KRC ဒီးKNUP အတၢ်လီၤဖးအတၢ်ပိာ်ထွဲ

(က) KRC ကညီတၢ်ပၢၢ်ဆၢကီၣ်ကးကရၢ(၁၉၅၅)
ကရၢတဖုအံၤပှၤလၢအဒုးအိၣ်ထီၣ်တၢ်မ့ၢ်၀ဲမူဆိကီၢ်ကစၢ်ဟါထၢၣ်သၣ်မွ့န့ၣ်လီၤ. မူဆိအံၤဖဲကီၢ်ခိၣ်စီၤဘးအူ
ကၠံသံ၀ံၤအလီၢ်ခံဘၣ်တၢ်ဃုထၢထီၣ်အီၤဒ်ကီၢ်ခိၣ်တဂၤအသိးလီၤ.ဘၣ်ဆၣ်ဖဲတၢ်ဃုထၢထီၣ်အီၤအခါအ၀ဲဖဲထံ
ထၣ်စွ့လီၤ.တတုၤဆူကီၢ်သူလ့ၤလီၢ်ခၢၣ်သးဒံးဘၣ်.ဖဲ၁၉၅၄နံၣ်အလၢာ်န့ၣ်အ၀ဲဟဲတုၤဆူကီၢ်သူလ့ၤလီၢ်ခၢၣ်
သးဒီးသုးကျဲၤ၀ဲဒ်သိးလီၢ်ခၢၣ်သးခိၣ်နၢ်တဖၣ်ကဟဲထံၣ်လိာ်သကိးလၢတၢ်တၢၣ်ပီၣ်အဂီၢ်ဖဲ၁၉၅၅နံၣ်လါယနူၤ
အါရံၤ၁၅သီအနံၤန့ၣ်လီၤ.တုၤမ့ၢ်လီၢ်ခၢၣ်သးတဖၣ်ခိၣ်နၢ်တဖၣ်ဟဲတုၤ၀ဲတဘျီအ၀ဲစံးကတိၤ၀ဲဘၣ်ဃးကညီ
တၢ်ပၢၢ်ဆၢအကျဲခံဘိတဘိအဂ့ၢ်ဒီးအတၢ်ကဲဘျုးတဖၣ်လၢအလဲၤခီဖျိဘၣ်၀ဲတဖၣ်န့ၣ်လီၤ.ဖဲတၢ်ထံၣ်လိာ်သး
တဘျီအံၤအ၀ဲပာ်ဖျါထီၣ်တၢ်တိာ်ပာ်လၢကဒုးအိၣ်ထီၣ်တၢ်ပၢၢ်ဆၢကီၣ်ကးKRCကရၢတခါန့ၣ်လီၤ.ဒီးတၢ်ထံၣ်
လိာ်သးတဘျီအံၤတၢၣ်ပီၣ်ဘၣ်ဃးတၢ်ကတိၤခီကရဲးအဂ့ၢ်ဒီးအၢၣ်လီၤသကိး၀ဲတၢ်ကကိးခီကရဲးဖဲ၁၉၅၅နံၣ်
လါယူၤ(၁၀)သီအနံၤန့ၣ်လီၤ.

ခီကရဲးတဘျီအံၤဘၣ်တၢ်မၤအီၤဖဲမီကိၢ်သ၀ီန့ၣ်လီၤ.ခီကရဲးတဘျီအံၤဒုးအိၣ်ထီၣ် KRC ကညီ
တၢ်ပၢၢ်ဆၢကီၣ်ကးကရၢန့ၣ်လီၤ. KRC ကရၢခိၣ်နၢ်လၢအဘၣ်တၢ်ဃုထၢထီၣ်အဆိကတၢၢ်တဖၣ်
မ့ၢ်၀ဲ-

၁.မူဆိကီၢ်ကစၢ် ပှၤပၢၤလီၢ်ဆ့ၣ်နီၤ,ကီၢ်ခိၣ်ဒီးထံဂုၤကီၢ်ဂၤ၀ဲၤကျိၤခိၣ်
၂.မါဘးဇၣ် - ပှၤပၢၤလီၢ်ဆ့ၣ်နီၤခၢၣ်စး,ထံရူၢ်ကီၢ်သဲး
၃.သုးခိၣ်ကျၢၢ်မ့မီၣ် ပှၤပၢၤလီၢ်ဆ့ၣ်နီၤခၢၣ်စး,သုး ဒီးတၢ်ဒီသဒၢ
၄.စကီၤလၢၢ်တီ နဲၢ်ရွဲၢ်ခိၣ်ကျၢၢ်,တၢ်ပၢတၢ်ြပး
၅.ပဒိၣ်မါသ့မီၣ် နဲၢ်ရွဲၢ်ခိၣ်ကျၢၢ်သဃဲၤ,ရူတၢ်ဖံးတၢ်မၤ
၆.ပဒိၣ်၀့ရကၠီၣ် ထံလီၢ်ကီၢ်ပူၤ၀ဲၤကျိၤ
၇.မၢၤစဲခ့ၣ် တၢ်ဒုးသ့ၣ်ညါ၀ဲၤကျိၤ
၈.ပဒိၣ်စူၤမီၣ်လွံၢ် သ့ၣ်ပှၢ်,စံာ်ပှဲၤဒီးမုၢ်ကျိၤ၀ဲၤကွာ်၀ဲၤကျိၤ
၉.ပဒိၣ်ဘးထူ ကလုာ်ဂ့ၢ်၀ီ၀ဲၤကျိၤ
၁၀.ပဒိၣ်ဖိညီ စံၣ်ညီၣ်ပီတ့၀ဲၤကျိၤ
၁၁.ပဒိၣ်ထီရ့ၣ် ကျိၣ်စ့၀ဲၤကျိၤ
၁၂.စကီၤ၀ါခိၣ် သဲစးတၢ်ဘျၢပှၤနဲၣ်တၢ်တဖၣ်န့ၣ်လီၤ.

ခီကရဲးတဘျီအံၤလၢတၢ်ဖံးတၢ်မၤဆူညါအဂီၢ်ဃုထၢထီၣ်ကမံးတံာ်ဖိ(၄)ဖုလၢအကကွဲးထုးထီၣ်တၢ်မၤအကျဲ
အကပူၤတဖၣ်န့ၣ်လီၤ. ကမံးတံာ်(၄)အမံၤမ့ၢ်၀ဲ-
၁.ထံရူၢ်ကီၢ်သဲးတၢ်မၤကမံးတံာ်ဖိလၢဘၣ်တၢ်တီခိၣ်ရိၣ်မဲအီၤလၢစကီၤလၢၢ်တီ.
၂.သုးတၢ်မၤကမံးတံာ်ဖိလၢဘၣ်တၢ်တီခိၣ်ရိၣ်မဲအီၤလၢသုးခိၣ်ကျၢၢ်မ့မီၣ်.
၃.မုၢ်ကျိၤ၀ဲၤကွာ်ကမံးတံာ်ဖိလၢဘၣ်တၢ်တီခိၣ်ရိၢ်မဲအီၤလၢမူဆိကီၢ်ကစၢ်.
၄.ပှၤဂ့ၢ်၀ီတၢ်မၤကမံးတံာ်ဖိလၢဘၣ်တၢ်တီခိၣ်ရိၢ်မဲအီၤလၢပဒိၣ်ဘးထူတဖၣ်န့ၣ်လီၤ.

KRCကရၢအံၤဖဲမူဆိက့ၤလီၤမၤသကိးတၢ်ဒီးဒုၣ်ဒါဖဲ၁၉၆၄နံၣ်န့ၣ်လီၤမၢ်ကွံာ်၀ဲလၢကညီတၢ်ပၢၢ်ဆၢအတၢ်
စံၣ်စိၤတဲစိၤအပူၤလီၤ.


(ခ) KNUP ကညီဒီကလုာ်စၢဖှိၣ်ကရၢပၣ်တံၣ်
KNUPကရၢအံၤအခိၣ်ထံးကတၢၢ်ဘၣ်တၢ်ဒုးအိၣ်ထီၣ်အီၤဖဲ၁၉၄၅နံၣ်ဂယဲးကၠီၣ်(ဂရက်ေကျာ်)သ၀ီအတၢ်အိၣ်
ဖှိၣ်န့ၣ်လီၤ.တၢ်အိၣ်ဖှိၣ်တဘျီအံၤဃုထၢထီၣ်ပၣ်တံၣ်လီၢ်ခၢၣ်သးကမံးတံာ်ဒ်အဖီလာ်အသိးလီၤ.
၁.မါဘးဇၣ် - ကရၢခိၣ်
၂.မါရှၣ်ဖလ့း - နဲၣ်ရွဲၢ်
၃.မူဆိကီၢ်ကစၢ် PB
၄.စီၤမီၣ်တိ - PB
၅.သုးခိၣ်ကျၢၢ်ကီၢ်ထူ PB
၆.မါသ့စ့ၣ်
ရ.မါစ့ၣ်ဟၣ်
၈.သုးခိၣ်ကၠီၣ်စ့ၣ်
၉.သရၣ်ဖျါစ့
၁၀.ပဒိၣ်၀့ၢ်သီ
၁၁.မါကီၢ်စ့
၁၂.စီၤမၠိသွ့တဖၣ်န့ၣ်လီၤ.
ပၣ်တံၣ်လီၢ်ခၢၣ်သးကမံးတံာ်တဖၣ်အံၤမ့ၢ်ပှၤလၢအအါလၢထံထၣ်စွ့တခီန့ၣ်လီၤ.ဘၣ်ဆၣ်မီကိၣ်ခီကရဲး
(၁၉၅၆)နံၣ်၀ံၤန့ၣ်ဘၣ်တၢ်ဃုထၢအီၤတဖၣ်မ့ၢ်၀ဲ-
၁.သုးခိၣ်ကျၢၢ်မ့မီၣ်
၂.စကီၤလၢၢ်တီ
၃.သုးခိၣ်အိဖ့ၣ်တဖၣ်န့ၣ်လီၤ.

မ့မ့ၢ်ပၣ်တံၣ်ခီကရဲးအခီၣ်ထံးကတၢၢ်တဘျီန့ၣ်ဘၣ်တၢ်မၤအီၤဖဲ၁၉၅၉နံၣ်လါဖ့ၤြဘူၤအါရံၤအ
ပူၤဖဲ ပိၤထၣ် သ၀ီန့ၣ်လီၤ.
ပၣ်တံၣ်အံၤဃုထၢထီၣ်ခိၣ်နၢ်၂၅ဂၤဖဲ၁၉၅၉နံၣ်ခီကရဲးန့ၣ်လီၤ.စးထီၣ်ဖဲန့ၣ် KRC ဒီး KNUP
ခိၣ်နၢ်တဖၣ်ထံၣ်လိာ်ဆိကမိၣ်လိာ်သးလၢအတဘၣ်တဖၣ်ဒီးအတလီၤပလိာ်တဖၣ်ယံာ်ထီၣ်အါထီၣ်၀ဲန့ၣ်လီၤ.
ဖဲ၁၉၆၃နံၣ်ကဆီ၀ါခီကရဲး KRCတီၣ်ထီၣ်ကျဲလၢတၢ်ပၢၢ်ဆၢကဘၣ်လူၤထွဲအဂၤတဘိအဃိKRCဒီးKNUP လီၤဖး၀ဲန့ၣ်လီၤ.KNUPအံၤဒုးအိၣ်ထီၣ်ကလုာ်ဒူၣ်ဒီးတီၤပတီၢ်ကရၢစိတဖၣ်လၢကဒုးသကိးဒုၣ်ဒါအဂီၢ်န့ၣ်လီၤ.
ဖဲ၁၉၆၆နံၣ်န့ၣ်ပၣ်တံၣ်လီၢ်ခၢၣ်သးသးဒိးန့ၢ်ဘၣ်လံာ်တၢ်ကလုၢ်လၢသုးခိၣ်ကျၢၢ်ဘိၣ်မၠးအအိၣ်လၢပၣ်တံၣ်ကဘၣ်
ဟးထီၣ်လၢမုၢ်ထီၣ်ကီၢ်ခီဒီးကခီဆူပကိရိမးဒီးထံထၣ်စွ့အဂီၢ်န့ၣ်လီၤ.ဘၣ်ဆၣ်ဖဲ၁၉၇၄နံၣ်န့ၣ်KNUခိၣ်နၢ်တဖၣ်
ထံၣ်လိာ်အသးဒီးKNUPခိၣ်နၢ်တဖၣ်ဖဲစီၤထၣ်န့ၣ်လီၤ.ဒုၣ်ဒါထီၣ်ဒုးထံထၣ်စွ့စးထီၣ်လၢ၁၉၆၈နံၣ်ဆူၣ်ဆူၣ်က
လဲာ်ဒီးဆူပကိရိမးကီၢ်ခီတခီစးထီၣ်ဒုး၀ဲဖဲ၁၉၇၀နံၣ်န့ၣ်လီၤ.KNUPဘၣ်ကွၢ်ဆၢၣ်မဲာ်ဒီးတၢ်ကီတၢ်ခဲအကလုာ်
ကလုာ်အဃိဖဲ၁၉၇၅နံၣ်လါအ့ြဖ့ၣ်အပူၤKNUPကရၢခိၣ်သုးခိၣ်ကျၢၢ်မၠးမီၣ်ဒီးသိၣ်ဒူခဲလၢာ်(၃၀၀)ဃၣ်ဃၣ်ခီဃီၤ
ဆူမုၢ်ထီၣ်န့့ၣ်လီၤ. KNUP အံၤဘၣ်တၢ်ဆိကတီၢ်အီၤဖဲ၁၉၇၅နံၣ်လါအီးကထိဘၢၣ်အပူၤန့ၣ်လီၤ.
http://www.piemmamure.org/2011/05/krc-knup.html