တ သး ပ့ၤ နီၣ် နီ တ ဘျီ , ယ မၤ ထူ ရၤ လၢ အ တီ(လုၢ်ဖိထါဖိ)

သိၣ် ဒူ ခိၣ် နၢ် ကိး အ ဂၤ
အဲၣ် ဘၣ် ၀ဲ ဒၣ် နၤ ဒီး ယၤ
မုၢ် ဆါ မုၢ် နၤ ဘၣ် ကျဲး စၢး
ဒ် သိး က တုၤ တၢ် မၤ နၢၤ

မ့ၢ် တူၢ် ဘၣ် တၢ် ကီ ဘၣ် ဆၣ်
တ က အု ကျဲး စၢး ၀ဲ ဒၣ်
ဒ် ထံ ကီၢ် က အိၣ် ဂၢၢ် ကျၢၤ
က ဘၣ် ဟ့ ၣ် ဆၢ တုၤ အ နၢၤ

: သး သ ဟီၣ် ဒ် န့ၣ် အ ဃိ
ကဲ ထီၣ် ၀ဲ တၢ် သ့ၣ် နီၣ် ဖိ
ဘး အူ ကၠံ ဟ့ၣ် လီၤ ကွံာ် သး
ဃုာ် ဒီး သိၣ် ဒူ ဖိ အါ ဂၤ

: သး သ မူ လုၢ် ထီၣ် ကွံာ် ၀ဲ
က မၤ နၢၤ တၢ် ပၢၢ် ဆၢ ကျဲ
ခီ ဖျိ လၢ အဲၣ် ၀ဲ မူ ဒါ
မံ ဟူ သၣ် ဖျါ လၢ ပှၤ ကျါ

: ဟ့ၣ် လီၤ သး လၢာ် လၢာ် ဆ့ ဆ့
က လုာ် ဂီၢ် တ သး အ့ န့
စု ခီၣ် ဟး ဂီၤ ကွံာ် ဘၣ် ဆၣ်
သး သ ဟီၣ် တ လၢာ် ဒံး ဘၣ်

: ပ ခိၣ် နၢ် လၢ အဲၣ် တၢ် တီ
သး သ မူ န့ၣ် တ လီ ကီ
ဟ့ၣ် လီၤ သး လၢ က လုာ် ဂီၢ်
ကဲ ထီၣ် မၤ ထူ ရၤ နီၢ် ကီၢ်

: ဒ် ပ ထံၣ် လၢ မုၢ် မ ဆါ
မံၢ် မၤ ထူ ရၤ တၢ် အိၣ် ဖျါ
တ သး ပ့ၤ နီၣ် နီ တ ဘျီ
မၤ ထူ ရၤ က လုာ် က ညီ

: စံး ဘျုး မၤ ထူ ရၤ ကိး ဂၤ
လၢ ထံ ကီၢ် ဂီၢ် ဟ့ၣ် လီၤ သး
သိၣ် ဒူ ( ခိၣ် နၢ် ) လၢ အိၣ် တ့ၢ် တ ဖၣ်
ကျဲး စၢး မၤ က့ၤ သု ၀ဲ ဒၣ်

: အီး ကူာ် ဆံ ခံ မ့ၢ် တုၤ ဃီၤ
က ညီ ဖိ မၤ လၤ က ပီၤ
က တီၤ တၢ် အဲၣ် အ ဖီ ကွီၤ
လၢ န ဂီၢ် တၢ် လၤ က ပီၤ

: ပှၤ ဒူ ပှၤ ဃိၤ လၢ ယ အဲၣ်
က သး ပ့ၤ နီၣ် ယဲ ဒ် လဲၣ်
ထီ ဘိ က သ့ၣ် နီၣ် ယဲ နၤ
မူ ဒါ လၢ ပှဲၤ မၤ ထူ ရၤ

: တ သး ပ့ၤ နီၣ် နီ တ ဘျီ
ယ မၤ ထူ ရၤ လၢ အ တီ
သ့ၣ် နီၣ် ဒီး မၤ လၤ က ပီၤ
မၤ ထူ ရၤ လၢ ယ အဲၣ် အီၤ

လၢ - (နီပဲၣ်ပ့) ကညီကၠိဖိပှာ်ဘျးစဲကရူၢ်
http://www.ksngkaren.org/2012/08/blog-post.html