤ လၢ လါ ခူး ထီၣ် တ သီ တုၤ လါ ခူး ထီၣ် ပဲှၤ န့ၣ် အ ဆၢ က တီၢ် အိၣ် တ ဆံ ယဲၢ် သီ ပူၤ မုၢ် နံၤ တ နံၤ ပူၤ န့ၣ် အ ၀ဲ သ့ၣ် ကိး က့ၤ အ ဖိ အ လံၤ တ ဖၣ် န့ၣ် ဒီး ကံၢ် န့ၢ် ၀ဲ အ စု ဒီး လုၣ် ၀ါ ဘဲ ဒီး ထု က ဖၣ် သၣ် က မဲၤ ကွဲ န့ၢ် အ က လၤ န့ၣ် လီၤ .

ဖဲ ပ ကံၢ် စု အ ခါ လၢ ခွး ဖး ဒိၣ် တ ဘ့ၣ် အ ပူၤ န့ၣ် အိၣ် ၀ဲ ဒီး မ့ၤ တၢၤ ဒုၣ် , က ထံ ပိၤ , ဖီ ဂံၢ် ဂီၤ , ဖီ ဂံၢ် ၀ါ , ပ အံ မ့ၤ တီၤ , တ ကွံ သၣ် မံ , လုၣ် ၀ါ ဒီး ထံ တ ခွး က ယၢ ခွံ မံၤ တ ဖၣ် န့ၢ် ပာ်လီၤ ၀ဲ ၀ံၤ ပါ် လီၤ ဃုာ် ၀ဲ ဒီး နီၣ် ဒိ ကွာ် တ ဘ့ၣ် ဖဲ ခွး ဖး ဒိၣ် တ ဘ့ၣ် အ ပူၤ န့ၣ် လီၤ ့ မိၢ် ပၢ် မ့ တ မ့ၢ် ဖံ ဖု တ ဂၤ ဂၤ ဖီၣ် ထီၣ် န့ၢ် နီၣ် ဒိ ကွာ် ဒီး ဒိ တ ကျိာ် ၀ဲ ဒီး တ ဘ့ၣ် ဖး ဒိၣ် အ ခိၣ် ဒူ ဒီး လၢ အ ထး ခိၣ် တ ခီ ထု က ဖၣ် သၣ် က မဲၤ ၀ဲ - _ပု က လၤ ဟဲ က့ၤ ဟဲ က့ၤ ၀ံၤ ဒီး ထု က ဖၣ် သၣ် က မဲၤ ၀ဲ လၢ အ ဂၤ သ့ၣ် တ ဖၣ် န့ၣ် လီၤ . ထု က ဖၣ် တၢ် ၀ံၤ ဒီး ကံၢ် န့ၢ် ၀ဲ အ ဖိ အ လံၤ သ့ၣ် တ ဖၣ် အ စု ဒီး လုၣ် ၀ါ န့ၣ် လီၤ. ဖိ လံၤ သ့ၣ် တ ဖၣ် က ကံၢ် စု တ ဂၤ ဂၤ န့ၣ် ဘၣ် ဖီၣ် ထီၢ် န့ၢ် ဘၣ် ဖီၣ် ထီၣ် န့ၢ် တၢ် လၢ အ စု ညါ သး အ ပူၤ န့ၣ် ဒီး မ့ၤ တၢၤ ဒုၣ် , က ထံ , ဖီ ဂံၢ် ဂီၤ , ဖီ ဂံၢ် ၀ါ , ပ အံ , မ့ၤ တီၤ , တ ကွံ သၣ် မံ , လုၣ် ၀ါ ဒီး ထံ တ ဖၣ် န့ၣ် ၀ံၤ ဘၣ် ဒိး လီၤ အ စု လၢ မိၢ် ပၢ် ဖံ ဖူ တ ဂၤ ဂၤ အ မဲာ် ညါ န့ၣ် လီမ ့ မိၢ် ပၢ် ဖံ ဖု လၢ က ကံၢ် န့ၢ် အ ဖိ အ လံၤ အ စု တ ဂၤ ဂၤ န့ၣ် ဘၣ် ဖီၣ် ထီၣ် န့ၢ် ၀ဲ လုၣ် ၀ါ န့ၣ် ၀ံမ လၢ အ သး ခိၣ် တ ခီ ထု က ဖၣ် သၣ် က မဲၤ ဆိၣ် ဂ့ၤ ဆိၣ် ၀ါ ၀ဲ ဒ် အံၤ - _ပု က လၤ ဟဲ က့ၤ ဟဲ က့ၤ အိၣ် ဒီး မိၢ် ဟဲ က့ၤ အိၣ် ဒီး ပၢ် , အိၣ် လၢ နီၢ် ပျီၢ် သီး တ ဂ့ၤ အိၣ် လၢ နီၢ် လီ သီး တ ဂ့ၤ ဒ် န့ၣ် ဒီး ထု က ဖၣ် ၀ဲ တ ခီ ခီ ၀ံၤ ကံၢ် န့ၢ် ၀ဲ အ စု သၢ ၀ီ မ့ တ မ့ၢ် နွံ ၀ီ န့ၣ် လီၤ.

မိၢ် ပၢ် ဖံ ဖု သ့ၣ် တ ဖၣ် ကံၢ် န့ၢ် အ ဖိ အ လံၤ အ စု မ့ၢ် ၀ံၤ ဒီး လၢ အ က တၢၢ် တ ခီ ထု က ဖၣ် န့ၣ် ၀ဲ ( _ပု က လၤ ဟဲ က့ၤ ဟဲ က့ၤ ခိၣ် ၀ါ ယီၤ လုၣ် ထိး ) ဒ် န့ၣ် ၀ံၤ ဒီး ထုး တဲာ် န့ၣ် ကွၤ ၀ဲ လုၣ် ထိး န့ၣ် လီၤ. မိၢ် ပၢ် ဖံ ဖု သ့ၣ် တ ဖၣ် ဖဲ အ ကံၢ် န့ၣ် အ ဖိ အ လီၤ အ စု အ ခါ န့ၣ် အ ၀ဲ သ့ၣ် ဖီၣ် ထီၣ် ဃုာ် ၀ဲ ဒီး မ့ၤ , ပ အံ ဒီး တၢ် အ ဂၤ သ့ၣ် တ ဖၣ် တ ခါ တ စဲး တ ခါ တ စဲး ကိး မံၤ ဒဲး ၀ံၤ ဒီး လုၣ် ၀ါ ထိး န့ၣ် တ ထံၣ် ဃီ ပာ်ထီၣ် ၀ဲ လၢ အ ဖိ အ လံၤ အ ခိၣ် ထံ န့ၣ် လီၤ ့ လၢ အ ပူၤ ကွံာ် လၢ ညါ ခါ န့ၣ် ပ က ညီ ပှိၢ် ဖိ စှီၤ ဖိ သ့ၣ် တ ဖၣ် ကံၢ် စု ဖဲ လါ ခူး ပူၤ အံၤ မၤ ဘူၣ် ဃုာ် ၀ဲ ဒီး မိၢ် ပၢ် ဖံ ဖု သူၣ် က့ သး ပှၢ် တ ဖၣ် န့ၣ် လီၤ .ဒ် န့ၣ် သိး တ ကး ဒံး ဘၣ် ဆၢ က တီၢ် ခဲ အံၤ မၤ ထီၣ် ၀ဲ ဒီး မုၣ် က နီၤ ဖိ သၣ် ခွါ ဘူး ဖိ တံၢ် ဖိ , ဒီ ဒူ ဒီ သ ၀ီ , ဒီ ၀့ၢ် မၤ ဖိှၣ် မၤ ရိ ၀ဲ မုာ် မုာ် ခုၣ် ခုၣ် , ဃူ ဃူ ဖိး ဖိး န့ၣ် လီၤ .

မိၢ် ပၢ် ဖံ ဖု သ့ၣ် တ ဖၣ် မၤ ပာ်၀ဲ လါ ခူး ကံၢ် စု တၢ် မၤ အံၤ မ့ၢ် အ တၢ် ပ ညိၣ် အိၣ် ဒ် လဲၣ် န့ၣ် ပှၤ သံ ကွၢ် ၀ဲ ဒ် န့ၣ် အိၣ် တ နီၤ စ့ၢ် ကီး လီၤ. ဖံ ဖု လၢပျၢၤ သ့ၣ် တ ဖၣ် မ့ လီၤ ပာ် လီၤ န့ၢ် ၀ဲ လါ ခူး ကံၢ် စု တၢ် ဖံး တၢ် မၤ , အ လုၢ် အ လၢ် သ့ၣ် တ ဖၣ် န့ၣ် အ ခီ ပ ညီ အိၣ် ၀ဲ ဂ့ၤ ဂ့ၤ ဘၣ် ဘၣ် န့ၣ် လီၤ. အ ၀ဲ သ့ၣ် အ တၢ် ပ ညိၢ် န့ၣ် မ့ၢ် ၀ဲ , အ ဖိ အ လံၤ အ စၢၤ အ သွဲၣ် , အ စိၤ စိၤ , အ ဆီ ဆီ , အ တီၤ တီၤ သ့ၣ် တ ဖၣ် ဒ် သိး တ လီၤ ဖံှၣ် လီၤ ဖး ဘၣ် အ သိး ဒ် က အိၣ် ဖှိၣ် အိၣ် ရိ ၀ဲ ဒီး ဒီ ပုၢ် ၀ဲၢ် ဘူး တံၢ် စၢၤ သွဲၣ် ဖိ တ ဖၣ် မ့ၢ် လီၤ ဖး ယံာ် ယံာ် လံ သ နာ် က့ မ့ၢ် ထံၣ် လိာ် က့ၤ အ သး ဒီး အ သု စု ဒ့ လိၤ မ့ၢ် အိၣ် ဒီး လုၣ် ၀ါ န့ၣ် ဒီး ဒ် သိး တိၢ် နီၣ် လိာ် သး က ဘၣ် က ညီ အ ဂီၢ် ဒီး အ ၀ဲ သ့ၣ် ကံၢ် အ စု လၢ လုၣ် ၀ါ န့ၣ် မ့ၢ် တၢ် ပ နီၣ် တ ခါ လၢ ပ မ့ၢ် လီၤ ဖး လိာ် ပ သး ဘၣ် ဆၣ် ပ မ့ၢ် ထံၣ် လိာ် က့ၤ ပ သး ဒီး ပ စု ဒ့ လိၤ မ့ၢ် အိၣ် ဒီး လုၣ် ၀ါ န့ၣ် ပ က သ့ၣ် ညါ လိာ် ပ သး လၢ ပ မ့ၢ် ပှၤ တ က လုာ် ဃီ , တ ဒူၣ် ဃီ တ ထၢ ဃီ ဒီး မ့ၢ် ပ စၢၤ ပ သွဲၣ် ဘူး ဖိ တံၢ် ဖိ န့ၣ် လီၤ. တၢ် အံၤ မ့ၢ် ၀ဲ ပ မံှၤ ပ ပှၢ် မိၢ် ပၢ် ဖံ ဖူ လၢ ပျၢၤ တ ဖၣ် အ တၢ် ပ ညိၣ် န့ၣ် လီၤ ့ လၢ တၢ် န့ၣ် အ ဃိ အ ၀ဲ သ့ၣ် ကံၢ် န့ၢ် အ ဖိ အ လံၤ အ စု အ ခါ ထု က ဖၣ် သၣ် က မဲၤ သိၣ် ပာ်တၢ် တဲ သိၣ် သီ တ ဖၣ် န့ၣ် လၢ ပဲှှၤ ပာ်လံ န့ၣ် လီၤ. ဖိ လံၤ သ့ၣ် တ ဖၣ် န့ၣ် ဒိ က နၣ် တိၢ် နီၣ် န့ၢ် ဖံ ဖု သ့ၣ် တ ဖၣ် အ တၢ် ထု က ဖၣ် သိၣ် သီ တၢ် တဲ န့ၣ် တ ခီ ခီ ဒီး ဒိး လီၤ အ စု ယၣ် ခီ လၢ ဖံ ဖု မိၢ် ပၢ် သၣ် တ ဖၣ် အ တၢ် ထု က ဖၣ် ( ရၢ် တ နၤ ) န့ၣ် ဂ့ၤ ဂ့ၤ ဘၣ် ဘၣ် ၀ံၤ လၢ အ သု မဲာ် သၣ် တ ခီ န့ၣ် အ သူၣ် မုာ် အ သး မုာ် အ က လၤ ဟဲ ဖျါ ထီၣ် ၀ဲ ဒီး ဃံ လၤ ဒိၣ် မး န့ၣ် လီၤ.

ပ က ညီ ဖိ အ လုၢ် အ လၢ် အ မ့ၢ် ( ပ က ညီ လါ ခူး ကံၢ် စု ) တ မံၤ အ့ၤ မ့ၢ် တၢ် တ့ ထီၣ် ယဲ လီၤ အ ခါ စံး ယံာ် လံ လဲၣ် န့ၣ် ပှၤ သံ ကွၢ် ၀ဲ ဒ် န့ၣ် အိၣ် တ နီၤ စ့ၢ် ကီး လီၤ. ဘၣ် ဆၣ် ပ မ့ၢ် တဲ သ ပှၢ် က တၢၢ် န့ၣ် က ညီ ပှိၢ် ဒီး စှီၤ တ့ လီၤ ပာ် လီၤ အီၤ အ လုၢ် အ လၢ် ဘၣ် ဃး ဒီး လါ ခူး ကံၢ် စု အံၤ မ့ၢ် စံး ယံာ် လံ လဲၣ် န့ၣ် ပ တဲ ထီၣ် ဖျဲး တ သ့ နီ တ ဂၤ ဒံး ဘၣ်. ပှၤ သံ ကွၢ် ၀ဲ ဘၣ် ဆၣ် ပှၤ စံး ဆၢ တ အိၣ် နီ တ ဂၤ ဒံး ဘၣ် န့ၣ် လီၤ. ပှၤ ကွဲး နီၣ် မ့ၢ် ဂ့ၤ , ပှၤ တိၢ် နီၣ် ပာ် မ့ၢ် ဂ့ၤ တ အိၣ် နီ တ ဂၤ ဒံး ဘၣ် ့ တၢ် အံၤ ပ ဘၣ် တဲ ၀ဲ လၢ ပှၤ တ့ လီၤ ပာ်အိၣ် ဖး ယံာ် လံ န့ၣ် လီၤ. လၢ အ နီၢ် ကီၢ် န့ၣ် ပ တဲ ဘၣ် အီၤ ကီ ၀ဲ ဒိၣ် မး လီၤ. ပှၤ တ နီၤ နီၤ တဲ ၀ဲ လၢ က ညီ ပှိၢ် ဒီး စှီၤ ဖိ သ့ၣ် တ ဖၣ် ဟဲ နုာ် လီၤ လၢ ကီၢ် ပ ယီၤ ပူၤ အ ခါ န့ၣ် လံ လီၤ. အ ၀ဲ သ့ၣ် တံ လီၤ ပာ်၀ဲ အ လုၢ် အ လၢ် ( အ ထူ ရူၢ် ) လၢ အ ဘၣ် ဃး ဒီး လါ ခူး ကံၢ် စု အံၤ န့ၣ် လီၤ. ဘၣ် တ ဘျီ န့ၣ် ပှၤ သး ပှၢ် အိၣ် ၀ဲ တ ဂၤ ပှၤ ကိး အီၤ လၢ ဖါ တံၢ် ညါ ကါ တဲ ၀ဲ လၢ က ညီ ပှိၢ် ဒိး စှီၤ အ လုၢ် အ လၢ် အ လါ ခူ း ကံၢ် စု အံၤ ပှၤ တ့ လီၤ ၀ဲ လၢ က ညီ ပှိၢ် ဒီး စှီၤ ဖိ အိၣ် လၢ ( တ ရူး) ကီၢ် ပူၤ အ ခါ န့ၣ် လံ ဒီး အ ဖံ ဖု သ့ၣ် တ ဖၣ် အ တၢ် မုၢ် လၢ် အိၣ် လၢ အ ဖိ အ လံၤ သၣ် တ ဖၣ် ဒ် တ လီၤ မုၢ် လီၤ ဖး ဘၣ် အ သိး န့ၣ် လီၤ. မ့ၢ် ၀ံၤ ဒ် အ ဖိ အ လံၤ သ့ၣ် တ ဖၣ် က အိၣ် ဒီး တၢ် သူၣ် ဂ့ၤ သး ၀ါ အ ဂီၢ် ကံၢ် န့ၢ် ၀ဲ အ စု ဒီး လုၣ် ၀ါ န့ၣ် လီၤ ့ ဒ် သိး ဒီး အ ဖိ အ လံၤ သ့ၣ် တ ဖၣ် က အိၣ် မုာ် အိၣ် ခုၣ် , အီၣ် ၀ံၣ် မံ မုာ် , အ တၢ် အိၣ် ဆူၣ် အိၣ် ချ့ က အိၣ် အ သိး ကံၢ် န့ၢ် ၀ဲ အ စု အ ခါ ထု က ဖၣ် သၣ် က မဲၤ ဆိၣ် ဂ့ၤ ဆိၣ် ၀ါ န့ၢ် ၀ဲ တၢ် တဲ လၢ အ တီ အ လိၤ သ့ၣ် တ ဖၣ် ဒီး တဲ ပ လီၢ် န့ၢ် ၀ဲ ဒီး တၢ် တဲ သိၣ် သီ သ့ၣ် တ ဖၣ် န့ၣ် စ့ၢ် ကီး လီၤ.

လၢ တၢ် န့ၣ် အ ဃိ က ညီ ပှိၢ် ဒီး စှီၤ ဖိ သ့ၣ် တ ဖၣ် ဒိ က နၣ် လူၤ ပိာ် ထွဲ ၀ဲ တိၢ် နီၣ် န့ၢ် ၀ဲ ဒၣ် န့ၣ် လီၤ. ဖံ ဖု အ တၢ် တဲ အ တၢ် သိၣ် သီ တ ဖၣ် န့ၣ် အ စိၤ စိၤ အ ဃၣ် ဃၣ် မၤ လိာ် ပာ်၀ဲ ဒီး လါ ခူး ကံၢ် စု န့ၣ် အိၣ် တ့ၢ် တုၤ က့ၤ ၀ဲ လၢ ဆၢ က တီၢ် ခဲ အံၤ န့ၣ် လီၤ ့ မ့ၢ် ၀ံၤ ဒီး ဖု သး ပှၢ် တဲ လီၤ ၀ဲ တၢ် လၢ လါ ခူး ကံၢ် စု အ လုၢ် အ လၢ် အံၤ က ညီ ပှိၢ် ဒီး စှီၤ ဖိ သ့ၣ် တ ဖၣ် မ့ၢ် တုၤ က့ၤ ၀ဲ လၢ လါ ခူး ပူၤ အ ခါ မၤ ဘူၣ် ၀ဲ ကိး ဘျီ ဒဲး ဒီး လၢ အ ခီၣ် ထံး ခါ အ ၀ဲ သ့ၣ် ဆိ က မိၣ် ပာ် လီၤ ၀ဲ လၢ တၢ် ၀ံ တၢ် နါ , တၢ် အၢ တၢ် သီ , တ ရဲ တ ခး သ့ၣ် တ ဖၣ် ဒ် တ အိၣ် ဘၣ် အ သိး အ ဂီၢ် န့ၣ် လီၤ . ဆၢ က တီၢ် အ ခါ ဖဲ န့ၣ် က ညီ သ့ၣ် တ ဖၣ် အ တၢ် သ့ၣ် ညါ နၢ် ပၢၢ် တ အါ ဒံး ဘၣ် အ ၀ဲ သ့ၣ် ဆိ က မိၣ် ဘၣ် ၀ဲ ဒ် န့ၣ် အ သိး န့ၣ် လီၤ. ဘၣ် ဆၣ် ဒီး လၢ အ လုၢ် အ လၢ် လၢ အ မ့ၢ် လါ ခူး ကၢ် စု အံၤ ပ မ့ၢ် ဘၣ် ကွၢ် က့ၤ ဒီး ဆၢ က တီၢ် စိၤ အ ခဲ အံၤ န့ၣ် အ ၀ဲ သ့ၣ် အ တၢ် သ့ၣ် ညါ နၢ် ပၢၢ် အ ဂၢ် အ ကျိၤ ဒ် သိး လိာ် အ သး န့ၣ် လီၤ. လၢ ပ က လုာ် ဖိ အ ၈ီၢ် က မ့ၢ် တၢ် လၢ အ ဂ့ၤ န့ၣ် မ့ၢ် အ ၀ဲ သ့ၣ် အ လုၢ် အ လၢ် တ မံၤ စ့ၢ် ကီး န့ၣ် လီၤ .

ပ ၀ဲ က ညီ ပှိၢ် ဒီး စှီၤ ဖိ သ့ၣ် တ ဖၣ် ြကၢး ပ ဘၣ် မၤ ထီၣ် ၀ဲ ပ လုၢ် ပ လၢ် တ မံၤ အံၤ ပ ဘၣ် သ့ၣ် ညါ အီၤ လီၤ တံၢ် လီၤ ဆဲး , ပ ဘၣ် ဃု သ့ၣ် ညါ အ ဂ့ၢ် အ ကျိၤ ထံ ထံ ဆး ဆး န့ၣ် လီၤ. က ညီ ပှိၢ် ဒီး စှီၤ ဖိ သ့ၣ် တ ဖၣ် အိၣ် လၢ ( တ ရူး ကီၢ် ) အ ခါ က ဟဲ နုာ် လီၤ လၢ ကီၢ် ပ ယီၤ ပူၤ အံၤ န့ၣ် ပ က လုာ် ဒူၣ် , ပ စၢၤ ဖိ အ ခိၣ် အ နၢ် သ့ၣ် တ ဖၣ် တဲ လိာ် ပာ်လိာ် အ သး လၢ က အီၣ် နီၤ ပဲာ် ဖး လိာ် အ သး ဒီး အ သု တံၤ သ ကိး န့ၣ် ၀ံၤ က နုာ် လီၤ အိၣ် ၀ဲ လၢ ကီၢ် ပ ယီၤ ဒီး က မၤ အီၣ် မၤ အီ ၀ဲ အ လီၢ် မ့ၢ် ဂ့ၤ ဒီး မ့ၢ် လၢ တၢ် လီၢ် တၢ် ကျဲ ဒီး ဟီၣ် ခိၣ် သ့ၣ် တ ဖၣ် ဂ့ၤ ၀ဲ အ ဃိ သူၣ် ထီၣ် ၀ဲ အ လီၢ် အ ကျဲ သ့ၣ် တ ဖၣ် န့ၣ် လီၤ. မ့ၢ် ၀ံၤ ဒီး အ သု က လုာ် , အ သု တံၤ သ ကိး ဖိ သ့ၣ် တ ဖၣ် တ ချုး စံၣ် ဖး ထီၣ် ကွ့ာ် လိာ် သး ဘၣ် အ ခါ န့ၣ် အ ၀ဲ သ့ၣ် တဲ ပာ် လိာ် အ သး လၢ ပ မ့ၢ် ထံၣ် လိာ် ပ သး လၢ ခံ လၢ လာ် န့ၣ် တ ဂၤ ဒီး တ ဂၤ မ့ၢ် တိ နိၣ် လိာ် ပ သး န့ၣ် ဒ် ပ က တိၣ် နိၣ် လိာ် ပ သး က ညီ အ ဂီၢ် ြကၢး ပ မၤ နီၣ် မၤ ဃါ ဒီး တၢ် ပ နီၣ် တ မံၤ မံၤ လၢ ပ က သ့ၣ် ညါ လိာ် က့ၤ ပ သး ဒီး တိၢ် နီၣ် လိာ် ပ သး က ဘၣ် အ ဂီၢ် န့ၣ် လီၤ . မ့ၢ် ၀ံၤ ဒိး အ ၀ဲ သ့ၣ် အ စၢၤ အ သွဲၣ် ဖိ သ့ၣ် တ ဖၣ် မ့ၢ် တုၤ လီၤ လၢ ကီၢ် ပ ယီၤ ပူၤ အ လီၢ် အ ကျဲ တ ဘျီ လၢ အ ၀ဲ သ့ၣ် က လဲၤ တုၤ ဘၣ် အ လီၢ် အ ကျဲ သ့ၣ် တ ဖၣ် အ ဂ့ၢ် အ ကျိၤ န့ၣ် ပ တ သ့ၣ် ညါ ဘၣ် နီ တ ဂၤ ဒံး ဘၣ် န့ၣ် လီၤ .

ပ မံှၤ ပ ပှၢ် မိၢ် ပၢ် ဖံ ဖု သ့ၣ် တ ဖၣ် ဘၣ် ယိၣ် ၀ဲ ဒၣ် လၢ တၢ် ၀ံ တၢ် နါ , ဒိး တ ကး , တၢ် အၢ တၢ် သီ တ ရဲ တ ခး သ့ၣ် တ ဖၣ် ဟဲ လိၣ် ဖျါ ထီၣ် အ သး ဒ် ပှၤ က ညီ ၀ံၤ ဟဲ နုာ် လီၤ လၢ အ ၀ဲ သ့ၣ် ထၢ ပူၤ န့ၣ် က မၤ နၢၤ မၤ နး ဘၣ် အ ၀ဲ သ့ၣ် အ ဃိ အ ၀ဲ သ့ၣ် ဘၣ် ကိၢ် ဘၣ် ဂီၤ ၀ဲ ဒၣ် န့ၣ် လီၤ . လၢ တၢ် န့ၣ် အ ဃိ ဒ် တၢ် ဟဲ နုာ် လီၤ လၢ အ ၀ဲ သၣ် အ သ ၀ီ ပူၤ , အ ထၢ ပူၤ တ သ့ ဘၣ် အ သိး ပ ပှၤ က လုာ် , ပ စၢၤ ပ သွဲၣ် ဖိ သ့ၣ် တ ဖၣ် ဘၣ် မၤ နီၣ် မၤ ဃါ ၀ဲ အ စု လိၤ န့ၣ် ဘၣ် ကံၢ် ဃာ် ၀ဲ ဒီး လုၣ် ၀ါ န့ၣ် လီၤ. အ ၀ဲ သ့ၣ် တဲ ပါ် လိာ် သး ဒ် န့ၣ် အ သိး န့ၣ် လီၤ ့ လၢ ခံ န့ၣ် ဒီး အ ၀ဲ သ့ၣ် ကံၢ် အ စု ဒီး လုၣ် ၀ါ န့ၣ် လီၤ စိၤ လီၤ ဃၣ် က့ၤ ၀ဲ တုၤ မုၢ် မ ဆါ တ နံၤ အံၤ န့ၣ် လီၤ. လၢ တၢ် န့ၣ် အ ဃိ ဒ် ပ မ့ၢ် က ညီ ပှိၢ် ဒှး စှီၤ ဖိ သ့ၣ် တ ဖၣ် ဒ် ပ လုၢ် ပ လၢ် လၢ အ မ့ၢ် လါ ခူး ကံၢ် စု တ ခါ အံၤ အ သု တ လီၢ် မၢ် တ ဂ့ၤ အ ဂီၢ် ပ က ဘၣ် ပၢၤ ဃာ် က့ၤ အီၤ ဒီး ပ က ဘၣ် မၤ ဒိၣ် ထိၣ် ထီ ထီၣ် အီၤ န့ၣ် လီၤ. ဒ် သိး ဒီး လါ ခူး ကံၢ် စု အ လုၢ် အ လၢ် တ ခါ အံၤ အ သု တ လီၢ် မၢ် တ ဂ့ၤ န့ၣ် ဒ် ပ မ့ၢ် က ညီ ဖိ တ က လုာ် အ သိး ကိး နံၣ် ဒဲး တုၤ လါ ခူး ထီၣ် န့ၣ် ပ က ဘၣ် ကံၢ် ပ စု ဒီး လုၣ် ၀ါ ကိး ဘျီ ဒဲး န့ၣ် လီၤ .

ပ မ့ၢ် ဘၣ် ကွၢ် က့ၤ လါ ခူး ကံၢ် စု အံၤ စး ထီၣ် အိၣ် လၢ ပ မံှၤ ပ ပှၢ် မိၢ် ပၢ် ဖံ ဖု အ စိၤ လံၤ လံၤ လံ ဘၣ် ဆၣ် တုၤ လီၤ လၢ ပ စိၤ ပ ထံၣ် ဘၣ် လၢ တၢ် ကံၢ် စု အ လုၢ် အ လၢ် တ က လုာ် အံၤ အိၣ် ကၢ် ဆိး ကျၢၤ ၀ဲ ဒၣ် ဂ့ၤ ဂ့ၤ ထီ ဘိိ န့ၣ် လီၤ. တၢ် ကံၢ် စု တ က လုာ် အံၤ မ့ၢ် တၢ် ပ နီၣ် တ ခါ လၢ ပ ပှၤ က လုာ် က ညီ ပှိၢ် ဒီး စှီၤ သ့ၣ် တ ဖၣ် အ ဂီၢ် န့ၣ် လီၤ. အ ဃိ ဒ် ပ မ့ၢ် က ညီ က လုာ် အ သိး လၢ ပ စု ဒ့ အ လိၤ န့ၣ် က ဘဘၣ် အိၣ် ၀ဲ ဒီး လုၣ် ၀ါ ကိး ဂၤ ဒဲး န့ၣ် လီၤ. ပ မံှၤ ပ ပှၢ် တဲ စိၤ ၀ဲ ဒၣ် ပ မ့ၢ် တဲ လီၤ ပ သး လၢ ပ မ့ၢ် က ညီ ဖိ နီၢ် နီၢ် န့ၣ် လၢ ပ စု ဒ့ လိၤ န့ၣ် က ဘၣ် အိၣ် ၀ဲ ဒီး လုၣ် ၀ါ ထီ ဘိ န့ၣ် လီၤ . လါ ခူး ကံၢ် စု အံၤ မ့ၢ် တၢ် လုၢ် တၢ် လၢ် တ က လုာ် လၢ အ ရ့ ဒိၣ် လၢ ပ ပှၤ က လုာ် က ညိ ပိှၢ် ဒီး စှီၤ အ ဂီၢ် န့ၣ် လီၤ.ဒ် ပ မ့ၢ် က ညီ ပိှၢ် ဒီး စှီၤ အ သိး လၢ ပ တၢ် အိၣ် မူ အ ပူၤ န့ၣ် ပ က ဘၣ် ပာ်ဒိၣ် လါ ခူး ကံၢ် စု အ လၢ် အ လၢ် တ က လုာ် အံၤ ထီ ဘိ န့ၣ် လီၤ.